<p>ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಯುದ್ಧದ ನಡುವೆ ಜಗತ್ತಿನ ಅತ್ಯಂತ ಬಲಿಷ್ಠ ಮೈತ್ರಿಕೂಟಗಳಲ್ಲಿ ಒಂದಾಗಿರುವ ಉತ್ತರ ಅಟ್ಲಾಂಟಿಕ್ ಒಪ್ಪಂದ ಸಂಸ್ಥೆಯಿಂದ (NATO)ಹೊರನಡೆಯುವುದಾಗಿ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬೆದರಿಕೆ ಒಡ್ಡಿದ್ದಾರೆ. ಇರಾನ್ ವಿರುದ್ಧ ನಡೆಯುತ್ತಿರುವ ಯುದ್ಧದಲ್ಲಿ ನ್ಯಾಟೊ ಮಿತ್ರರಾಷ್ಟ್ರಗಳು ಅಮೆರಿಕಕ್ಕೆ ಬೆಂಬಲ ನೀಡದೇ ಇರುವುದು ಟ್ರಂಪ್ ಕೋಪಕ್ಕೆ ಕಾರಣವಾಗಿದೆ. </p><p>ಇರಾನ್ ವಿರುದ್ಧದ ಅಮೆರಿಕದ ಮಿಲಿಟರಿ ಕಾರ್ಯಾಚರಣೆಗಳಿಗೆ ಸೇರಲು ಅಥವಾ ಅನುಮತಿ ನೀಡಲು ಫ್ರಾನ್ಸ್, ಬ್ರಿಟನ್ ಮತ್ತು ಜರ್ಮನಿ ಸೇರಿದಂತೆ ಹಲವು ನ್ಯಾಟೊ ಸದಸ್ಯ ರಾಷ್ಟ್ರಗಳು ನಿರಾಕರಿಸಿದ್ದವು. ಅಮೆರಿಕ-ಇಸ್ರೇಲ್ ಮಿಲಿಟರಿ ಕಾರ್ಯಾಚರಣೆಯಿಂದ ಬಾಧಿತವಾಗಿರುವ ಜಾಗತಿಕ ತೈಲ ಸಂಚಾರ ಮಾರ್ಗವಾದ ಹೊರ್ಮುಜ್ ಜಲಸಂಧಿಯನ್ನು ಪುನಃ ತೆರೆಯಲು ಯುದ್ಧನೌಕೆಗಳನ್ನು ಕಳುಹಿಸಲು ಕೂಡ ಈ ರಾಷ್ಟ್ರಗಳು ನಿರಾಕರಿಸಿವೆ. ಇದರ ಬೆನ್ನಲ್ಲೇ ನ್ಯಾಟೊವನ್ನು 'ಕಾಗದದ ಹುಲಿ' ಎಂದು ಕರೆದಿರುವ ಟ್ರಂಪ್, ಮಿತ್ರಪಡೆಯಿಂದ ಹೊರಬರುವುದಾಗಿ ಹೇಳಿದ್ದಾರೆ. </p><p><strong>ನ್ಯಾಟೊ ಉಗಮ...</strong></p><p>ನ್ಯಾಟೊ ಕಳೆದ ಏಳು ದಶಕಗಳಿಗೂ ಹೆಚ್ಚು ಕಾಲ ಜಾಗತಿಕ ಭೂ-ರಾಜಕೀಯದಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಶೀತಲ ಸಮರದ ಆರಂಭಿಕ ವರ್ಷಗಳಲ್ಲಿ, ಅಂದರೆ 1949ರಲ್ಲಿ ನ್ಯಾಟೊ ಸ್ಥಾಪನೆಯಾಯಿತು. ಅಮೆರಿಕ, ಕೆನಡಾ, ಬ್ರಿಟನ್, ಫ್ರಾನ್ಸ್, ಬೆಲ್ಜಿಯಂ, ನೆದರ್ಲೆಂಡ್, ನಾರ್ವೆ, ಡೆನ್ಮಾರ್ಕ್, ಲಕ್ಸೆಂಬರ್ಗ್, ಐಸ್ಲ್ಯಾಂಡ್, ಇಟಲಿ ಮತ್ತು ಪೋರ್ಚುಗಲ್ ಸ್ಥಾಪಕ ಸದಸ್ಯ ರಾಷ್ಟ್ರಗಳಾಗಿದ್ದವು. </p><p>ಎರಡನೇ ಮಹಾಯುದ್ಧದ ವಿನಾಶದಿಂದಾಗಿ ಯುರೋಪ್ ದುರ್ಬಲಗೊಂಡಿತ್ತು ಮತ್ತು ಪಶ್ಚಿಮ ಯುರೋಪಿನೊಳಗೆ ಸೋವಿಯತ್ ಒಕ್ಕೂಟದ ವಿಸ್ತರಣೆಯ ಬಗ್ಗೆ ಆತಂಕಗಳು ಹೆಚ್ಚಿದ್ದವು. ಅಮೆರಿಕ, ಕೆನಡಾ ಮತ್ತು ಹಲವಾರು ಪಶ್ಚಿಮ ಯುರೋಪಿಯನ್ ರಾಷ್ಟ್ರಗಳು ಸೇರಿದಂತೆ ಹನ್ನೆರಡು ದೇಶಗಳು ಒಟ್ಟಾಗಿ ನ್ಯಾಟೊವನ್ನು ರಚಿಸಿದವು. ಇದರ ಗುರಿ ಸ್ಪಷ್ಟವಾಗಿತ್ತು. ಯಾವುದೇ ಬಾಹ್ಯ ಬೆದರಿಕೆಯ ವಿರುದ್ಧ, ವಿಶೇಷವಾಗಿ ಸೋವಿಯತ್ ಬಣದಿಂದ ಎದುರಾಗುವ ಅಪಾಯದ ವಿರುದ್ಧ ಭದ್ರತೆಯನ್ನು ಖಚಿತಪಡಿಸಿಕೊಳ್ಳುವುದು. ಒಟ್ಟಾಗಿ ಸೇರಿ ರಕ್ಷಣೆ ಮಾಡುವುದು ಇದರ ಗುರಿಯಾಗಿತ್ತು. </p><p>ನ್ಯಾಟೊದಲ್ಲಿ ಒಂದು ಸದಸ್ಯ ರಾಷ್ಟ್ರದ ಮೇಲಿನ ದಾಳಿಯನ್ನು ಎಲ್ಲಾ ಸದಸ್ಯ ರಾಷ್ಟ್ರಗಳ ಮೇಲಿನ ದಾಳಿ ಎಂದು ಪರಿಗಣಿಸಲಾಗುತ್ತದೆ. ಶತ್ರು ರಾಷ್ಟ್ರಗಳ ಯಾವುದೇ ಆಕ್ರಮಣವನ್ನು ತಡೆಯಲು ಇದರಿಂದ ಸಾಧ್ಯವಾಗುತ್ತಿತ್ತು. ಎದುರಾಳಿಯು ಕೇವಲ ಒಂದು ದೇಶವನ್ನು ಎದುರಿಸುವ ಬದಲಿಗೆ, ಎಲ್ಲ ನ್ಯಾಟೊ ಮಿತ್ರರಾಷ್ಟ್ರಗಳ ಸಂಯೋಜಿತ ಶಕ್ತಿಯನ್ನು ಎದುರಿಸಬೇಕಾಗುತ್ತದೆ.