ಶುಕ್ರವಾರ, ಏಪ್ರಿಲ್ 10, 2020
19 °C

ಹದಿನಾರು ಕೆರೆಯಲ್ಲಿ ವಿದೇಶಿ ಅತಿಥಿಗಳು

– ಬಿ.ಆರ್.ಸವಿತಾ Updated:

ಅಕ್ಷರ ಗಾತ್ರ : | |

Prajavani

ಮೈಸೂರಿನ ನಂಜನಗೂಡು ತಾಲ್ಲೂಕಿನಲ್ಲಿ ವಿದೇಶಿಯರದ್ದೇ ಸದ್ದು. ಯಾವುದೇ ವೀಸಾ ಇಲ್ಲದೇ, ಗಡಿಗಳನ್ನು ದಾಟಿಕೊಂಡು ಬಂದ ಇವರನ್ನು ಗುರುತಿಸುವವರು ವಿರಳ.

ಹೌದು, ಹದಿನಾರು ಕೆರೆಯಲ್ಲಿ ಈಗಾಗಲೇ ವಿದೇಶದಿಂದ ಬಂದ ಹಲವು ಹಕ್ಕಿಗಳು ಸ್ವಚ್ಛಂದವಾಗಿ ವಿಹರಿಸುತ್ತಿವೆ. ಮಂಗೋಲಿಯಾ ದೇಶದಿಂದ ಬಂದ ಪಟ್ಟೆಬಾತು ಜಗತ್ತಿನ ಅತಿ ಎತ್ತರದ ಪರ್ವತ ಶ್ರೇಣಿ ಎನಿಸಿದ ಹಿಮಾಲಯವನ್ನು ದಾಟಿಕೊಂಡು ಬಂದಿದೆ. ಹಿಮಾಲಯದಿಂದ ಮರಳುಪೀಪಿ ಹಕ್ಕಿಯೂ ಬಂದಿಳಿದಿದೆ. ಯೂರೋಪಿನ ಮಧ್ಯಭಾಗದಿಂದ ಶವಲರ್ ಬಾತು ಹಕ್ಕಿಯೂ ಗಡಿಗಳನ್ನು ದಾಟಿ ಬಂದಿದೆ.

‘ಎತ್ತಣ ಮಾಮರ ಎತ್ತಣ ಕೋಗಿಲೆ ಎತ್ತಣಿಂದೆತ್ತ ಸಂಬಂಧವಯ್ಯ’ ಎಂಬ ವಚನದಂತೆ ವಿದೇಶದ ಈ ಹಕ್ಕಿಗೂ ಇಲ್ಲಿನ ಕೆರೆಗೂ ಜನ್ಮಜನ್ಮಾಂತರದ ನಂಟೊ, ಜೀನ್‌ಗಳಿಂದ ವರ್ಗಾವಣೆಯಾದ ಅನುವಂಶೀಯ ನಂಟೊ ಇದ್ದಿರಬಹುದು. ಪ್ರತಿ ವರ್ಷ ಈ ಕಾಲದಲ್ಲಿ ಬರುವ ಇವು ಮಾರ್ಚ್‌ ಮಧ್ಯಭಾಗದವರೆಗೂ ಇಲ್ಲಿಯೇ ವಿಹರಿಸಿ ನಂತರ ಮುಂದಿನ ಸ್ಥಳಕ್ಕೆ ಹಾರುತ್ತವೆ.

ಮಂಗೋಲಿಯಾದಲ್ಲಿ ಟ್ಯಾಗ್‌ ಮಾಡಿರುವ ಹಕ್ಕಿಗಳು ಇಲ್ಲಿ ಈಗ ಹೇರಳವಾಗಿ ಕಾಣಸಿಗುತ್ತಿವೆ. ಇವುಗಳೊಂದಿಗೆ ಸೂಜಿಬಾಲದ ಬಾತು, ಸಲಾಕೆ, ವಿಜನ್, ನೀರ್ನಡಿಗೆ, ಹೆಜ್ಜಾರ್ಲೆ, ಗೊರವಂತ, ನೀರು ಕಾಗೆ, ಕೊಕ್ಕರೆಗಳೂ ಇಲ್ಲಿವೆ.

ಜಾಗತಿಕ ತಾಪಮಾನದ ಏರಿಕೆಯಿಂದ ಹಾಗೂ ಎಗ್ಗಿಲ್ಲದೇ ಸಾಗುತ್ತಿರುವ ನಗರೀಕರಣದಿಂದಾಗಿ ವಲಸೆ ಹಕ್ಕಿಗಳ ಪ್ರಮಾಣದಲ್ಲಿ ವರ್ಷದಿಂದ ವರ್ಷಕ್ಕೆ ಕುಸಿತವಾಗುತ್ತಿದೆ. ‘ಶೇ 65ರಷ್ಟು ಕಡಿಮೆಯಾಗಿದೆ’ ಎಂದು ಪಕ್ಷಿ ವೀಕ್ಷಕಿ ತನುಜಾ ಹೇಳುತ್ತಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು