70ನೇ ಗಣರಾಜ್ಯೋತ್ಸವ ಪ್ರಯುಕ್ತ ಡ್ರಾಮಾ ಜೂನಿಯರ್ಸ್‌ನ ಮೂರೂ ಸೀಸನ್ನುಗಳ ಚಿಣ್ಣರು ಹಾಗೂ ಇತರ 150ಕ್ಕೂ ಹೆಚ್ಚು ಮಕ್ಕಳು ಒಗ್ಗೂಡಿ ಡಾ.ಬಿ.ಆರ್. ಅಂಬೇಡ್ಕರ್ ಅವರ ಜೀವನ ಚರಿತ್ರೆಗೆ ಸಂಬಂಧಿಸಿದ ‘ಭಾರತ ಭಾಗ್ಯವಿಧಾತ’ ಎಂಬ ವಿಶೇಷ ನಾಟಕವನ್ನು ಅಭಿನಯಿಸುತ್ತಿದ್ದಾರೆ. ಇದರ ಜೊತೆಗೇ, ವೀರ ಯೋಧರ ಕಥೆ ಹೊಂದಿರುವ ‘ಗಡಿ ಭಾವೈಕ್ಯತೆ’ ಎಂಬ ನಾಟಕ, ರಾಷ್ಟ್ರಕವಿ ಕುವೆಂಪು ರಚಿಸಿದ ‘ಶ್ರೀರಾಮಾಯಣ ದರ್ಶನಂ’ನಲ್ಲಿ ಬರುವ ವಾಲಿವಧೆ ಪ್ರಸಂಗವನ್ನು ಕೂಡ ನಾಟಕ ರೂಪದಲ್ಲಿ ಅಭಿನಯಿಸಿ ತೋರಿಸಲಿದ್ದಾರೆ. ಮೂರೂ ನಾಟಕಗಳು ಶನಿವಾರ (ಜನವರಿ 26) ರಾತ್ರಿ 8 ಗಂಟೆಗೆ ಪ್ರಸಾರವಾಗಲಿವೆ.
