ಸ್ಪೆಷಲ್‌ ಆಪ್ಸ್‌ನಿಂದ ನೀರಜ್ ಕಲಿತ ಪಾಠ
ಪತ್ತೇದಾರಿ, ಥ್ರಿಲ್ಲರ್ ಕಥೆಗಳನ್ನು ಜನ ಹೆಚ್ಚು ಬಯಸುತ್ತಾರೆ ಎನ್ನುತ್ತಾರೆ ‘ಬೇಬಿ’, ‘ಅಯ್ಯಾರಿ’ಯಂತಹ ಸಿನಿಮಾಗಳ ಸೃಷ್ಟಿಕರ್ತನೀರಜ್ಪಾಂಡೆ. ‘ಕಥೆ ಪುನರಾವರ್ತನೆ ಆಗದಂತೆ ನೋಡಿಕೊಳ್ಳಬೇಕು. ಅದು ನಿರ್ದೇಶಕನ ಕೆಲಸ’ ಎಂಬುದು ಅವರ ಅನುಭವದ ಮಾತು.
ಈಗ ಹಾಟ್‌ಸ್ಟಾರ್‌ ಒಟಿಟಿ ವೇದಿಕೆಗಾಗಿನೀರಜ್ಅವರು ‘ಸ್ಪೆಷಲ್ಆಪ್ಸ್’ ಎನ್ನುವ ವೆಬ್ ಸರಣಿ ಸಿದ್ಧಪಡಿಸಿ ಕೊಟ್ಟಿದ್ದಾರೆ. ಈ ಸರಣಿಗೆ ಸಿಕ್ಕಿರುವ ಸಾರ್ವಜನಿಕರ ಸ್ಪಂದನವುನೀರಜ್ಅವರಲ್ಲಿ ಸಂತಸ ಮೂಡಿಸಿದೆ. ಈ ಸರಣಿಗೆ ಐಎಂಡಿಬಿ ವೇದಿಕೆಯಲ್ಲಿ 10ಕ್ಕೆ 8.8 ಅಂಕ ದೊರೆತಿದೆ.
‘ಜನರಿಗೆ ಮನರಂಜನೆ ನೀಡಲು ಇಂತಹ ಕಥೆಗಳು ಬಹಳ ಉತ್ತಮ. ಈಗ ನಾವು ಥ್ರಿಲ್ಲರ್, ಪತ್ತೇದಾರಿ ಕಥೆಯನ್ನು ವೆಬ್ ಸರಣಿಯ ರೂಪದಲ್ಲಿ ಹೇಳಿದ್ದೇವೆ. ಇದನ್ನು ಜನ ಇಷ್ಟಪಟ್ಟಿದ್ದಾರೆ. ಅಂದರೆ, ಇಂತಹ ಕಥೆಗಳನ್ನು ಜನ ಬಯಸುತ್ತಾರೆ ಎಂಬುದು ಖಚಿತವಾಗುತ್ತದೆ’ ಎಂದುನೀರಜ್ಹೇಳುತ್ತಾರೆ.
‘ನೀವು ಎಷ್ಟು ಪ್ರೀತಿಯಿಂದ ಕಾರ್ಯಕ್ರಮ ಸಿದ್ಧಪಡಿಸುವಿರೋ, ಜನ ಕೂಡ ಅಷ್ಟೇ ಪ್ರೀತಿಯಿಂದ ಕಾರ್ಯಕ್ರಮ ವೀಕ್ಷಿಸಿದಾಗ ತೃಪ್ತಿ ಸಿಗುತ್ತದೆ. ವೆಬ್ ಸರಣಿಗಳ ಮೂಲಕ ಕಥೆ ಹೇಳುವುದು ಹೊಸದು. ಈ ಮಾಧ್ಯಮವು ಎಲ್ಲರಿಗೂ ಮುಕ್ತವಾಗಿ ತೆರೆದಿದೆ. ಚೆನ್ನಾಗಿ ಸಿದ್ಧಪಡಿಸಿದ ಕಾರ್ಯಕ್ರಮಕ್ಕೆ ಇಲ್ಲಿ ವೀಕ್ಷಕರು ಇದ್ದೇ ಇರುತ್ತಾರೆ’ ಎಂದು ಅವರು ವಿವರಿಸುತ್ತಾರೆ.
