ಕರಕುಶಲ ಕಲೆ ಕಲಿಕೆಯ ಆ್ಯಪ್‌‌ಗಳು

ಜೀವನದಲ್ಲಿ ಎದುರಾಗುವ ಯಾವುದೇ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳುವ ಕೌಶಲ ಹಾಗೂ ಸೃಜನಶೀಲತೆ ಬೆಳೆಯುತ್ತದೆ. ಅಲ್ಲದೆ ಕಲಿಕೆಯು ಪರಿಣಾಮಕಾರಿಯಾಗುತ್ತದೆ. ಇತಂಹ ಕ್ರಾಫ್ಟ್ ಶಿಕ್ಷಣ ಕಲಿಕಾ ಕೈಪಿಡಿಯಾಗಿ ಅಥವಾ ಆರಂಭಿಕ ಕಲಿಕೆಗಾಗಿ ಗೂಗಲ್ ಪ್ಲೇಸ್ಟೋರ್‌ನಲ್ಲಿ ಕೆಲವು ಕಿರುತಂತ್ರಾಂಶಗಳು ಸಿಗುತ್ತವೆ. ಕೆಲವು ಇಲ್ಲಿವೆ ನೋಡಿ:

CraftSmart: ಕ್ರಾಫ್ಟ್ ಸ್ಮಾರ್ಟ್ ಎಂಬ ಈ ಕಿರುತಂತ್ರಾಂಶವನ್ನು Future Today Inc ಎಂಬ ಮನೋರಂಜನ ಕಂಪನಿ ರಚಿಸಿದೆ. ಒಂದು ಸಾವಿರಕ್ಕೂ ಅಧಿಕ ಹೊಸದಾದ, ಆಸಕ್ತಿದಾಯಕ ಮತ್ತು ಸುಲಭವಾಗಿ ಮಾಡುವ ಕೆಲವು ಕ್ರಾಫ್ಟ್‌ಗಳನ್ನು ಕಲಿಸಲಾಗುತ್ತದೆ. ಚಿತ್ರಕಲೆ, ಪೇಪರ್ ಕಟಿಂಗ್, ಶೈಕ್ಷಣಿಕ ವಿಷಯಗಳನ್ನೊಳಗೊಂಡ ಕ್ರಾಫ್ಟ್‌ಗಳು, ಆಲಂಕಾರಿಕ ಕಲೆ ಹಾಗೂ ಮುಂತಾದ ಕ್ರಾಫ್ಟ್‌ಗಳನ್ನು ಕಲಿಸುತ್ತದೆ.

Arts and Crafts: ಈ ಕಿರುತಂತ್ರಾಂಶವನ್ನು Freeware Software ಎಂಬ ಶೈಕ್ಷಣಿಕ ಸಂಸ್ಥೆ  ರಚಿಸಿದೆ. ಸೃಜನಾತ್ಮಕವಾದ ಕೆಲವು ಕಲೆಗಳನ್ನು ಮತ್ತು ಕ್ರಾಫ್ಟ್‌ಗಳನ್ನು ಕಲಿಸುತ್ತದೆ. ಈ ವಿಷಯದ ಮೇಲೆ ಕೆಲವು ಕಲಿಕಾ ವಿಡಿಯೊಗಳವೆ. ಕ್ರಾಫ್ಟ್ ಟ್ಯುಟೋರಿಯಲ್ಸ್‌ಗಳು ಪೇಪರ್ ಕತ್ತರಿಸುವ ವಿಧಾನವನ್ನು, ಪೇಪರ್ ಬಳಸಿಕೊಂಡು ವಿವಿಧ ಆಕಾರಗಳನ್ನು ಮಾಡುವ ಕಲೆಗಳನ್ನು ಮತ್ತು ಇತರೆ ಕಲೆಗಳನ್ನು ಕಲಿಸುತ್ತವೆ.

5000+ DIY Ideas: ಕರಕುಶಲ ಕಲೆಗಳ ಸ್ವ ಕಲಿಕೆಗೆ ಐದು ಸಾವಿರಕ್ಕೂ ಅಧಿಕ ಹೊಸಹೊಸ ಕಲ್ಪನೆಗಳನ್ನು ಈ ಕಿರುತಂತ್ರಾಂಶದಲ್ಲಿ ನೋಡಬಹುದು.

