ಮುಂಬೈ: ಬಾಲಿವುಡ್ನ ಹಿರಿಯ ನಟಿ ಶಶಿಕಲಾ (88) ಭಾನುವಾರ ಮುಂಬೈನಲ್ಲಿ ನಿಧನರಾದರು.
ವಿ.ಶಾಂತಾರಾಂ ನಿರ್ದೇಶನದ 'ತೀನ್ ಬತ್ತಿ ಚಾರ್ ರಾಸ್ತಾ', ಬಿಮಲ್ ರಾಯ್ ಅವರ ‘ಸುಜಾತಾ’, ಅಶೋಕ್ ಕುಮಾರ್ –ಮೀನಾ ಕುಮಾರಿ ನಟನೆಯ ‘ಆರತಿ’, ‘ಡಾಕು’, ‘ಖೂಬಸೂರತ್’, ‘ಅನುಪಮ’, 'ಆಯಿ ಮಿಲನ್ ಕೆ ಬೇಲಾ' ಚಿತ್ರಗಳಲ್ಲಿ ನಟಿಸಿದ್ದಾರೆ.
90ರ ದಶಕದಲ್ಲಿ ‘ಬಾದ್ಷಾ’, ‘ಕಭಿ ಖುಷಿ ಕಭಿ ಘಮ್’, ‘ಮುಝ್ಸೇ ಶಾದಿ ಕರೋಗಿ’ ಸೇರಿದಂತೆ ನೂರಕ್ಕೂ ಹೆಚ್ಚು ಚಿತ್ರಗಳು ಹಾಗೂ ಕೆಲವು ಕಿರುತೆರೆ ಧಾರಾವಾಹಿಗಳಲ್ಲೂ ಅವರು ಅಭಿನಯಿಸಿದ್ದಾರೆ.
ಅವರ ಸೇವೆ, ಸಾಧನೆ ಪರಿಗಣಿಸಿ ಪದ್ಮಶ್ರೀ (2007) ಗೌರವ ನೀಡಿ ಪುರಸ್ಕರಿಸಲಾಗಿದೆ.