ಎಂಟು ಕಂತುಗಳಸ್ಪೆಷಲ್ಆಪ್ಸ್ ವೆಬ್ ಸರಣಿಯು ಸುದೀರ್ಘ 19 ವರ್ಷಗಳ ಕಥೆಯನ್ನು ಹೊಂದಿದೆ. ಇದು 2001ರಲ್ಲಿ ಸಂಸತ್ತಿನ ಮೇಲೆ ನಡೆದ ದಾಳಿಯ ಹಿಂದಿನ ಸೂತ್ರಧಾರನನ್ನು ಹುಡುಕುವ ಕಥೆ. ಈ ಸರಣಿಯ ನಿರ್ದೇಶನದ ಕಾರ್ಯದಲ್ಲಿ ಶಿವಂ ನಾಯರ್ ಕೂಡ ಕೈಜೋಡಿಸಿದ್ದಾರೆ.
ಕೆ.ಕೆ. ಮೆನನ್ ಅವರು ಈ ಸರಣಿಯಲ್ಲಿ ಗುಪ್ತದಳದ ಅಧಿಕಾರಿ ಹಿಮ್ಮತ್ ಸಿಂಗ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಾಬರಿ ಮಸೀದಿ ಧ್ವಂಸ, ಮುಜಫ್ಫರ್‌ನಗರ ಗಲಭೆ, ಮುಂಬೈನಲ್ಲಿ ನಡೆದ ಭಯೋತ್ಪಾದಕರ ದಾಳಿ ಕುರಿತೂ ಈ ಸರಣಿಯಲ್ಲಿ ಉಲ್ಲೇಖ ಇದೆ.
‘ನಾನು ಈ ಕಥೆಯನ್ನು ವೆಬ್ ಸರಣಿಯ ಮಾದರಿಯಲ್ಲಿ ಹೇಳಿರುವುದಕ್ಕೆ ಒಂದು ಕಾರಣ ಇದೆ. ಇದು ನನಗೆ 19 ವರ್ಷಗಳ ಅವಧಿಯ ಕಥೆಯನ್ನು ವೀಕ್ಷಕರಿಗೆ ತಲುಪಿಸಲು ಸಾಧ್ಯ ಮಾಡಿತು’ ಎಂದುನೀರಜ್ವಿವರಿಸಿದ್ದಾರೆ.
‘ಇದು ಪತ್ತೇದಾರಿ ಕಥೆ ಮಾತ್ರವೇ ಅಲ್ಲ. ಇದರಲ್ಲಿ ಹಟ ಹಿಡಿದು ಕೆಲಸ ಮಾಡಿದ ವ್ಯಕ್ತಿಯೊಬ್ಬನ ಕಥೆ ಕೂಡ ಇದೆ. ಇದು ನಂಬಿಕೆಗೆ ಸಂಬಂಧಿಸಿದ ಕಥೆ’ ಎಂದುನೀರಜ್ಹೇಳಿಕೊಂಡಿದ್ದಾರೆ. ಈ ವೆಬ್ ಸರಣಿಯ ಅಂತ್ಯದಲ್ಲಿ ಕಥೆ ಪೂರ್ಣಗೊಳ್ಳುತ್ತದೆ. ಈ ಸರಣಿಯ ಎರಡನೆಯ ಸೀಸನ್‌ ಸಿದ್ಧಪಡಿಸುವುದಾದರೆ ಅದರಲ್ಲಿ ಹೊಸ ಕಥೆ ಇರುತ್ತದೆ ಎಂದುನೀರಜ್ಸ್ಪಷ್ಟಪಡಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.