ನಾವೇ ಕಲಿಯುವ ವಿಧಾನವನ್ನು ನೋಡಿ  ಕಲಿಯುವಂಥ ಅನೇಕ ಸಂಪನ್ಮೂಲಗಳನ್ನು ಅಳವಡಿಸಲಾಗಿದೆ. ವಿಡಿಯೊಗಳು ಮತ್ತು ಉತ್ತಮ ಗುಣಮಟ್ಟದ ಎಚ್.ಡಿ ಚಿತ್ರಗಳನ್ನು ಅಳವಡಿಸಿದ್ದು, ಇವುಗಳನ್ನು ವಿಷಯ ಆಧಾರಿತವಾಗಿ ವಿಂಗಡಿಸಿಕೊಂಡು ಕಲಿಯಬಹುದು. ಹೂವುಗಳು, ಶುಭಾಶಯ ಪತ್ರ, ಗಿಫ್ಟ್ ಬಾಕ್ಸ್, ನ್ಯೂಸ್ ಪೇಪರ್ ಕ್ರಾಫ್ಟ್, ರಿಸೈಕಲ್ ಕ್ರಾಫ್ಟ್ ಮತ್ತು ವಿನ್ಯಾಸ ಉಡುಪುಗಳನ್ನು ತಯಾರಿಸುವುದರ ಕುರಿತ ವಿಡಿಯೊಗಳು ಹಾಗೂ ಚಿತ್ರಗಳಿವೆ.

ಇವುಗಳ ಜೊತೆಗೆ ಮೇಕಪ್, ನೇಲ್ ಆರ್ಟ್, ಕೇಶ ವಿನ್ಯಾಸ, ಸಿಲ್ಕ್ ಥ್ರೆಡ್ ಉಪಯೋಗಿಸಿ ಚಿತ್ತಾಕರ್ಷದ ಬಳೆ, ಚೈನ್, ನೆಕ್ಲೇಸ್, ಕಿವಿಯೋಲೆ ತಯಾರಿಕೆ, ಪೇಪರ್ ಕ್ವಿಲ್ಲಿಂಗ್, ಮೆಹಂದಿ ಡಿಸೈನ್ ಹಾಗೂ ಮನೆಯ ಆಲಂಕಾರಿಕ ವಸ್ತುಗಳನ್ನು ತಯಾರಿಸುವದನ್ನು ಕಲಿಯಬಹುದು. ಈ ಆ್ಯಪ್ ಅನ್ನು White Pearl ಎಂಬ ಸಂಸ್ಥೆ ರಚಿಸಿದೆ.

Easy Recycled Craft Tutorial: ಈ ಆ್ಯಪ್ ಅನ್ನು nganarapps ಎಂಬ ಸಂಸ್ಥೆ ರಚಿಸಿದ್ದು, ಬಳಸಿದ ವಸ್ತುಗಳನ್ನು ಮರುಬಳಕೆ ಮಾಡಿಕೊಂಡು ಆಲಂಕಾರಿಕ ವಸ್ತಗಳನ್ನು ತಯಾರಿಸುವ ಟ್ಯುಟೋರಿಯಲ್ ಗಳಿವೆ.ನೋಡುತ್ತ ಕೇಳುತ್ತಲೇ ಹಲವಾರು ಕರಕುಶಲ ಕಲೆಗಳನ್ನು ಕರಗತ ಮಾಡಿಕೊಳ್ಳಬಹುದು.

Craft For Kids: ಮಕ್ಕಳಿಗೆ ಬೇಕಾದ ಕ್ರಾಫ್ಟ್ ಗಳನ್ನು ಕಲಿಸುವ ಈ ಆ್ಯಪ್ ಅನ್ನು untungdroid99 ಎಂಬ ಸಂಸ್ಥೆ ರಚಿಸಿದೆ. ಮಕ್ಕಳಿಗೆ ಖುಷಿಕೊಡುವ ಮತ್ತು ಸುಲಭವಾಗಿ ಮಾಡುವ ಕರಕುಶಲ ಕಲೆಗಳನ್ನು ಕಲಿಸುತ್ತದೆ. ನಮ್ಮ ಸುತ್ತಲು ಇರುವ ವಸ್ತುಗಳಿಂದ ಕ್ರಾಫ್ಟ್ ಗಳನ್ನು ಮಾಡುವ ವಿಧಾನವನ್ನು ಕಲಿಸುತ್ತದೆ. ಪೆನ್ಸಿಲ್ ಕ್ರಾಫ್ಟ್ , ಪೇಪರ್ ಕ್ರಾಫ್ಟ್, ಪೇಟಿಂಗ್, ಒರಿಗಾಮಿ ಮತ್ತು ಗೊಂಬೆಗಳನ್ನು ತಯಾರಿಸುವ ವಿಧಾನವನ್ನು ಕಲಿಯಬಹುದು.

