ನಾಯಕನಾಗಿ ಚಂದನವನಕ್ಕೆ ಕಾಲಿಡಲಿರುವ ಅಭಿ ಅಲಿಯಾಸ್ ವಿಕ್ರಾಂತ್‌

ಚಿತ್ರದ ಬಗ್ಗೆ ಮಾತನಾಡಿರುವ ಅಭಿ ‘ನಾಯಕನಾಗಿ ನಟಿಸುತ್ತಿರುವ ಬಗ್ಗೆ ಖುಷಿ ಇದೆ. ಎಲ್ಲಾ ವಿವಾದಗಳ ನಂತರ ನಾನು ನಾಯಕನಾಗಿ ಚಂದನವನಕ್ಕೆ ಕಾಲಿಡುತ್ತಿದ್ದೇನೆ. ಸಿನಿಮಾದಲ್ಲಿ ಕೃಷ್ಣಮೂರ್ತಿ ಎಂಬ ಕಾಲೇಜು ವಿದ್ಯಾರ್ಥಿಯ ಪಾತ್ರದಲ್ಲಿ ನಟಿಸುತ್ತಿದ್ದೇನೆ. ಈ ಸಿನಿಮಾವೂ ಹದಿಹರೆಯದವರ ಪ್ರೇಮ, ಬ್ರೇಕ್‌ಅಪ್‌ಗೆ ಕಾರಣಗಳನ್ನು ವಿಷಯವಾಗಿಸಿಕೊಂಡಿದೆ. ಜೊತೆಗೆ ಸಿನಿಮಾದಿಂದ ಪೋಷಕರು ಹಾಗೂ ಯುವಜನತೆಗೆ ಒಳ್ಳೆಯ ಸಂದೇಶವಿದೆ. ಈ ಚಿತ್ರದಲ್ಲಿ ನಾಲ್ಕು ಜನ ನಾಯಕಿಯರು’ ಎಂದು ಆಂಗ್ಲ ಮಾಧ್ಯಮವೊಂದರ ಜೊತೆ ಮಾಹಿತಿ ಹಂಚಿಕೊಂಡಿದ್ದಾರೆ.

ಡಾನ್ಸರ್ ಆಗಿ ಕಿರುತೆರೆ ಪ್ರವೇಶಿಸಿದ್ದ ಅಭಿ ‘ಗಟ್ಟಿಮೇಳ’ದ ವಿಕ್ರಾಂತ್ ಪಾತ್ರದ ಮೂಲಕ ಹೆಚ್ಚು ಪರಿಚಿತರಾಗಿದ್ದಾರೆ. ‘ಡಾನ್ಸ್ ಕರ್ನಾಟಕ ಡಾನ್ಸ್’ ರಿಯಾಲಿಟಿ ಷೋದಲ್ಲೂ ಇವರು ಭಾಗವಹಿಸಿದ್ದರು.