</p><p>ನ್ಯಾಟೊ ರಾಜಕೀಯ ಮತ್ತು ಮಿಲಿಟರಿ ಮೈತ್ರಿಕೂಟವಾಗಿ ಕಾರ್ಯನಿರ್ವಹಿಸುತ್ತಿದೆ. ಎಲ್ಲಾ ನಿರ್ಣಯಗಳನ್ನು ಒಮ್ಮತದ ಮೂಲಕ ತೆಗೆದುಕೊಳ್ಳಲಾಗುತ್ತದೆ. ಅಂದರೆ ಪ್ರತಿಯೊಂದು ಸದಸ್ಯ ರಾಷ್ಟ್ರಗಳಿಗೂ ಸಮಾನ ಅಭಿಪ್ರಾಯವಿರುತ್ತದೆ. </p><p>ರಾಜಕೀಯ ಮಟ್ಟದಲ್ಲಿ, ಎಲ್ಲಾ 32 ಸದಸ್ಯ ರಾಷ್ಟ್ರಗಳ ಪ್ರತಿನಿಧಿಗಳನ್ನು ಒಳಗೊಂಡಿರುವ 'ಉತ್ತರ ಅಟ್ಲಾಂಟಿಕ್ ಕೌನ್ಸಿಲ್' ಒಕ್ಕೂಟದ ಉನ್ನತ ನಿರ್ಧಾರ ತೆಗೆದುಕೊಳ್ಳುವ ಸಂಸ್ಥೆಯಾಗಿದೆ. ಮಿಲಿಟರಿ ಮಟ್ಟದಲ್ಲಿ, ನ್ಯಾಟೊ ಕಮಾಂಡ್ ರಚನೆಯನ್ನು 'ಸುಪ್ರೀಂ ಅಲೈಡ್ ಕಮಾಂಡರ್ ಯುರೋಪ್' (SACEUR) ಮುನ್ನಡೆಸುತ್ತಾರೆ. ಈ ಹುದ್ದೆಯನ್ನು ಐತಿಹಾಸಿಕವಾಗಿ ಅಮೆರಿಕದ ಹಿರಿಯ ಮಿಲಿಟರಿ ಅಧಿಕಾರಿಯೇ ಅಲಂಕರಿಸುತ್ತಾ ಬಂದಿದ್ದಾರೆ. ಒಕ್ಕೂಟವು ತನ್ನದೇ ಆದ ಕಾಯಂ ಸೈನ್ಯವನ್ನು ಹೊಂದಿಲ್ಲ. ಬದಲಾಗಿ, ಸದಸ್ಯ ರಾಷ್ಟ್ರಗಳು ನ್ಯಾಟೊ ನೇತೃತ್ವದ ಕಾರ್ಯಾಚರಣೆಗಳಿಗೆ ಸ್ವಯಂಪ್ರೇರಿತವಾಗಿ ಸೈನಿಕರು, ಉಪಕರಣಗಳು ಮತ್ತು ಸಂಪನ್ಮೂಲಗಳನ್ನು ಒದಗಿಸುತ್ತವೆ.</p><p>ನ್ಯಾಟೊ ಯುರೋಪಿನ ಆಚೆಗೂ ಹಲವಾರು ಕಾರ್ಯಾಚರಣೆಗಳಲ್ಲಿ ತೊಡಗಿಸಿಕೊಂಡಿದೆ. ಇವುಗಳಲ್ಲಿ ಸೆಪ್ಟೆಂಬರ್ 11ರ ದಾಳಿಯ ನಂತರ ಅಫ್ಗಾನಿಸ್ತಾನದಲ್ಲಿನ ಕಾರ್ಯಾಚರಣೆ ಸೇರಿದೆ. ಶೀತಲ ಸಮರದ ಮಿಲಿಟರಿ ಮೈತ್ರಿಯಿಂದ ವಿಶಾಲವಾದ ಭದ್ರತಾ ಸಂಘಟನೆಯಾಗಿ ರೂಪಗೊಂಡಿದೆ. </p><p>ನ್ಯಾಟೊ ಸಾಮಾನ್ಯ ಬಜೆಟ್ ಅನ್ನು ಹೊಂದಿದ್ದರೂ, ಹೆಚ್ಚಿನ ರಕ್ಷಣಾ ವೆಚ್ಚವನ್ನು ಆಯಾ ಸದಸ್ಯ ರಾಷ್ಟ್ರಗಳೇ ಭರಿಸುತ್ತವೆ. ಸದಸ್ಯ ರಾಷ್ಟ್ರಗಳು ತಮ್ಮ ಒಟ್ಟು ದೇಶೀಯ ಉತ್ಪನ್ನದ (GDP) ಕನಿಷ್ಠ ಶೇ 2ರಷ್ಟನ್ನು ರಕ್ಷಣೆಗಾಗಿ ವ್ಯಯಿಸಬೇಕೆಂದು ಪ್ರತಿಪಾದಿಸುತ್ತದೆ. </p><p>ಸೋವಿಯತ್ ಒಕ್ಕೂಟದ ಪತನದ ನಂತರ, ನ್ಯಾಟೊ ಪೂರ್ವದತ್ತ ವಿಸ್ತರಿಸಿತು. ಪೋಲೆಂಡ್, ಹಂಗೇರಿ ಮತ್ತು ಬಾಲ್ಟಿಕ್ ರಾಷ್ಟ್ರಗಳು ಸೇರಿದಂತೆ ಪೂರ್ವ ಯುರೋಪಿನ ಹಲವಾರು ದೇಶಗಳು ಈ ಮೈತ್ರಿಕೂಟಕ್ಕೆ ಸೇರಿದವು. ಇದರ ವಿಸ್ತರಣೆಯು ರಷ್ಯಾದೊಂದಿಗೆ ಉದ್ವಿಗ್ನತೆಗೆ ಕಾರಣವಾಗಿದೆ. ಏಕೆಂದರೆ ನ್ಯಾಟೊದ ಬೆಳವಣಿಗೆಯನ್ನು ರಷ್ಯಾ 'ಕಾರ್ಯತಂತ್ರದ ಬೆದರಿಕೆ' ಎಂದು ಪರಿಗಣಿಸಿದೆ.</p><p>ನ್ಯಾಟೊದ ಪೂರ್ವದ ವಿಸ್ತರಣೆಯನ್ನು ರಷ್ಯಾ ನಿರಂತರವಾಗಿ ವಿರೋಧಿಸುತ್ತಿದೆ. ಇದು ತನ್ನ ಗಡಿಗಳಲ್ಲಿ ಭದ್ರತಾ ಬೆದರಿಕೆಯನ್ನು ಒಡ್ಡುತ್ತಿದ್ದು, ಅದುವೇ ಉಕ್ರೇನ್ ಸಂಘರ್ಷಕ್ಕೆ ಪ್ರಮುಖ ಕಾರಣ ಎಂದಿದೆ. ಸಾರ್ವಭೌಮ ರಾಷ್ಟ್ರಗಳಿಗೆ ತಮ್ಮದೇ ಆದ ಭದ್ರತಾ ವ್ಯವಸ್ಥೆಗಳನ್ನು ಆಯ್ಕೆ ಮಾಡುವ ಹಕ್ಕಿದೆ ಎಂಬುದು ನ್ಯಾಟೊದ ನಿಲುವಾಗಿದೆ.