ಅತ್ಯಾಚಾರ ಎಸಗಿರುವುದಲ್ಲದೇ ತಮ್ಮ ಬಳಿ ಕೆಲವು ವಿಡಿಯೊಗಳನ್ನು ಇರಿಸಿಕೊಂಡು ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ. ಹಣ ನೀಡದಿದ್ದಲ್ಲಿ ವಿಡಿಯೊಗಳನ್ನು ಬಹಿರಂಗ ಪಡಿಸುವುದಾಗಿ ಬೆದರಿಕೆಯೊಡ್ಡಿದ್ದಾರೆ ಎಂದು ದೂರಿನಲ್ಲಿ ಹೇಳಿದ್ದಾರೆ.
ಮಹಿಳೆಯ ದೂರಿನನ್ವಯ ಒಬೆರಾಯ್ ಅವರನ್ನು ಸೆಕ್ಷನ್ 376 (ಅತ್ಯಾಚಾರ), 384 ( ಸುಲಿಗೆ) ಕಾಯ್ದೆ ಅಡಿಯಲ್ಲಿ ಭಾನುವಾರ ಬಂಧಿಸಲಾಗಿದೆ ಎಂದು ಒಶಿವರ ವಿಭಾಗದ ಹಿರಿಯ ಪೊಲೀಸ್ ಅಧಿಕಾರಿ ಶೈಲೇಶ್ ಪಸಲ್ವಾದ್ ಹೇಳಿದ್ದಾರೆ.
ಒಬೆರಾಯ್, ‘ಜಸ್ಸಿ ಜೈಸಿ ಕೋಯಿ ನಹೀ’, ’ಇನ್‌ಸೈಡ್ ಎಡ್ಜ್’ ಸೇರಿದಂತೆ ಹಲವು ಶೋಗಳಲ್ಲಿ ನಟಿಸಿದ್ದಾರೆ. ಜೊತೆಗೆ ಕಾರು, ಬೈಕ್ ಜಾಹೀರಾತುಗಳಲ್ಲಿಯೂ ಕಾಣಿಸಿಕೊಂಡಿದ್ದಾರೆ.
