ಗುಬ್ಬಿ ಅವರು ಕನ್ನಡ, ಹಿಂದಿ, ಇಂಗ್ಲಿಷ್‌ ಹಾಗೂ ಜರ್ಮನ್‌ ಭಾಷೆಗಳಲ್ಲಿ ರ್ಯಾಪ್ ಹಾಡುಗಳನ್ನು ಹಾಡುತ್ತಾರೆ. ಸಾಹಿತ್ಯವನ್ನು ತಾವೇ ಬರೆದು, ಸಂಗೀತ ಸಂಯೋಜನೆ ಮಾಡುತ್ತಾರೆ. ‘ಕನ್ನಡದಲ್ಲಿ ಪಾಪ್‌ ಸಾಂಗ್‌ಗಳನ್ನೇ ರ್ಯಾಪ್ ಹಾಡುಗಳೆಂದು ಬಿಂಬಿಸಲಾಗುತ್ತದೆ. ಕನ್ನಡದಲ್ಲಿ ಹೆಚ್ಚು ರ್ಯಾಪ್ ಹಾಡುಗಳು ಬರಬೇಕು’ ಎಂದು ಹೇಳುವ ಅವರು, ಕನ್ನಡದಲ್ಲೇ ಹೆಚ್ಚು ಹೆಚ್ಚು ಸಾಹಿತ್ಯದ ರ್ಯಾಪ್ ಹಾಡುಗಳನ್ನು ಕಟ್ಟುತ್ತಿದ್ದಾರೆ. ಎಂಜಿನಿಯರ್‌ ಉದ್ಯೋಗದಲ್ಲಿದ್ದ ಅವರು ವೃತ್ತಿಗೆ ರಾಜೀನಾಮೆ ನೀಡಿ, ರ್ಯಾಪ್ ಸಂಗೀತದಲ್ಲೇ ಮುಂದುವರಿಯುವ ಅಭಿಲಾಷೆ ಹೊಂದಿದ್ದಾರೆ. ಸಿನಿಮಾದಲ್ಲೂ ಕನ್ನಡ ರ್ಯಾಪ್ ಹಾಡುಗಳು ಹೆಚ್ಚಾಗಬೇಕು ಎಂದು ಹೇಳುವ ಅವರು, ವಿಜಯ್‌ ರಾಘವೇಂದ್ರ ಅಭಿನಯದ ‘ಪುನರಾಗಮನ’ ಚಿತ್ರಕ್ಕೆ ರ್ಯಾಪ್ ಹಾಡೊಂದನ್ನು ಹಾಡಿದ್ದಾರೆ.
