ತಮಿಳು ಕಿರುತೆರೆ ನಟ ಇಂದಿರಾ ಕುಮಾರ್ ಮೃತಪಟ್ಟಿದ್ದು ಅವರ ಮೃತದೇಹ ಚೆನ್ನೈನ ಸ್ನೇಹಿತನ ಮನೆಯಲ್ಲಿ ಪತ್ತೆಯಾಗಿದೆ. ಮೂಲಗಳ ಪ್ರಕಾರ ಈ ನಟ ಸ್ನೇಹಿತನನ್ನು ಭೇಟಿಯಾಗಲು ಅವರ ಮನೆಗೆ ಹೋಗಿದ್ದರು. ರಾತ್ರಿ ಇಬ್ಬರೂ ಒಟ್ಟಿಗೆ ಸಿನಿಮಾ ನೋಡಿದ್ದರು. ನಂತರ ಕೋಣೆಯೊಳಗೆ ತೆರಳಿದ್ದ ಇಂದಿರಾ ಅವರು ಬಹಳ ಹೊತ್ತಿನ ತನಕ ಹೊರಗೆ ಬಂದಿರಲಿಲ್ಲ. ಅನುಮಾನಗೊಂಡ ಸ್ನೇಹಿತ ಕೋಣೆಯಲ್ಲಿ ನೋಡಿದಾಗ ನೇಣು ಬಿಗಿದ ಸ್ಥಿತಿಯಲ್ಲಿ ಮೃತದೇಹ ಪತ್ತೆಯಾಗಿತ್ತು. ತಕ್ಷಣಕ್ಕೆ ಪೊಲೀಸರಿಗೆ ಮಾಹಿತಿ ತಿಳಿಸಿದ್ದರು ಇಂದಿರಾ ಅವರ ಸ್ನೇಹಿತ. ಇವರ ಸಾವಿನ ಬಗ್ಗೆ ತನಿಖೆ ಆರಂಭವಾಗಿದ್ದು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕೊಂಡ್ಯೊಯಲಾಗಿದೆ.