</p>.ಯುದ್ಧಭೂಮಿಯಲ್ಲಿ ಚದುರಂಗದ ದಾಳ: ಇರಾನ್ನ ‘ಖಾರ್ಗ್’ ದ್ವೀಪದ ಮೇಲೆ ಅಮೆರಿಕದ ಕಣ್ಣು.ಇರಾನ್ನ ಇಸ್ಫಹಾನ್ ಮೇಲೆ 900 ಕೆ.ಜಿ ಬಂಕರ್ ಬಸ್ಟರ್ ಬಾಂಬ್ ದಾಳಿ ನಡೆಸಿದ ಅಮೆರಿಕ. <h2>ಅಮೆರಿಕದ ಪಾತ್ರ:</h2><p>ಅಮೆರಿಕವು ನ್ಯಾಟೊ ಸ್ಥಾಪನೆಯಾದಾಗಿನಿಂದ ಅದರ ಆಧಾರ ಸ್ತಂಭವಾಗಿದ್ದು, ಬಲಿಷ್ಠ ಶಕ್ತಿಯಾಗಿ ಹೊರಹೊಮ್ಮಿದೆ. ಇದು ಸುಧಾರಿತ ಶಸ್ತ್ರಾಸ್ತ್ರ ವ್ಯವಸ್ಥೆಗಳು, ಗುಪ್ತಚರ ಮತ್ತು ಲಾಜಿಸ್ಟಿಕಲ್ ಬೆಂಬಲ ಸೇರಿದಂತೆ ಮಿಲಿಟರಿ ಸಾಮರ್ಥ್ಯಗಳ ಅತಿ ದೊಡ್ಡ ಪಾಲನ್ನು ಒದಗಿಸುತ್ತದೆ. ಮೈತ್ರಿಕೂಟದ ಒಟ್ಟಾರೆ ರಕ್ಷಣಾ ವೆಚ್ಚದಲ್ಲಿ ಅಮೆರಿಕವು ಗಮನಾರ್ಹ ಪಾಲನ್ನು ಹೊಂದಿದೆ. ನ್ಯಾಟೊದ ಕಾರ್ಯತಂತ್ರದ ದಿಕ್ಕನ್ನು ರೂಪಿಸುವಲ್ಲಿ ಅಮೆರಿಕ ಪ್ರಮುಖ ಪಾತ್ರ ವಹಿಸಿದೆ. ಶೀತಲ ಸಮರದಲ್ಲಿ ಅಣ್ವಸ್ತ್ರ ತಡೆಯಿಂದ ಹಿಡಿದು 21ನೇ ಶತಮಾನದ ಭಯೋತ್ಪಾದನಾ ವಿರೋಧಿ ಚಟುವಟಿಕೆಗಳಲ್ಲಿ ಅಮೆರಿಕವು ನಿರ್ಣಾಯಕ ಪಾತ್ರ ವಹಿಸಿದೆ.</p><p>ಅಮೆರಿಕದ ಒಟ್ಟು ರಕ್ಷಣಾ ವೆಚ್ಚವು ಇತರ ಎಲ್ಲಾ ನ್ಯಾಟೊ ಸದಸ್ಯರ ಒಟ್ಟು ರಕ್ಷಣಾ ವೆಚ್ಚಕ್ಕಿಂತ ಎರಡು ಪಟ್ಟು ಹೆಚ್ಚಾಗಿದೆ. ಮಿಲಿಟರಿ ಸಾಮರ್ಥ್ಯದಲ್ಲೂ ಅಮೆರಿಕದ ಕೊಡುಗೆ ಹೆಚ್ಚಾಗಿದೆ. </p><h3>ಅಮೆರಿಕ ಹಿಂದೆ ಸರಿದರೆ ಏನಾಗುತ್ತದೆ?</h3><p>ನ್ಯಾಟೊ ಒಪ್ಪಂದದ 13ನೇ ವಿಧಿಯ ಪ್ರಕಾರ, ಸದಸ್ಯ ರಾಷ್ಟ್ರಗಳು ಮುನ್ಸೂಚನೆ ನೀಡುವ ಮೂಲಕ ಮೈತ್ರಿಕೂಟದಿಂದ ಹೊರಬರಲು ಅವಕಾಶವಿದೆ. ಒಂದು ವೇಳೆ ಅಮೆರಿಕ ಹಿಂದೆ ಸರಿದರೆ, ಅದು ತಕ್ಷಣದ ರಚನಾತ್ಮಕ ಪರಿಣಾಮಗಳನ್ನು ಬೀರುತ್ತದೆ. ನ್ಯಾಟೊದ ಮಿಲಿಟರಿ ಸಾಮರ್ಥ್ಯಗಳು ವಾಯುಪಡೆ, ಗುಪ್ತಚರ ಮತ್ತು ಕ್ಷಿಪ್ರ ನಿಯೋಜನಾ ಪಡೆಗಳು ಸೇರಿದಂತೆ ಅಮೆರಿಕದ ಸಂಪನ್ಮೂಲಗಳ ಮೇಲೆ ಹೆಚ್ಚು ಅವಲಂಬಿತವಾಗಿವೆ.</p><p>ಅಮೆರಿಕ ಹಿಂದೆ ಸರಿದರೆ ಯುರೋಪಿಯನ್ ಸದಸ್ಯ ರಾಷ್ಟ್ರಗಳು ತಮ್ಮ ರಕ್ಷಣಾ ಕಾರ್ಯತಂತ್ರಗಳನ್ನು ಮರುಮೌಲ್ಯಮಾಪನ ಮಾಡಬೇಕಾಗುತ್ತದೆ. ಅಲ್ಲದೆ ಕೊರತೆಯನ್ನು ಸರಿದೂಗಿಸಲು ರಕ್ಷಣಾ ವೆಚ್ಚವನ್ನು ಹೆಚ್ಚಿಸಬೇಕಾಗಬಹುದು.</p><p>ಅಮೆರಿಕವು ಹೊರಬಂದರೆ ಯುರೋಪಿನ ಮಿತ್ರರಾಷ್ಟ್ರಗಳ ಭದ್ರತೆಯ ಮೇಲೆ ತಕ್ಷಣದ ಮತ್ತು ಗಂಭೀರವಾದ ಪರಿಣಾಮಗಳು ಎದುರಾಗುವ ಭೀತಿಯಿವೆ. ಅಮೆರಿಕದ ಸಾಮರ್ಥ್ಯಗಳನ್ನು ಅವಲಂಬಿಸಿರುವ ಗುಪ್ತಚರ ಹಂಚಿಕೆ ಜಾಲಗಳು, ಉಪಗ್ರಹ ಸಂವಹನಗಳು ಮತ್ತು ಲಾಜಿಸ್ಟಿಕ್ಸ್ ಸರಪಳಿಗಳು ಅಸ್ತವ್ಯಸ್ತಗೊಳ್ಳುತ್ತವೆ. ಅಮೆರಿಕದ ನಿರ್ಗಮನದಿಂದ ಬಾಲ್ಟಿಕ್ ರಾಷ್ಟ್ರಗಳು ದುರ್ಬಲಗೊಳ್ಳಲಿವೆ. </p><p>ಸೈಬರ್ ರಕ್ಷಣೆ, ಭಯೋತ್ಪಾದನಾ ವಿರೋಧಿ ಮತ್ತು ಮೈತ್ರಿರಾಷ್ಟ್ರಗಳ ಯುದ್ಧದ ಸಹಕಾರ ಸೇರಿದಂತೆ ಒಟ್ಟಾರೆ ಯುರೋಪಿನ ಭದ್ರತಾ ರಚನೆಯ ಮೇಲೆ ಪರಿಣಾಮ ಬೀರಲಿದೆ. ಒಟ್ಟಾರೆಯಾಗಿ ಒಕ್ಕೂಟದ ಮೂಲ ಸ್ವರೂಪವನ್ನೇ ಬದಲಾಯಿಸುತ್ತದೆ.