ಚಂದನ್ ಮ್ಯೂಸಿಕ್ ವಿಡಿಯೊಗಳಾದ ‘3ಪೆಗ್’, ‘ಚಾಕೊಲೇಟ್ ಗರ್ಲ್’, ‘ಪಾರ್ಟಿ ಫ್ರೀಕ್’, ‘ಟಕಿಲ’ ಹಿಟ್ ಆಗಿದ್ದವು. ಇದೀಗ ‘ಅಲೆ ಲೆಲೆಲೇ ಇವ್ಳು ಚೆಂದಾಗವ್ಳೆ..ಒಳ್ಳೆ ರೆಡ್ ಕಲರ್ ಲ್ಯಾಂಬೋರ್ಗಿನಿ ಹಂಗೇ ಅವ್ಳೆ’ ಎಂದು ಹಾಡಿದ್ದಾರೆ ಚಂದನ್. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹೊಸ ಹಾಡಿನ ಪೋಸ್ಟರ್ ಅನ್ನು ಚಂದನ್ ಅಪ್ಲೋಡ್ ಮಾಡಿದ್ದಾರೆ. ಈ ಮ್ಯೂಸಿಕ್ ವಿಡಿಯೊಗೆ ಸಾಹಿತ್ಯ ಬರೆದು, ಹಾಡಿದ್ದಾರೆ ಚಂದನ್. ಹೊಸ ವರ್ಷ ಸಮೀಪಿಸುತ್ತಿದ್ದು, ಶೀಘ್ರದಲ್ಲೇ ಈ ಹಾಡು ಬಿಡುಗಡೆಯಾಗಲಿದೆ.