ರಂಗಭೂಮಿಯಿಂದ ಕಿರುತೆರೆವರೆಗೆ; ಇದು ‘ಗೌರಿ ಕಲ್ಯಾಣ’ದ ಶರತ್ ಪಯಣ

ಉಷಾ ಬಂಡಾರಿ ಅವರ ಆ್ಯಪ್‌ ಇನ್‌ಸ್ಟಿಟ್ಯೂಟ್‌ನಲ್ಲಿ ತರಬೇತಿ ಪಡೆದ ಶರತ್ ಕುಮಾರ್ ಅವರು, ರಂಗಭೂಮಿಯ ಅನುಭವದಿಂದ ನಟನೆಯ ಕೌಶಲ ಮತ್ತು ಕ್ಯಾಮೆರಾ ಎದುರಿಸುವ ಆತ್ಮವಿಶ್ವಾಸವನ್ನು ಕರಗತ ಮಾಡಿಕೊಂಡಿದ್ದಾರೆ.

‘ಭೂಮಿ ತಾಯಾಣೆ’, ‘ಮುದ್ದುಮಣಿ’ ಮತ್ತು ‘ಚಿಕ್ಕೆಜಮಾನಿ’ ಧಾರಾವಾಹಿಗಳ ನಂತರ, ಇದೀಗ ‘ಗೌರಿ ಕಲ್ಯಾಣ’ ಧಾರಾವಾಹಿಯ ವಿವೇಕ್ ಪಾತ್ರದ ಮೂಲಕ ಅವರು ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದಾರೆ.

ವಾಸ್ತವದಲ್ಲಿ ಪೊಲೀಸ್ ಅಧಿಕಾರಿ ಆಗಬೇಕೆಂಬುದು ಶರತ್ ಅವರ ಕುಟುಂಬದ ಆಸೆಯಾಗಿತ್ತು, ಆದರೆ ನಟನೆಯ ಮೇಲಿನ ಒಲವಿನಿಂದ ಅವರು ಕಲಾವಿದರಾಗಿ ಯಶಸ್ವಿ ವೃತ್ತಿಜೀವನವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.

ನಟ ದರ್ಶನ್ ಅವರೊಂದಿಗೆ ತೆರೆ ಹಂಚಿಕೊಳ್ಳುವುದು ಶರತ್ ಅವರ ದೊಡ್ಡ ಕನಸಾಗಿದೆ. ಅಲ್ಲದೆ, ಸದ್ಯ ಹೊಸ ಸಿನಿಮಾವೊಂದರ ಚಿತ್ರೀಕರಣದಲ್ಲಿಯೂ ಅವರು ನಿರತರಾಗಿದ್ದಾರೆ.

‘ಗೌರಿ ಕಲ್ಯಾಣ’ದ ಸಹ ಕಲಾವಿದೆ ಕಾಂತಲಕ್ಷ್ಮೀ ಅವರ ಜೀವನಕಥೆ ಶರತ್ ಅವರಿಗೆ ಸ್ಫೂರ್ತಿಯಾಗಿದ್ದು, ಅವರ ಜೊತೆಗಿನ ನಟನೆಯನ್ನು ಇಷ್ಟಪಡುತ್ತಾರೆ.