ಮುಂಬೈ: ಬಾಲಿವುಡ್ ನಟಿ ಯುವಿಕಾ ಚೌಧರಿ –ಪ್ರಿನ್ಸ್ ನರುಲಾ ಅವರ ಹೊಸ ಹಾಡು 'ತೇರಾ ಮೇರಾ ನಾಮ್' ಯುಟ್ಯೂಬ್ನಲ್ಲಿ ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
‘ನಿರ್ಮಾಪಕರಾಗುವುದಕ್ಕಿಂತ ಪ್ರಾಜೆಕ್ಟ್ನಲ್ಲಿ ನಟನಾಗಿ ತೊಡಗಿಸಿಕೊಳ್ಳುವುದು ತುಂಬಾ ವಿಭಿನ್ನವಾಗಿದೆ. ಮತ್ತು ನಿರ್ಮಾಪಕರಾಗಿ ನಾವು ಕಲಿತದ್ದು ಬಹಳಷ್ಟಿದೆ. ಯುವಿಕಾ ಜತೆಗೆ ಒಟ್ಟಿಗೆ ಕೆಲಸ ಮಾಡಿರುವುದು ಅದ್ಭುತ ಅನುಭವ’ ಎಂದು ಪ್ರಿನ್ಸ್ ನರುಲಾ ಹೇಳಿಕೊಂಡಿದ್ದಾರೆ.
ಯುಟ್ಯೂಬ್ನಲ್ಲಿ ಈ ಹಾಡು ಬಿಡುಗಡೆಯಾದ ಎರಡೇ ದಿನದಲ್ಲಿ 11.54 ಲಕ್ಷ ವೀಕ್ಷಣೆ ಪಡೆದುಕೊಂಡಿದೆ. ಖಾರಾ ಅವರ ಸಾಹಿತ್ಯವಿರುವ ಈ ಹಾಡಿಗೆ ಗಾಯಕ ಜೆಹಾನ್ ಧ್ವನಿಗೂಡಿಸಿದ್ದಾರೆ.
ಲೋಹ್ರಿ ಹಬ್ಬದ ಸಂದರ್ಭದಲ್ಲಿ ಬಿಡುಗಡೆಯಾಗಿರುವ ಈ ಹಾಡು ಪಂಜಾಬ್ನ ಗ್ರಾಮೀಣ ಜನರು ಇಷ್ಟವಾಗಲಿದೆ ಎಂದು ಯುವಿಕಾ ಹೇಳಿದ್ದಾರೆ.