</p><h4>ಜಾಗತಿಕ ಪರಿಣಾಮಗಳು:</h4><p>ನ್ಯಾಟೊದ ರಚನೆಯಲ್ಲಿನ ಬದಲಾವಣೆಗಳು ಜಾಗತಿಕವಾಗಿ ಪರಿಣಾಮಗಳನ್ನು ಬೀರಲಿದೆ. ಅಮೆರಿಕದ ಪಾತ್ರ ಕಡಿಮೆಯಾದರೆ, ಬದಲಾದ ಸನ್ನಿವೇಶದಲ್ಲಿ ರಷ್ಯಾ ಮತ್ತು ಚೀನಾಕ್ಕೆ ಅವಕಾಶವಾಗಲಿದೆ ಎಂದು ಅಂದಾಜಿಸಲಾಗಿದೆ. ಎರಡೂ ದೇಶಗಳು ನ್ಯಾಟೊದ ಕ್ರಮಗಳನ್ನು ಸೂಕ್ಷ್ಮವಾಗಿ ಗಮನಿಸುತ್ತಿವೆ. ಜಾಗತಿಕ ಅಶ್ವಶಕ್ತಿಯ ರಾಷ್ಟ್ರಗಳ ಪ್ರಭಾವದಲ್ಲೂ ಬದಲಾವಣೆಯಾಗಲಿದೆ. </p>.ಶ್ವೇತಭವನದಲ್ಲಿ ಪರಮಾಣು ದಾಳಿಗೂ ಬಗ್ಗದ ಭೂಗತ ಸಂಕೀರ್ಣ: ಏನಿದು ‘ಬಾಲ್ ರೂಮ್’ ?.ಕೊಲ್ಲಿ ಸಮರದಿಂದ ಭಾರತ–ಅರಬ್ ಸಂಬಂಧಕ್ಕೆ ಅಡ್ಡಿ: ದೇಶದ ಆರ್ಥಿಕತೆಗೆ 'ಹೊಸ ಆಘಾತ'. <p><strong>ಭಾರತದ ಮೇಲೆ ಪ್ರಭಾವ?</strong></p><p>ನ್ಯಾಟೊದಲ್ಲಿ ಭಾರತ ಬಾಂಧವ್ಯ ಪರೋಕ್ಷವಾಗಿದೆ. ಅಮೆರಿಕ ನ್ಯಾಟೊದಿಂದ ಹೊರಬರುವುದು ಅಲ್ಪಾವಧಿಯಲ್ಲಿ ನ್ಯಾಟೊ ಸದಸ್ಯರೊಂದಿಗೆ ಭಾರತದ ದ್ವಿಪಕ್ಷೀಯ ಸಂಬಂಧಗಳ ಮೇಲೆ ಯಾವುದೇ ಗಮನಾರ್ಹ ಅಡ್ಡ ಪರಿಣಾಮ ಬೀರುವ ಸಾಧ್ಯತೆಯಿಲ್ಲ ಎಂದು ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ. ತಟಸ್ಥ ನೀತಿ ಹೊಂದಿದ್ದರೂ ಭಾರತದಂತಹ ದೇಶಗಳಿಗೆ, ಜಾಗತಿಕ ಪಾಲುದಾರರೊಂದಿಗೆ ತೊಡಗಿಸಿಕೊಳ್ಳುವಾಗ ಕಾರ್ಯತಂತ್ರ ರೂಪಿಸುವುದು ಮುಖ್ಯವಾಗಿದೆ. ಪಾಶ್ಚಾತ್ಯ ಮೈತ್ರಿಕೂಟಗಳಲ್ಲಿನ ಯಾವುದೇ ಬದಲಾವಣೆಯು ಪ್ರಾದೇಶಿಕ ಭದ್ರತಾ ಲೆಕ್ಕಾಚಾರಗಳ ಮೇಲೆ ಪರಿಣಾಮ ಬೀರಬಹುದು.</p><p>ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ನ್ಯಾಟೊದ ಪಾಲುದಾರಿಕೆಗಳು ಸೀಮಿತವಾಗಿದ್ದರೂ, ಅದು ಅದರ ಬೆಳೆಯುತ್ತಿರುವ ಜಾಗತಿಕ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ.</p><p>ಒಟ್ಟಾರೆಯಾಗಿ ಕಳೆದ 75 ವರ್ಷಗಳಿಂದ ನ್ಯಾಟೊ ಜಾಗತಿಕ ಭದ್ರತೆಯಲ್ಲಿ ಪ್ರಮುಖ ಒಕ್ಕೂಟವಾಗಿ ಉಳಿದಿದೆ. ನ್ಯಾಟೊದಲ್ಲಿ ಅಮೆರಿಕದ ಪಾತ್ರವು ಮಿಲಿಟರಿ ಸಾಮರ್ಥ್ಯ ಮತ್ತು ಕಾರ್ಯತಂತ್ರದ ಕ್ಷೇತ್ರದಲ್ಲೂ ಮುಖ್ಯವೆನಿಸಿದೆ. ಈ ಸಂಬಂಧದಲ್ಲಿನ ಯಾವುದೇ ಬದಲಾವಣೆಯು ಕೇವಲ ಯುರೋಪ್ಗೆ ಮಾತ್ರವಲ್ಲದೆ ಒಟ್ಟಾರೆ ಅಂತರರಾಷ್ಟ್ರೀಯ ವ್ಯವಸ್ಥೆಯ ಮೇಲೆ ಗಮನಾರ್ಹ ಪರಿಣಾಮಗಳನ್ನು ಬೀರುವ ಸಾಧ್ಯತೆ ಇದೆ. </p><p>(ಆಧಾರ: ವಿವಿಧ ಸುದ್ದಿ ಮೂಲಗಳಿಂದ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಯುದ್ಧದ ನಡುವೆ ಜಗತ್ತಿನ ಅತ್ಯಂತ ಬಲಿಷ್ಠ ಮೈತ್ರಿಕೂಟಗಳಲ್ಲಿ ಒಂದಾಗಿರುವ ಉತ್ತರ ಅಟ್ಲಾಂಟಿಕ್ ಒಪ್ಪಂದ ಸಂಸ್ಥೆಯಿಂದ (NATO)ಹೊರನಡೆಯುವುದಾಗಿ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬೆದರಿಕೆ ಒಡ್ಡಿದ್ದಾರೆ. ಇರಾನ್ ವಿರುದ್ಧ ನಡೆಯುತ್ತಿರುವ ಯುದ್ಧದಲ್ಲಿ ನ್ಯಾಟೊ ಮಿತ್ರರಾಷ್ಟ್ರಗಳು ಅಮೆರಿಕಕ್ಕೆ ಬೆಂಬಲ ನೀಡದೇ ಇರುವುದು ಟ್ರಂಪ್ ಕೋಪಕ್ಕೆ ಕಾರಣವಾಗಿದೆ. </p><p>ಇರಾನ್ ವಿರುದ್ಧದ ಅಮೆರಿಕದ ಮಿಲಿಟರಿ ಕಾರ್ಯಾಚರಣೆಗಳಿಗೆ ಸೇರಲು ಅಥವಾ ಅನುಮತಿ ನೀಡಲು ಫ್ರಾನ್ಸ್, ಬ್ರಿಟನ್ ಮತ್ತು ಜರ್ಮನಿ ಸೇರಿದಂತೆ ಹಲವು ನ್ಯಾಟೊ ಸದಸ್ಯ ರಾಷ್ಟ್ರಗಳು ನಿರಾಕರಿಸಿದ್ದವು. ಅಮೆರಿಕ-ಇಸ್ರೇಲ್ ಮಿಲಿಟರಿ ಕಾರ್ಯಾಚರಣೆಯಿಂದ ಬಾಧಿತವಾಗಿರುವ ಜಾಗತಿಕ ತೈಲ ಸಂಚಾರ ಮಾರ್ಗವಾದ ಹೊರ್ಮುಜ್ ಜಲಸಂಧಿಯನ್ನು ಪುನಃ ತೆರೆಯಲು ಯುದ್ಧನೌಕೆಗಳನ್ನು ಕಳುಹಿಸಲು ಕೂಡ ಈ ರಾಷ್ಟ್ರಗಳು ನಿರಾಕರಿಸಿವೆ. ಇದರ ಬೆನ್ನಲ್ಲೇ ನ್ಯಾಟೊವನ್ನು 'ಕಾಗದದ ಹುಲಿ' ಎಂದು ಕರೆದಿರುವ ಟ್ರಂಪ್, ಮಿತ್ರಪಡೆಯಿಂದ ಹೊರಬರುವುದಾಗಿ ಹೇಳಿದ್ದಾರೆ. </p><p><strong>ನ್ಯಾಟೊ ಉಗಮ...</strong></p><p>ನ್ಯಾಟೊ ಕಳೆದ ಏಳು ದಶಕಗಳಿಗೂ ಹೆಚ್ಚು ಕಾಲ ಜಾಗತಿಕ ಭೂ-ರಾಜಕೀಯದಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಶೀತಲ ಸಮರದ ಆರಂಭಿಕ ವರ್ಷಗಳಲ್ಲಿ, ಅಂದರೆ 1949ರಲ್ಲಿ ನ್ಯಾಟೊ ಸ್ಥಾಪನೆಯಾಯಿತು. ಅಮೆರಿಕ, ಕೆನಡಾ, ಬ್ರಿಟನ್, ಫ್ರಾನ್ಸ್, ಬೆಲ್ಜಿಯಂ, ನೆದರ್ಲೆಂಡ್, ನಾರ್ವೆ, ಡೆನ್ಮಾರ್ಕ್, ಲಕ್ಸೆಂಬರ್ಗ್, ಐಸ್ಲ್ಯಾಂಡ್, ಇಟಲಿ ಮತ್ತು ಪೋರ್ಚುಗಲ್ ಸ್ಥಾಪಕ ಸದಸ್ಯ ರಾಷ್ಟ್ರಗಳಾಗಿದ್ದವು. </p><p>ಎರಡನೇ ಮಹಾಯುದ್ಧದ ವಿನಾಶದಿಂದಾಗಿ ಯುರೋಪ್ ದುರ್ಬಲಗೊಂಡಿತ್ತು ಮತ್ತು ಪಶ್ಚಿಮ ಯುರೋಪಿನೊಳಗೆ ಸೋವಿಯತ್ ಒಕ್ಕೂಟದ ವಿಸ್ತರಣೆಯ ಬಗ್ಗೆ ಆತಂಕಗಳು ಹೆಚ್ಚಿದ್ದವು. ಅಮೆರಿಕ, ಕೆನಡಾ ಮತ್ತು ಹಲವಾರು ಪಶ್ಚಿಮ ಯುರೋಪಿಯನ್ ರಾಷ್ಟ್ರಗಳು ಸೇರಿದಂತೆ ಹನ್ನೆರಡು ದೇಶಗಳು ಒಟ್ಟಾಗಿ ನ್ಯಾಟೊವನ್ನು ರಚಿಸಿದವು. ಇದರ ಗುರಿ ಸ್ಪಷ್ಟವಾಗಿತ್ತು. ಯಾವುದೇ ಬಾಹ್ಯ ಬೆದರಿಕೆಯ ವಿರುದ್ಧ, ವಿಶೇಷವಾಗಿ ಸೋವಿಯತ್ ಬಣದಿಂದ ಎದುರಾಗುವ ಅಪಾಯದ ವಿರುದ್ಧ ಭದ್ರತೆಯನ್ನು ಖಚಿತಪಡಿಸಿಕೊಳ್ಳುವುದು. ಒಟ್ಟಾಗಿ ಸೇರಿ ರಕ್ಷಣೆ ಮಾಡುವುದು ಇದರ ಗುರಿಯಾಗಿತ್ತು. </p><p>ನ್ಯಾಟೊದಲ್ಲಿ ಒಂದು ಸದಸ್ಯ ರಾಷ್ಟ್ರದ ಮೇಲಿನ ದಾಳಿಯನ್ನು ಎಲ್ಲಾ ಸದಸ್ಯ ರಾಷ್ಟ್ರಗಳ ಮೇಲಿನ ದಾಳಿ ಎಂದು ಪರಿಗಣಿಸಲಾಗುತ್ತದೆ. ಶತ್ರು ರಾಷ್ಟ್ರಗಳ ಯಾವುದೇ ಆಕ್ರಮಣವನ್ನು ತಡೆಯಲು ಇದರಿಂದ ಸಾಧ್ಯವಾಗುತ್ತಿತ್ತು. ಎದುರಾಳಿಯು ಕೇವಲ ಒಂದು ದೇಶವನ್ನು ಎದುರಿಸುವ ಬದಲಿಗೆ, ಎಲ್ಲ ನ್ಯಾಟೊ ಮಿತ್ರರಾಷ್ಟ್ರಗಳ ಸಂಯೋಜಿತ ಶಕ್ತಿಯನ್ನು ಎದುರಿಸಬೇಕಾಗುತ್ತದೆ.