ಸುನೀಲ್ ರಾವ್ ಅಭಿನಯದ ‘ತುರ್ತು ನಿರ್ಗಮನ’ ಚಿತ್ರದ ಟ್ರೇಲರ್‌ಗೆ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
‘ನಾಯಕನಾಗಿ ನಟಿಸಿ ಬಹಳ ವರ್ಷಗಳಾಗಿದ್ದವು. ಈ ಚಿತ್ರದ ಮೂಲಕ ನಾಯಕನಾಗಿ ಮರುಪ್ರವೇಶ ಮಾಡುತ್ತಿದ್ದೇನೆ. ಟ್ರೇಲರ್ ನೋಡಿದ್ದ ಅನೇಕ ಗೆಳೆಯರು ಅಭಿನಂದಿಸುತ್ತಿದ್ದಾರೆ. ಹೇಮಂತ್ ಕುಮಾರ್‌ ಪ್ರತಿಭಾವಂತ ನಿರ್ದೇಶಕ. ಉತ್ತಮ ತಂತ್ರಜ್ಞರು ಹಾಗೂ ಕಲಾವಿದರಿಂದ ಕೂಡಿದ ತಂಡವಿದು. ಟ್ರೇಲರ್‌ಗೆಸಿಕ್ಕಿರುವ ಪ್ರಶಂಸೆ ಸಿನಿಮಾಗೂ ಸಿಗಲಿದೆ’ ಎಂಬ ವಿಶ್ವಾಸವಿದೆ ಎಂದರು ಸುನೀಲ್ ರಾವ್.
ಚಿತ್ರ ಜೂನ್ 24ರಂದು ಬಿಡುಗಡೆಯಾಗಲಿದೆ.
ಚಿತ್ರದಲ್ಲಿ ರಾಜ್‌ ಬಿ. ಶೆಟ್ಟಿ ಅವರದ್ದು ಕ್ಯಾಬ್‌ ಡ್ರೈವರ್‌ ಪಾತ್ರ. ಅವರಿಗೆ ವಾಹನ ಚಾಲನೆ ಗೊತ್ತಿರಲಿಲ್ಲವಂತೆ. ‘ಚಿತ್ರದ ನಿರ್ದೇಶಕರು ಡ್ರೈವಿಂಗ್‌ ಹೇಳಿಕೊಟ್ಟರು’ ಎಂದರು ರಾಜ್‌.
ಸುಧಾರಾಣಿ, ಸಂಯುಕ್ತ ಹೆಗಡೆ, ಹಿತ ಚಂದ್ರಶೇಖರ್ ತಾರಾಗಣದಲ್ಲಿದ್ದಾರೆ. ಧೀರೇಂದ್ರ ದಾಸ್‌ ಸಂಗೀತ, ಪ್ರಯಾಗ್‌ ಅವರ ಛಾಯಾಗ್ರಹಣವಿದೆ.
