ಬೆಂಗಳೂರು: ಚೆನ್ನೈನಲ್ಲಿ ನಟ ಧನುಷ್ ಅಭಿನಯದ #D44 ಚಿತ್ರೀಕರಣದ ವೇಳೆ ಬಹುಭಾಷಾ ನಟ ಪ್ರಕಾಶ್ ರಾಜ್‌ ಅವರು ಕುಸಿದು ಬಿದ್ದು ಗಾಯಗೊಂಡಿದ್ದಾರೆ.
ಕೂಡಲೇ ಅವರನ್ನು ಸಮೀಪದ ಆಸ್ಪತ್ರೆಗೆ ರವಾನಿಸಲಾಗಿತ್ತು. ಆದರೆ, ಕೈಯಲ್ಲಿ ಮೂಳೆ ಮುರಿದಿರುವುದಾಗಿ ವೈದ್ಯರು ತಿಳಿಸಿದ್ದಾರೆ. ಸದ್ಯ ಪ್ರಕಾಶ್ ರಾಜ್‌, ಶಸ್ತ್ರಚಿಕಿತ್ಸೆಗಾಗಿ ಮೂಳೆ ತಜ್ಞ ಡಾ.ಗುರುವಾ ರೆಡ್ಡಿ ಅವರ ಬಳಿ ಚಿಕಿತ್ಸೆ ಪಡೆಯಲು ಹೈದರಾಬಾದ್‌ಗೆ ತೆರಳಿದ್ದಾರೆ.
ಈ ಕುರಿತು ಟ್ವೀಟ್‌ ಮಾಡಿರುವ ಅವರು, ‘ಕೆಳಗೆ ಬಿದ್ದು ಕೈಗೆ ಚಿಕ್ಕದಾಗಿ ಪೆಟ್ಟಾಗಿದೆ. ಹೈದರಾಬಾದ್‌ನ ನನ್ನ ಸ್ನೇಹಿತ ಡಾ. ಗುರುವಾ ರೆಡ್ಡಿ ಬಳಿ ಚಿಕಿತ್ಸೆ ಪಡೆಯಲು ತೆರಳುತ್ತಿದ್ದೇನೆ. ಶೀಘ್ರವೇ ಗುಣಮುಖನಾಗುತ್ತೇನೆ. ನಿಮ್ಮ ಹಾರೈಕೆ ನನಗೆ ಇರಲಿ’ ಎಂದು ಹೇಳಿದ್ದಾರೆ.
A small fall.. a tiny fracture.. flying to Hyderabad into the safe hands of my friend Dr Guruvareddy for a surgery. I will be fine nothing to worry .. keep me in your thoughts 😊😊😊🤗🤗🤗