</p><p>ನ್ಯಾಟೊ ರಾಜಕೀಯ ಮತ್ತು ಮಿಲಿಟರಿ ಮೈತ್ರಿಕೂಟವಾಗಿ ಕಾರ್ಯನಿರ್ವಹಿಸುತ್ತಿದೆ. ಎಲ್ಲಾ ನಿರ್ಣಯಗಳನ್ನು ಒಮ್ಮತದ ಮೂಲಕ ತೆಗೆದುಕೊಳ್ಳಲಾಗುತ್ತದೆ. ಅಂದರೆ ಪ್ರತಿಯೊಂದು ಸದಸ್ಯ ರಾಷ್ಟ್ರಗಳಿಗೂ ಸಮಾನ ಅಭಿಪ್ರಾಯವಿರುತ್ತದೆ. </p><p>ರಾಜಕೀಯ ಮಟ್ಟದಲ್ಲಿ, ಎಲ್ಲಾ 32 ಸದಸ್ಯ ರಾಷ್ಟ್ರಗಳ ಪ್ರತಿನಿಧಿಗಳನ್ನು ಒಳಗೊಂಡಿರುವ 'ಉತ್ತರ ಅಟ್ಲಾಂಟಿಕ್ ಕೌನ್ಸಿಲ್' ಒಕ್ಕೂಟದ ಉನ್ನತ ನಿರ್ಧಾರ ತೆಗೆದುಕೊಳ್ಳುವ ಸಂಸ್ಥೆಯಾಗಿದೆ. ಮಿಲಿಟರಿ ಮಟ್ಟದಲ್ಲಿ, ನ್ಯಾಟೊ ಕಮಾಂಡ್ ರಚನೆಯನ್ನು 'ಸುಪ್ರೀಂ ಅಲೈಡ್ ಕಮಾಂಡರ್ ಯುರೋಪ್' (SACEUR) ಮುನ್ನಡೆಸುತ್ತಾರೆ. ಈ ಹುದ್ದೆಯನ್ನು ಐತಿಹಾಸಿಕವಾಗಿ ಅಮೆರಿಕದ ಹಿರಿಯ ಮಿಲಿಟರಿ ಅಧಿಕಾರಿಯೇ ಅಲಂಕರಿಸುತ್ತಾ ಬಂದಿದ್ದಾರೆ. ಒಕ್ಕೂಟವು ತನ್ನದೇ ಆದ ಕಾಯಂ ಸೈನ್ಯವನ್ನು ಹೊಂದಿಲ್ಲ. ಬದಲಾಗಿ, ಸದಸ್ಯ ರಾಷ್ಟ್ರಗಳು ನ್ಯಾಟೊ ನೇತೃತ್ವದ ಕಾರ್ಯಾಚರಣೆಗಳಿಗೆ ಸ್ವಯಂಪ್ರೇರಿತವಾಗಿ ಸೈನಿಕರು, ಉಪಕರಣಗಳು ಮತ್ತು ಸಂಪನ್ಮೂಲಗಳನ್ನು ಒದಗಿಸುತ್ತವೆ.</p><p>ನ್ಯಾಟೊ ಯುರೋಪಿನ ಆಚೆಗೂ ಹಲವಾರು ಕಾರ್ಯಾಚರಣೆಗಳಲ್ಲಿ ತೊಡಗಿಸಿಕೊಂಡಿದೆ. ಇವುಗಳಲ್ಲಿ ಸೆಪ್ಟೆಂಬರ್ 11ರ ದಾಳಿಯ ನಂತರ ಅಫ್ಗಾನಿಸ್ತಾನದಲ್ಲಿನ ಕಾರ್ಯಾಚರಣೆ ಸೇರಿದೆ. ಶೀತಲ ಸಮರದ ಮಿಲಿಟರಿ ಮೈತ್ರಿಯಿಂದ ವಿಶಾಲವಾದ ಭದ್ರತಾ ಸಂಘಟನೆಯಾಗಿ ರೂಪಗೊಂಡಿದೆ. </p><p>ನ್ಯಾಟೊ ಸಾಮಾನ್ಯ ಬಜೆಟ್ ಅನ್ನು ಹೊಂದಿದ್ದರೂ, ಹೆಚ್ಚಿನ ರಕ್ಷಣಾ ವೆಚ್ಚವನ್ನು ಆಯಾ ಸದಸ್ಯ ರಾಷ್ಟ್ರಗಳೇ ಭರಿಸುತ್ತವೆ. ಸದಸ್ಯ ರಾಷ್ಟ್ರಗಳು ತಮ್ಮ ಒಟ್ಟು ದೇಶೀಯ ಉತ್ಪನ್ನದ (GDP) ಕನಿಷ್ಠ ಶೇ 2ರಷ್ಟನ್ನು ರಕ್ಷಣೆಗಾಗಿ ವ್ಯಯಿಸಬೇಕೆಂದು ಪ್ರತಿಪಾದಿಸುತ್ತದೆ. </p><p>ಸೋವಿಯತ್ ಒಕ್ಕೂಟದ ಪತನದ ನಂತರ, ನ್ಯಾಟೊ ಪೂರ್ವದತ್ತ ವಿಸ್ತರಿಸಿತು. ಪೋಲೆಂಡ್, ಹಂಗೇರಿ ಮತ್ತು ಬಾಲ್ಟಿಕ್ ರಾಷ್ಟ್ರಗಳು ಸೇರಿದಂತೆ ಪೂರ್ವ ಯುರೋಪಿನ ಹಲವಾರು ದೇಶಗಳು ಈ ಮೈತ್ರಿಕೂಟಕ್ಕೆ ಸೇರಿದವು. ಇದರ ವಿಸ್ತರಣೆಯು ರಷ್ಯಾದೊಂದಿಗೆ ಉದ್ವಿಗ್ನತೆಗೆ ಕಾರಣವಾಗಿದೆ. ಏಕೆಂದರೆ ನ್ಯಾಟೊದ ಬೆಳವಣಿಗೆಯನ್ನು ರಷ್ಯಾ 'ಕಾರ್ಯತಂತ್ರದ ಬೆದರಿಕೆ' ಎಂದು ಪರಿಗಣಿಸಿದೆ.</p><p>ನ್ಯಾಟೊದ ಪೂರ್ವದ ವಿಸ್ತರಣೆಯನ್ನು ರಷ್ಯಾ ನಿರಂತರವಾಗಿ ವಿರೋಧಿಸುತ್ತಿದೆ. ಇದು ತನ್ನ ಗಡಿಗಳಲ್ಲಿ ಭದ್ರತಾ ಬೆದರಿಕೆಯನ್ನು ಒಡ್ಡುತ್ತಿದ್ದು, ಅದುವೇ ಉಕ್ರೇನ್ ಸಂಘರ್ಷಕ್ಕೆ ಪ್ರಮುಖ ಕಾರಣ ಎಂದಿದೆ. ಸಾರ್ವಭೌಮ ರಾಷ್ಟ್ರಗಳಿಗೆ ತಮ್ಮದೇ ಆದ ಭದ್ರತಾ ವ್ಯವಸ್ಥೆಗಳನ್ನು ಆಯ್ಕೆ ಮಾಡುವ ಹಕ್ಕಿದೆ ಎಂಬುದು ನ್ಯಾಟೊದ ನಿಲುವಾಗಿದೆ.