ಅಮೆರಿಕ–ನೈಜೀರಿಯಾ ಕಾರ್ಯಾಚರಣೆಯಲ್ಲಿ ಹತನಾದ ರಕ್ಕಸ ಐಎಸ್‌ ಉಗ್ರ ಬಿಲಾಲ್ ಯಾರು?

ಐಎಸ್‌ ಉಗ್ರಗಾಮಿ ಸಂಘಟನೆಯ ಎರಡನೇ ಅತಿದೊಡ್ಡ ನಾಯಕ ಮತ್ತು ಆಫ್ರಿಕಾದ ಕಾರ್ಯಾಚರಣೆಗಳ ಕೇಂದ್ರಬಿಂದುವಾಗಿದ್ದ ಅಬು ಬಿಲಾಲ್ ಅಲ್ ಮಿನುಕಿಯನ್ನು ಅಮೆರಿಕ-ನೈಜೀರಿಯಾ ಪಡೆಯು ಹತ್ಯೆ ಮಾಡಿದೆ.

ಬಿಲಾಲ್ ಐಎಸ್‌ಡಬ್ಲ್ಯುಎಪಿ ಪ್ರಾಂತ್ಯದ ಹಿರಿಯ ಕಮಾಂಡರ್ ಆಗಿದ್ದು, ಹಣಕಾಸು ನೆರವು, ಶಸ್ತ್ರಾಸ್ತ್ರ ಸರಬರಾಜು ಮತ್ತು ಕಾರ್ಯಾಚರಣೆಗಳ ಮೇಲ್ವಿಚಾರಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದ್ದ.

ಆಫ್ರಿಕಾದ ಸಹೇಲ್ ಪ್ರದೇಶವು ಐಎಸ್‌ ಮತ್ತು ಅಲ್ ಖೈದಾ ಉಗ್ರರ ಅಟ್ಟಹಾಸಕ್ಕೆ ತಾಣವಾಗಿದ್ದು, ಬಿಲಾಲ್ ಈ ಭಾಗದಲ್ಲಿ ಉಗ್ರ ಚಟುವಟಿಕೆಗಳನ್ನು ನಿಯಂತ್ರಿಸುತ್ತಿದ್ದ.

ಬಿಲಾಲ್‌ನ ಭಯೋತ್ಪಾದನಾ ಚಟುವಟಿಕೆಗಳನ್ನು ಗಮನದಲ್ಲಿಟ್ಟುಕೊಂಡು, ಅಮೆರಿಕ ಸರ್ಕಾರವು 2023ರ ಜೂನ್‌ನಲ್ಲಿ ಆತನನ್ನು ಜಾಗತಿಕ ಭಯೋತ್ಪಾದಕ ಎಂದು ಅಧಿಕೃತವಾಗಿ ಘೋಷಿಸಿತ್ತು.

ಬಿಲಾಲ್ ಹತ್ಯೆಯು ಜಾಗತಿಕ ಮಟ್ಟದಲ್ಲಿ ಐಎಸ್‌ ಸಂಘಟನೆಗೆ ದೊಡ್ಡ ಹಿನ್ನಡೆಯಾಗಿದೆ ಮತ್ತು ಆಫ್ರಿಕಾ ಖಂಡದ ಭದ್ರತೆಯ ದೃಷ್ಟಿಯಿಂದ ಇದೊಂದು ಪ್ರಮುಖ ಯಶಸ್ಸಾಗಿದೆ ಎಂದು ಅಮೆರಿಕ ಬಣ್ಣಿಸಿದೆ.