6

ಜೂನ್‌ 28ಕ್ಕೆ ‘ದಿ ವಿಲನ್‌’ ಟೀಸರ್‌ ಬಿಡುಗಡೆ

Published:
Updated:
‘ದಿ ವಿಲನ್‌’ ಚಿತ್ರದ ಪೋಸ್ಟರ್‌

ಚಂದನವನದಲ್ಲಿ ನಿರೀಕ್ಷೆ ಹೆಚ್ಚಿಸಿರುವ ‘ದಿ ವಿಲನ್‌’ ಚಿತ್ರದ ಟೀಸರ್‌ ಬಿಡುಗಡೆಗೆ ಕೊನೆಗೂ ಮುಹೂರ್ತ ನಿಗದಿಯಾಗಿದೆ.

ಪ್ರೇಮ್‌ ನಿರ್ದೇಶನದ ಈ ಚಿತ್ರದಲ್ಲಿ ‘ಹ್ಯಾಟ್ರಿಕ್‌ ಹೀರೊ’ ಶಿವರಾಜ್‌ಕುಮಾರ್‌ ಮತ್ತು ‘ಕಿಚ್ಚ’ ಸುದೀಪ್‌ ಒಟ್ಟಾಗಿ ನಟಿಸಿದ್ದಾರೆ. ಈ ಇಬ್ಬರು ಒಟ್ಟಾಗಿ ನಟಿಸಿರುವ ದೊಡ್ಡ ಬಜೆಟ್‌ನ ಚಿತ್ರದ ಟೀಸರ್‌ ಬಿಡುಗಡೆ ಯಾವಾಗ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಇತ್ತು. ಇದಕ್ಕೆ ಪ್ರೇಮ್‌ ತೆರೆ ಎಳೆದಿದ್ದು ಜೂನ್‌ 28ರಂದು ಟೀಸರ್‌ ಬಿಡುಗಡೆಗೆ ಸಿದ್ಧತೆ ನಡೆಸಿದ್ದಾರೆ.

ಶಿವರಾಜ್‌ಕುಮಾರ್‌ ಮತ್ತು ಸುದೀಪ್‌ಗೆ ಪ್ರತ್ಯೇಕ ಟೀಸರ್‌ ಇದೆಯಂತೆ. ಇಬ್ಬರು ವಿಭಿನ್ನ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದ ಪೋಸ್ಟರ್‌ಗಳು ಸಾಕಷ್ಟು ಸುದ್ದಿ ಮಾಡಿದ್ದವು. ಬೆಂಗಳೂರಿನ ಮಾಗಡಿ ರಸ್ತೆಯ ಜಿ.ಟಿ. ವರ್ಲ್ಡ್‌ ಮಾಲ್‌ನಲ್ಲಿರುವ ಸಿನಿಮಾಸ್‌ನ ಐದು ಪರದೆಯಲ್ಲೂ ಟೀಸರ್ ಬಿಡುಗಡೆಯಾಗುತ್ತಿದೆ. ಮುಖ್ಯಮಂತ್ರಿ ಎಚ್‌.ಡಿ. ಕುಮಾರಸ್ವಾಮಿ ಅಂದು ಸಂಜೆ 7ಗಂಟೆಗೆ ಬಿಡುಗಡೆ ಮಾಡಲಿದ್ದಾರೆ.

‘ದಿ ವಿಲನ್’ ಟೀಸರ್‌ ಅನ್ನು ನಿರ್ದೇಶಕನಿಂದ ನಿರ್ದೇಶಕರಿಗಾಗಿ ಸಮರ್ಪಣೆ ಮಾಡುತ್ತಿರುವುದು ವಿಶೇಷ. ಟೀಸರ್‌ ನೋಡಲು ಪ್ರತಿ ಟಿಕೆಟ್‌ಗೆ ₹ 500 ದರ ನಿಗದಿಪಡಿಸಲಾಗಿದೆ. ಸಂಗ್ರಹವಾಗುವ ಹಣವನ್ನು ಸಂಕಷ್ಟದಲ್ಲಿರುವ ಹಿರಿಯ ನಿರ್ದೇಶಕರಾದ ಎ.ಟಿ. ರಘು ಮತ್ತು  ಎ.ಆರ್‌. ಬಾಬು ಅವರಿಗೆ ನೀಡಲು ಪ್ರೇಮ್‌ ನಿರ್ಧರಿಸಿದ್ದಾರೆ. 

‘ಪರಭಾಷೆಯ ಚಿತ್ರಗಳು ಕರ್ನಾಟಕದಲ್ಲಿ ಸಾಕಷ್ಟು ದುಡ್ಡು ಮಾಡುತ್ತಿವೆ. ಆದರೆ, ಕನ್ನಡ ಚಿತ್ರಗಳು ಗುಣಮಟ್ಟದಿಂದ ಕೂಡಿದ್ದರೂ ಹಣ ಮಾಡುತ್ತಿಲ್ಲ. ಅವುಗಳನ್ನು ಗೆಲ್ಲಿಸಲು ಕನ್ನಡಿಗರು ಮುಂದಾಗಬೇಕು. ಸಿನಿಮಾ ನನ್ನ ಉಸಿರು. ಜನರಿಗೆ ಮನರಂಜನೆ ನೀಡುವುದೇ ನನ್ನ ಧ್ಯೇಯ’ ಎಂದು ಪ್ರೇಮ್‌ ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !