ಹೊಂಗಿರಣದ ಹಾಸ್ಯರಂಗ ಹಬ್ಬ

7

ಹೊಂಗಿರಣದ ಹಾಸ್ಯರಂಗ ಹಬ್ಬ

Published:
Updated:
Deccan Herald

ಪ್ರತಿ ಮನುಷ್ಯನಲ್ಲೂ ಹಾಸ್ಯಗಾರನಿರುತ್ತಾನೆ. ಅದು ಕಾಲ, ಸಂದರ್ಭಕ್ಕನುಗುಣವಾಗಿ ಬಿಚ್ಚಿಕೊಂಡಾಗಲೇ ಜೀವನದ ತಾಜಾತನ, ಸ್ವಾರಸ್ಯಕರ. ಹೀಗಾಗಿಯೇ ಹಾಸ್ಯವನ್ನು ಬದುಕು, ಮನಸ್ಸನ್ನು ಅರಳಿಸುವ ಜೀವಂತ ಬಿಂಬ ಎನ್ನಲಾಗುತ್ತದೆ.

ಸತತ 20ಕ್ಕೂ ಹೆಚ್ಚು ವರ್ಷಗಳಿಂದ ರಂಗಭೂಮಿ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿರುವ ಶಿವಮೊಗ್ಗದ ಹೊಂಗಿರಣ ಹವ್ಯಾಸಿ ರಂಗ ತಂಡವು ಈ ಉದ್ದೇಶದೊಂದಿಗೆ ಹಾಸ್ಯ ರಂಗೋತ್ಸವಕ್ಕೆ ಸಜ್ಜಾಗಿದ್ದು, ಇದೇ  12, 13, 14ರಂದು ಬೆಂಗಳೂರಿಗರನ್ನು ನಗೆಗಡಲಲ್ಲಿ ತೇಲಿಸಲಿದೆ.

ಇದು ಹೊಂಗಿರಣೋತ್ಸವದ ಹೆಸರಿನಲ್ಲಿ ನಡೆಯುತ್ತಿರುವ 7ನೇ ನಾಟಕೋತ್ಸವ ಎಂಬುದು ತಂಡದ ಹೆಗ್ಗಳಿಕೆ. ಅವಧಿ ನಿಯತಕಾಲಿಕೆ ಹಾಗೂ ಅರವಿಂದ್ ಇಂಡಿಯಾ ಸಹಯೋಗದಲ್ಲಿ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಶಿವಮೊಗ್ಗದ ಕಲಾವಿದರ (ಹವ್ಯಾಸಿ ರಂಗ ತಂಡತಂಡಗಳ ಒಕ್ಕೂಟ) ಸಹಕಾರದೊಂದಿಗೆ ನಗರದ ಮಲ್ಲತ್ತಹಳ್ಳಿಯ ಕಲಾಗ್ರಾಮದಲ್ಲಿ ಈ ಹಾಸ್ಯ ರಂಗೋತ್ಸವ ಜರುಗಲಿದೆ.

ಪ್ರವೇಶ ದರ ₹100, ಮೂರು ನಾಟಕಗಳ ಪ್ರವೇಶ ದರ ₹250.

ಹೊಂಗಿರಣ ತಂಡದ ವಿಶೇಷ: ಶಿವಮೊಗ್ಗದ ಗಾಜನೂರಿನ ಮೊರಾರ್ಜಿ ಶಾಲೆಯ ಮಕ್ಕಳ ರಂಗ ಚಟುವಟಿಕೆಗಾಗಿ 1996ರಲ್ಲಿ ಹುಟ್ಟಿದ ತಂಡವೇ ಹೊಂಗಿರಣ. ಈ ತಂಡವು ಗುಜರಾತ್, ಮುಂಬೈ ರಾಜ್ಯಗಳಲ್ಲಿ ಕಲೆ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳ ಮೂಲಕ ಪ್ರಖರ ಬೆಳಕನ್ನು ಪಸರಿಸಿದೆ. ಅಭಿನಯ, ನಿರ್ದೇಶನ, ಪ್ರಸಾಧನ ಹೀಗೆ ರಂಗಭೂಮಿಯ ಅವಿಭಾಜ್ಯ ಅಂಗಗಳಲ್ಲಿ ರಾಜ್ಯ, ರಾಷ್ಟ್ರ ಮಟ್ಟದಲ್ಲಿ ಸಾಕಷ್ಟು ಪ್ರಶಸ್ತಿ– ಪುರಸ್ಕಾರಗಳನ್ನು ಮಡಿಲಿಗೆ ಹಾಕಿಕೊಂಡಿದ್ದು, ಇದುವರೆಗೂ ಸುಮಾರು 39 ನಾಟಕಗಳು ಪ್ರದರ್ಶಿಸಿದೆ. ಇಲ್ಲಿನ ಕೆಲ ಕಲಾವಿದರು ಬೆಳ್ಳಿತೆರೆ, ಕಿರುತೆರೆಯಲ್ಲೂ ತಮ್ಮ ಪ್ರತಿಭೆ ಮೂಲಕ ಮಿಂಚುತ್ತಿರುವು‌ದು ತಂಡದ ಹೆಮ್ಮೆಯ ವಿಚಾರ.

ಹೊಂಗಿರಣೋತ್ಸವ–7ರ ಉದ್ದೇಶ: ಈ ಹೊಂಗಿರಣೋತ್ಸವ ಶುರುವಾಗಿದ್ದು 2013ರಲ್ಲಿ. ಪ್ರತಿ ವರ್ಷ ಬಿ. ಚಂದ್ರೇಗೌಡ ನಾಟಕೋತ್ಸವ, ಏಕವ್ಯಕ್ತಿ ನಾಟಕೋತ್ಸವ, ದ್ವಿ ವ್ಯಕ್ತಿ ನಾಟಕೋತ್ಸವ...ಹೀಗೆ ವಿಭಿನ್ನ ಹೆಸರುಗಳಲ್ಲಿ ಆಯೋಜನೆಗೊಳ್ಳುತ್ತಿದ್ದು, ಆರು ಉತ್ಸವಗಳನ್ನು ಯಶಸ್ವಿಯಾಗಿ ಪೂರೈಸಿ, ಏಳನೇ ಉತ್ಸವದ ಸಂಭ್ರಮದಲ್ಲಿದೆ. ಮಲೆನಾಡಿನ ಕಲಾವಿದರನ್ನು ಬೆಂಗಳೂರಿಗರಿಗೆ ಪರಿಚಯಿಸುವುದು ಈ ಹೊಂಗಿರಣೋತ್ಸವ–7ರ ಉದ್ದೇಶ.

*
ಪ್ರತಿ ವರ್ಷ ವಿಭಿನ್ನ ರೀತಿಯಲ್ಲಿ ನಾಟಕೋತ್ಸವ ಆಯೋಜಿಸಿಕೊಂಡು ಬಂದಿದ್ದೇವೆ. ಶಿವಮೊಗ್ಗದ ಕಲಾವಿದರನ್ನು ಬೆಂಗಳೂರಿನಲ್ಲಿ ಪರಿಚಯಿಸುವ ಉದ್ದೇಶದಿಂದ ಈ ಬಾರಿ ಉದ್ಯಾನನಗರದಲ್ಲಿ ಉತ್ಸವ ಆಯೋಜಿಸುತ್ತಿದ್ದೇವೆ. ಹವ್ಯಾಸಿಗಳಾದ ನಾವು ನಮ್ಮ ಇತಿಮಿತಿ ಅರಿತು ಬದ್ಧತೆಯಿಂದ ಕೆಲಸ ಮಾಡಲು ಪ್ರಯತ್ನಿಸುತ್ತೇವೆ.
-ಡಾ. ಸಾಸ್ವೆಹಳ್ಳಿ ಸತೀಶ್, ನಿರ್ದೇಶಕ

ಅಕ್ಟೋಬರ್ 12
ನಾಟಕ: ನನ್ನ ಪ್ರೀತಿಯ ನರಕ..!?
ರಚನೆ: ಎಸ್.ಆರ್.ಗಿರೀಶ್ (ಚಂದ್ರಗಿರಿ)
ನಿರ್ದೇಶನ, ಪ್ರಸಾಧನ: ಡಾ. ಸಾಸ್ವೆಹಳ್ಳಿ ಸತೀಶ್ 
ಸಂಗೀತ: ಕೊಂಡಯ್ಯ ತಬಲ: ಹನುಮಂತಪ್ಪ
ಬೆಳಕು: ಹರಿಗೆ ಗೋಪಾಲಸ್ವಾಮಿ
ಅಭಿನಯ : ಹೊಂಗಿರಣ ತಂಡ, ಶಿವಮೊಗ್ಗ

 ಅಕ್ಟೋಬರ್ 13
ನಾಟಕ: ಬಯಲು ಸೀಮೆ ಕಟ್ಟೆಪುರಾಣ
ರಚನೆ: ಬಿ. ಚಂದ್ರೇಗೌಡ
ನಿರ್ದೇಶನ: ಎಸ್.ಆರ್.ಗಿರೀಶ್ (ಚಂದ್ರಗಿರಿ)
ಪ್ರಸಾಧನ: ಡಾ. ಸಾಸ್ವೆಹಳ್ಳಿ ಸತೀಶ್ 
ಸಂಗೀತ: ಕೊಂಡಯ್ಯ, ತಬಲ: ಹನುಮಂತಪ್ಪ
ಬೆಳಕು: ಹರಿಗೆ ಗೋಪಾಲಸ್ವಾಮಿ
ಅಭಿನಯ : ನಮ್ ಟೀಮ್, ಶಿವಮೊಗ್ಗ

ಅಕ್ಟೋಬರ್ 14
ನಾಟಕ: ವೀರ ಉತ್ತರಕುಮಾರ
ರಚನೆ, ವಿನ್ಯಾಸ, ನಿರ್ದೇಶನ: ಡಾ. ಸಾಸ್ವೆಹಳ್ಳಿ ಸತೀಶ್
ಪ್ರಸಾಧನ: ಸುಪ್ರೀಯಾ ಎಸ್. ರಾವ್
ಸಂಗೀತ: ಕೊಂಡಯ್ಯ, ಸಂತೋಷ್ ಕಟ್ಟೆ, ತಬಲ: ಹನುಮಂತಪ್ಪ
ಬೆಳಕು: ಹರಿಗೆ ಗೋಪಾಲಸ್ವಾಮಿ
ಅಭಿನಯ : ಹೊಂಗಿರಣ, ಶಿವಮೊಗ್ಗ

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !