ಬಿಗ್‌ ಬಾಸ್‌ ಆರನೇ ಆವೃತ್ತಿ: ಪ್ರೋಮೋ ಶೂಟ್‌ನಲ್ಲಿ ಕಿಚ್ಚ ಸುದೀಪ್‌ ಹೊಸ ಗೆಟಪ್‌

7

ಬಿಗ್‌ ಬಾಸ್‌ ಆರನೇ ಆವೃತ್ತಿ: ಪ್ರೋಮೋ ಶೂಟ್‌ನಲ್ಲಿ ಕಿಚ್ಚ ಸುದೀಪ್‌ ಹೊಸ ಗೆಟಪ್‌

Published:
Updated:

ಬೆಂಗಳೂರು: ಕಲರ್ಸ್‌ ಸೂಪರ್‌ ವಾಹಿನಿಯಲ್ಲಿ ಪ್ರಸಾರವಾಗಲಿರುವ ‘ಬಿಗ್ ಬಾಸ್’ ರಿಯಾಲಿಟಿ ಷೋನ ಆರನೇ ಆವೃತ್ತಿಯ ದಿನಾಂಕ ಈಗಾಗಲೇ ನಿಗದಿಯಾಗಿದೆ. ಸೆಪ್ಟಂಬರ್ ತಿಂಗಳಾಂತ್ಯಕ್ಕೆ ಷೋ ಆರಂಭವಾಗಲಿದೆ. ಅದಕ್ಕಾಗಿ ಎಲ್ಲ ರೀತಿಯ ಸಿದ್ಧತೆಗಳು ನಡೆಯುತ್ತಿದ್ದು, ಈಗ ಪ್ರೋಮೋ ಶೂಟ್ ಮಾಡಲು ತಯಾರಿ ನಡೆದಿದೆ.

ಭಾನುವಾರ ನಡೆದ ಪ್ರೋಮೋ ಶೂಟ್‌ನಲ್ಲಿ ಕಿಚ್ಚ ಸುದೀಪ್‌ ಹೊಸ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಪ್ರೋಮೋ ಶೂಟ್ ಚಿತ್ರೀಕರಣದ ವಿಡಿಯೊವನ್ನು ಕಲರ್ಸ್‌ ವಾಹಿನಿ ಫೇಸ್‌ಬುಕ್‌ ಲೈವ್‌ ಮಾಡಿದೆ.

ಈಗಾಗಲೇ 39 ಸಾವಿರಕ್ಕೂ ಹೆಚ್ಚು ಜನ ಲೈವ್‌ ವಿಡಿಯೊ ನೋಡಿದ್ದಾರೆ. ಸಾವಿರಾರು ಜನರು ಫೇಸ್‌ಬುಕ್‌ನಲ್ಲಿ ವಿಡಿಯೊ ಹಂಚಿಕೊಂಡು, ತಮ್ಮಿಷ್ಟದ ಕಾರ್ಯಕ್ರಮ ನೋಡಲು ಎದುರು ನೋಡುತ್ತಿರುವುದಾಗಿ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. 

ಈ ಬಾರಿ ಬಿಗ್‌ ಬಾಸ್‌ ಮನೆಯಲ್ಲಿ ಯಾರೆಲ್ಲಾ ಕಾಣಿಸಿಕೊಳ್ಳಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಾಗಿದೆ.

ವಿಡಿಯೊದಲ್ಲಿ ಏನಿದೆ: ‘ಮೆಸೆಜ್‌ಗೆ ಫೋನು, ಸೋಶಿಯಲ್‌ ಮೀಡಿಯಾಗೂ ಫೋನು, ಫೋಟೊ ತೆಗೆಯೋಕೂ ಫೋನು, ಬ್ಯಾಂಕಿಂಗ್‌ ಕೆಲಸಕ್ಕೂ ಫೋನು ಇಡೀ ಲೈಫ್‌ಗೆ ಫೋನ್‌ ಬೇಕಾಗಿರುವಾಗ ಲೈಫ್‌ನ ಆಟ ‘ಬಿಗ್‌ ಬಾಸ್‌’ ಫೋನ್‌ನಲ್ಲಿ ಇಲ್ಲ ಅಂದರೇ ಹೇಗೆ? ವೂಟ್‌ ಆ್ಯಪ್‌ (voot app) ಈಗಾಲೇ ಡೌನ್‌ಲೋಡ್‌ ಮಾಡಿಕೊಳ್ಳಿ ಬಿಗ್‌ ಬಾಸ್‌ ನೋಡಿ’ ಎಂದು ಸುದೀಪ್‌ ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 3

    Happy
  • 2

    Amused
  • 1

    Sad
  • 2

    Frustrated
  • 3

    Angry

Comments:

0 comments

Write the first review for this !