Paper Craft Education: ಪೇಪರ್ ಕ್ರಾಫ್ಟ್‌ಗಳ ಬಗ್ಗೆ ಕಲಿಸುವ ಕಿರುತಂತ್ರಾಂಶ. ವಿವಿಧ ವಿನ್ಯಾಸದಲ್ಲಿ ಆಕರ್ಷಕವಾದ ಹೂವುಗಳನ್ನು ತಯಾರಿಸುವುದರ ಬಗ್ಗೆ ಶಿಕ್ಷಣ ನೀಡುತ್ತದೆ. ಈ ಆ್ಯಪ್ ಅನ್ನು devaidi ಎಂಬುವವರು ರಚಿಸಿದ್ದಾರೆ.

Craftsy: ಈ ಆ್ಯಪ್ ಅನ್ನು Craftsy ಎಂಬ ಕಂಪನಿ ರಚಿಸಿದ್ದು, ಕರಕುಶಲ ಕಲೆಗಳನ್ನು ಕಲಿಸುತ್ತದೆ. ಹೊಲಿಗೆ, ಕಸೂತಿ, ಕೇಕ್ ಅಲಂಕಾರ, ಚಿತ್ರಕಲೆ, ಪೇಪರ್ ಕಟಿಂಗ್, ತೋಟಗಾರಿಕೆ, ಅಡುಗೆ ಮತ್ತು ಮುಂತಾದ ಕಲಾ ವಿಷಯಗಳನ್ನು ಕುರಿತು ಕಲಿಯಬಹುದು. ಕ್ರಾಫ್ಟ್‌ಗಳ ಕಲಿಕೆಗೆ ಅನೇಕ ವಿಡಿಯೋಗಳನ್ನು, ಚಿತ್ರಗಳನ್ನು ಅಳವಡಿಸಿದ್ದಾರೆ.ಈ ಮೇಲಿನ ಕಿರುತಂತ್ರಾಂಶಗಳಲ್ಲದೆ, ಇನ್ನೂ ಅನೇಕ ಕರಕುಶಲ ಕಲೆಗಳನ್ನು ಕಲಿಸುವ ಆ್ಯಪ್‌ಗಳು ಗೂಗಲ್ ಪ್ಲೇಸ್ಟೋರ್ ನಲ್ಲಿ ಕಾಣಸಿಗುತ್ತವೆ.

ಕ್ರಾಫ್ಟ್ ಎಜುಕೇಷನ್ ಎಂದು ಟೈಪಿಸಿದರೆ ನೂರಾರು ಆ್ಯಪ್‌ಗಳು ತೆರೆದುಕೊಳ್ಳುತ್ತವೆ. ಅವುಗಳ ಶೈಕ್ಷಣಿಕ ಸಂಪನ್ಮೂಲಗಳ ಆಧಾರದ ಮೇಲೆ ಡೌನ್ ಲೋಡ್ ಮಾಡಿಕೊಳ್ಳಬಹುದು.

**

ಮಕ್ಕಳಿಗಾಗಿ ಕ್ರಾಫ್ಟ್ ಫಾರ್ ಕಿಡ್ಸ್

ಮಕ್ಕಳಿಗೆ ಬೇಕಾದ ಕ್ರಾಫ್ಟ್ ಗಳನ್ನು ಕಲಿಸುವ ಕ್ರಾಫ್ಟ್ ಫಾರ್ ಕಿಡ್ಸ್ ಆ್ಯಪ್ ಅನ್ನು untungdroid99 ಎಂಬ ಸಂಸ್ಥೆ ರಚಿಸಿದೆ. ಮಕ್ಕಳಿಗೆ ಖುಷಿಕೊಡುವ ಮತ್ತು ಸುಲಭವಾಗಿ ಮಾಡುವ ಕರಕುಶಲ ಕಲೆಗಳನ್ನು ಕಲಿಸುತ್ತದೆ. ನಮ್ಮ ಸುತ್ತಲು ಇರುವ ವಸ್ತುಗಳಿಂದ ಕ್ರಾಫ್ಟ್ ಗಳನ್ನು ಮಾಡುವ ವಿಧಾನವನ್ನು ಕಲಿಸುತ್ತದೆ. ಪೆನ್ಸಿಲ್ ಕ್ರಾಫ್ಟ್ , ಪೇಪರ್ ಕ್ರಾಫ್ಟ್, ಪೇಟಿಂಗ್, ಒರಿಗಾಮಿ ಮತ್ತು ಗೊಂಬೆಗಳನ್ನು ತಯಾರಿಸುವ ವಿಧಾನವನ್ನು ಕಲಿಯಬಹುದು.