</p>.ಯುದ್ಧಭೂಮಿಯಲ್ಲಿ ಚದುರಂಗದ ದಾಳ: ಇರಾನ್ನ ‘ಖಾರ್ಗ್’ ದ್ವೀಪದ ಮೇಲೆ ಅಮೆರಿಕದ ಕಣ್ಣು.ಇರಾನ್ನ ಇಸ್ಫಹಾನ್ ಮೇಲೆ 900 ಕೆ.ಜಿ ಬಂಕರ್ ಬಸ್ಟರ್ ಬಾಂಬ್ ದಾಳಿ ನಡೆಸಿದ ಅಮೆರಿಕ. <h2>ಅಮೆರಿಕದ ಪಾತ್ರ:</h2><p>ಅಮೆರಿಕವು ನ್ಯಾಟೊ ಸ್ಥಾಪನೆಯಾದಾಗಿನಿಂದ ಅದರ ಆಧಾರ ಸ್ತಂಭವಾಗಿದ್ದು, ಬಲಿಷ್ಠ ಶಕ್ತಿಯಾಗಿ ಹೊರಹೊಮ್ಮಿದೆ. ಇದು ಸುಧಾರಿತ ಶಸ್ತ್ರಾಸ್ತ್ರ ವ್ಯವಸ್ಥೆಗಳು, ಗುಪ್ತಚರ ಮತ್ತು ಲಾಜಿಸ್ಟಿಕಲ್ ಬೆಂಬಲ ಸೇರಿದಂತೆ ಮಿಲಿಟರಿ ಸಾಮರ್ಥ್ಯಗಳ ಅತಿ ದೊಡ್ಡ ಪಾಲನ್ನು ಒದಗಿಸುತ್ತದೆ. ಮೈತ್ರಿಕೂಟದ ಒಟ್ಟಾರೆ ರಕ್ಷಣಾ ವೆಚ್ಚದಲ್ಲಿ ಅಮೆರಿಕವು ಗಮನಾರ್ಹ ಪಾಲನ್ನು ಹೊಂದಿದೆ. ನ್ಯಾಟೊದ ಕಾರ್ಯತಂತ್ರದ ದಿಕ್ಕನ್ನು ರೂಪಿಸುವಲ್ಲಿ ಅಮೆರಿಕ ಪ್ರಮುಖ ಪಾತ್ರ ವಹಿಸಿದೆ. ಶೀತಲ ಸಮರದಲ್ಲಿ ಅಣ್ವಸ್ತ್ರ ತಡೆಯಿಂದ ಹಿಡಿದು 21ನೇ ಶತಮಾನದ ಭಯೋತ್ಪಾದನಾ ವಿರೋಧಿ ಚಟುವಟಿಕೆಗಳಲ್ಲಿ ಅಮೆರಿಕವು ನಿರ್ಣಾಯಕ ಪಾತ್ರ ವಹಿಸಿದೆ.</p><p>ಅಮೆರಿಕದ ಒಟ್ಟು ರಕ್ಷಣಾ ವೆಚ್ಚವು ಇತರ ಎಲ್ಲಾ ನ್ಯಾಟೊ ಸದಸ್ಯರ ಒಟ್ಟು ರಕ್ಷಣಾ ವೆಚ್ಚಕ್ಕಿಂತ ಎರಡು ಪಟ್ಟು ಹೆಚ್ಚಾಗಿದೆ. ಮಿಲಿಟರಿ ಸಾಮರ್ಥ್ಯದಲ್ಲೂ ಅಮೆರಿಕದ ಕೊಡುಗೆ ಹೆಚ್ಚಾಗಿದೆ. </p><h3>ಅಮೆರಿಕ ಹಿಂದೆ ಸರಿದರೆ ಏನಾಗುತ್ತದೆ?</h3><p>ನ್ಯಾಟೊ ಒಪ್ಪಂದದ 13ನೇ ವಿಧಿಯ ಪ್ರಕಾರ, ಸದಸ್ಯ ರಾಷ್ಟ್ರಗಳು ಮುನ್ಸೂಚನೆ ನೀಡುವ ಮೂಲಕ ಮೈತ್ರಿಕೂಟದಿಂದ ಹೊರಬರಲು ಅವಕಾಶವಿದೆ. ಒಂದು ವೇಳೆ ಅಮೆರಿಕ ಹಿಂದೆ ಸರಿದರೆ, ಅದು ತಕ್ಷಣದ ರಚನಾತ್ಮಕ ಪರಿಣಾಮಗಳನ್ನು ಬೀರುತ್ತದೆ. ನ್ಯಾಟೊದ ಮಿಲಿಟರಿ ಸಾಮರ್ಥ್ಯಗಳು ವಾಯುಪಡೆ, ಗುಪ್ತಚರ ಮತ್ತು ಕ್ಷಿಪ್ರ ನಿಯೋಜನಾ ಪಡೆಗಳು ಸೇರಿದಂತೆ ಅಮೆರಿಕದ ಸಂಪನ್ಮೂಲಗಳ ಮೇಲೆ ಹೆಚ್ಚು ಅವಲಂಬಿತವಾಗಿವೆ.</p><p>ಅಮೆರಿಕ ಹಿಂದೆ ಸರಿದರೆ ಯುರೋಪಿಯನ್ ಸದಸ್ಯ ರಾಷ್ಟ್ರಗಳು ತಮ್ಮ ರಕ್ಷಣಾ ಕಾರ್ಯತಂತ್ರಗಳನ್ನು ಮರುಮೌಲ್ಯಮಾಪನ ಮಾಡಬೇಕಾಗುತ್ತದೆ. ಅಲ್ಲದೆ ಕೊರತೆಯನ್ನು ಸರಿದೂಗಿಸಲು ರಕ್ಷಣಾ ವೆಚ್ಚವನ್ನು ಹೆಚ್ಚಿಸಬೇಕಾಗಬಹುದು.</p><p>ಅಮೆರಿಕವು ಹೊರಬಂದರೆ ಯುರೋಪಿನ ಮಿತ್ರರಾಷ್ಟ್ರಗಳ ಭದ್ರತೆಯ ಮೇಲೆ ತಕ್ಷಣದ ಮತ್ತು ಗಂಭೀರವಾದ ಪರಿಣಾಮಗಳು ಎದುರಾಗುವ ಭೀತಿಯಿವೆ. ಅಮೆರಿಕದ ಸಾಮರ್ಥ್ಯಗಳನ್ನು ಅವಲಂಬಿಸಿರುವ ಗುಪ್ತಚರ ಹಂಚಿಕೆ ಜಾಲಗಳು, ಉಪಗ್ರಹ ಸಂವಹನಗಳು ಮತ್ತು ಲಾಜಿಸ್ಟಿಕ್ಸ್ ಸರಪಳಿಗಳು ಅಸ್ತವ್ಯಸ್ತಗೊಳ್ಳುತ್ತವೆ. ಅಮೆರಿಕದ ನಿರ್ಗಮನದಿಂದ ಬಾಲ್ಟಿಕ್ ರಾಷ್ಟ್ರಗಳು ದುರ್ಬಲಗೊಳ್ಳಲಿವೆ. </p><p>ಸೈಬರ್ ರಕ್ಷಣೆ, ಭಯೋತ್ಪಾದನಾ ವಿರೋಧಿ ಮತ್ತು ಮೈತ್ರಿರಾಷ್ಟ್ರಗಳ ಯುದ್ಧದ ಸಹಕಾರ ಸೇರಿದಂತೆ ಒಟ್ಟಾರೆ ಯುರೋಪಿನ ಭದ್ರತಾ ರಚನೆಯ ಮೇಲೆ ಪರಿಣಾಮ ಬೀರಲಿದೆ. ಒಟ್ಟಾರೆಯಾಗಿ ಒಕ್ಕೂಟದ ಮೂಲ ಸ್ವರೂಪವನ್ನೇ ಬದಲಾಯಿಸುತ್ತದೆ.</p><h4>ಜಾಗತಿಕ ಪರಿಣಾಮಗಳು:</h4><p>ನ್ಯಾಟೊದ ರಚನೆಯಲ್ಲಿನ ಬದಲಾವಣೆಗಳು ಜಾಗತಿಕವಾಗಿ ಪರಿಣಾಮಗಳನ್ನು ಬೀರಲಿದೆ. ಅಮೆರಿಕದ ಪಾತ್ರ ಕಡಿಮೆಯಾದರೆ, ಬದಲಾದ ಸನ್ನಿವೇಶದಲ್ಲಿ ರಷ್ಯಾ ಮತ್ತು ಚೀನಾಕ್ಕೆ ಅವಕಾಶವಾಗಲಿದೆ ಎಂದು ಅಂದಾಜಿಸಲಾಗಿದೆ. ಎರಡೂ ದೇಶಗಳು ನ್ಯಾಟೊದ ಕ್ರಮಗಳನ್ನು ಸೂಕ್ಷ್ಮವಾಗಿ ಗಮನಿಸುತ್ತಿವೆ. ಜಾಗತಿಕ ಅಶ್ವಶಕ್ತಿಯ ರಾಷ್ಟ್ರಗಳ ಪ್ರಭಾವದಲ್ಲೂ ಬದಲಾವಣೆಯಾಗಲಿದೆ. </p>.ಶ್ವೇತಭವನದಲ್ಲಿ ಪರಮಾಣು ದಾಳಿಗೂ ಬಗ್ಗದ ಭೂಗತ ಸಂಕೀರ್ಣ: ಏನಿದು ‘ಬಾಲ್ ರೂಮ್’ ?.ಕೊಲ್ಲಿ ಸಮರದಿಂದ ಭಾರತ–ಅರಬ್ ಸಂಬಂಧಕ್ಕೆ ಅಡ್ಡಿ: ದೇಶದ ಆರ್ಥಿಕತೆಗೆ 'ಹೊಸ ಆಘಾತ'. <p><strong>ಭಾರತದ ಮೇಲೆ ಪ್ರಭಾವ?</strong></p><p>ನ್ಯಾಟೊದಲ್ಲಿ ಭಾರತ ಬಾಂಧವ್ಯ ಪರೋಕ್ಷವಾಗಿದೆ. ಅಮೆರಿಕ ನ್ಯಾಟೊದಿಂದ ಹೊರಬರುವುದು ಅಲ್ಪಾವಧಿಯಲ್ಲಿ ನ್ಯಾಟೊ ಸದಸ್ಯರೊಂದಿಗೆ ಭಾರತದ ದ್ವಿಪಕ್ಷೀಯ ಸಂಬಂಧಗಳ ಮೇಲೆ ಯಾವುದೇ ಗಮನಾರ್ಹ ಅಡ್ಡ ಪರಿಣಾಮ ಬೀರುವ ಸಾಧ್ಯತೆಯಿಲ್ಲ ಎಂದು ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ. ತಟಸ್ಥ ನೀತಿ ಹೊಂದಿದ್ದರೂ ಭಾರತದಂತಹ ದೇಶಗಳಿಗೆ, ಜಾಗತಿಕ ಪಾಲುದಾರರೊಂದಿಗೆ ತೊಡಗಿಸಿಕೊಳ್ಳುವಾಗ ಕಾರ್ಯತಂತ್ರ ರೂಪಿಸುವುದು ಮುಖ್ಯವಾಗಿದೆ. ಪಾಶ್ಚಾತ್ಯ ಮೈತ್ರಿಕೂಟಗಳಲ್ಲಿನ ಯಾವುದೇ ಬದಲಾವಣೆಯು ಪ್ರಾದೇಶಿಕ ಭದ್ರತಾ ಲೆಕ್ಕಾಚಾರಗಳ ಮೇಲೆ ಪರಿಣಾಮ ಬೀರಬಹುದು.</p><p>ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ನ್ಯಾಟೊದ ಪಾಲುದಾರಿಕೆಗಳು ಸೀಮಿತವಾಗಿದ್ದರೂ, ಅದು ಅದರ ಬೆಳೆಯುತ್ತಿರುವ ಜಾಗತಿಕ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ.</p><p>ಒಟ್ಟಾರೆಯಾಗಿ ಕಳೆದ 75 ವರ್ಷಗಳಿಂದ ನ್ಯಾಟೊ ಜಾಗತಿಕ ಭದ್ರತೆಯಲ್ಲಿ ಪ್ರಮುಖ ಒಕ್ಕೂಟವಾಗಿ ಉಳಿದಿದೆ. ನ್ಯಾಟೊದಲ್ಲಿ ಅಮೆರಿಕದ ಪಾತ್ರವು ಮಿಲಿಟರಿ ಸಾಮರ್ಥ್ಯ ಮತ್ತು ಕಾರ್ಯತಂತ್ರದ ಕ್ಷೇತ್ರದಲ್ಲೂ ಮುಖ್ಯವೆನಿಸಿದೆ. ಈ ಸಂಬಂಧದಲ್ಲಿನ ಯಾವುದೇ ಬದಲಾವಣೆಯು ಕೇವಲ ಯುರೋಪ್ಗೆ ಮಾತ್ರವಲ್ಲದೆ ಒಟ್ಟಾರೆ ಅಂತರರಾಷ್ಟ್ರೀಯ ವ್ಯವಸ್ಥೆಯ ಮೇಲೆ ಗಮನಾರ್ಹ ಪರಿಣಾಮಗಳನ್ನು ಬೀರುವ ಸಾಧ್ಯತೆ ಇದೆ. </p><p>(ಆಧಾರ: ವಿವಿಧ ಸುದ್ದಿ ಮೂಲಗಳಿಂದ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>