ಕಾರ್ಮಿಕರ ದಿನಾಚರಣೆ: ಈ ಸರ್ಕಾರಿ ಸೌಲಭ್ಯಗಳ ಕುರಿತು ಮಾಹಿತಿ ತಿಳಿದಿರುವುದು ಮುಖ್ಯ

ಪ್ರತಿಯೊಬ್ಬ ನೋಂದಾಯಿತ ಕಟ್ಟಡ ಅಥವಾ ಇತರ ನಿರ್ಮಾಣ ಕಾರ್ಮಿಕರು ಈ ಯೋಜಗೆಯ ಫಲಾನುಭವಿಯಾಗಿರುತ್ತಾರೆ. 60 ವರ್ಷ ವಯಸ್ಸಾಗುವ ಮೊದಲು ಕನಿಷ್ಠ 3 ವರ್ಷಗಳ ಕಾಲ ಮಂಡಳಿಯ ಫಲಾನುಭವಿಯಾಗಿ ಮುಂದುವರೆದಿರಬೇಕಾಗುತ್ತದೆ. ಪಿಂಚಣಿ ಮೊತ್ತವು ತಿಂಗಳಿಗೆ ₹3000 ಸಿಲಿದೆ. ಪಿಂಚಣಿ ಪಡೆಯುತ್ತಿರುವ ಕಾರ್ಮಿಕರು ಮರಣ ಹೊಂದಿದರೆ, ಅವರ ಪತಿ ಅಥವಾ ಪತ್ನಿಗೆ ಮಾಸಿಕವಾಗಿ ₹1,500 ಕುಟುಂಬ ಪಿಂಚಣಿ ಹಾಗೂ ಕೆಲಸದ ಸಮಯದಲ್ಲಿ ಶಾಶ್ವತ ಅಂಗವಿಕಲರಾದರೆ, ಮಾಸಿಕ ₹2,000 ಪಿಂಚಣಿ ಮತ್ತು ಹೆಚ್ಚುವರಿಯಾಗಿ ₹2 ಲಕ್ಷ ವರೆಗೆ ಆರ್ಥಿಕ ನೆರವು ಸಿಗುತ್ತದೆ.

 ಉದ್ಯೋಗದ ಸಮಯದಲ್ಲಿ ಅಪಘಾತಕ್ಕೀಡಾದ ಪ್ರತಿಯೊಬ್ಬ ನೋಂದಾಯಿತ ನಿರ್ಮಾಣ ಕಾರ್ಮಿಕನಿಗೆ ಉದ್ಯೋಗದಾತರು ಪರಿಹಾರ ನೀಡಬೇಕು. ಮಾತ್ರವಲ್ಲದೆ ಕೆಲಸದಿಂದಾಚೆಗೆ ಅಪಘಾತ ಸಂಭವಿಸಿದರೆ ಮಂಡಳಿಯಿಂದ ₹8 ಲಕ್ಷ ಪರಿಹಾರ ನೀಡಲಾಗುತ್ತಿದೆ. ಆತ್ಮಹತ್ಯೆ, ಮಾದಕ ದ್ರವ್ಯದ ಸೇವನೆಯಿಂದ ಮೃತಪಟ್ಟರೆ, ಕ್ರಿಮಿನಲ್ ಉದ್ದೇಶ, ಮಗುವಿನ ಜನನತ ಸಮಯದಲ್ಲಿ ಅನಿರೀಕ್ಷಿತ ಸಾವು, ಲೈಂಗಿಕ, ಅಲೈಂಗಿಕವಾಗಿ ಹರಡುವ ಕಾಯಿಲೆಗಳು ಹಾಗೂ ಎಚ್ಐವಿಯಿಂದ ಮೃತಪಟ್ಟರೆ ಪರಿಹಾರವಿರುವುದಿಲ್ಲ. ಅಂಗವೈಕಲ್ಯಕ್ಕೆ ₹2 ಲಕ್ಷ ಶಾಶ್ವತ, ಭಾಗಶಃ ಅಂಗವೈಕಲ್ಯಕ್ಕೆ ₹1 ಲಕ್ಷ ಪರಿಹಾರ ನೀಡಲಾಗುತ್ತದೆ.

ಮಂಡಳಿಯಿಂದ ನೋಂದಾಯಿತರಾದ ಕಟ್ಟಡ ಕಾರ್ಮಿಕರಿಗೆ ಸರ್ಕಾರಿ ಆಸ್ಪತ್ರೆ ಅಥವಾ ಕರ್ನಾಟಕ ಸರ್ಕಾರಿ ನೌಕರರ ಅಡಿಯಲ್ಲಿ ಸೇರಿಸಲಾದ ಖಾಸಗಿ ಆಸ್ಪತ್ರೆಯಲ್ಲಿ ವಿಮಾ ಯೋಜನೆ ಮೂಲಕ ಮಾನ್ಯತೆ ಪಡೆದ ಆಸ್ಪತ್ರೆಯಲ್ಲಿ ಅನಾರೋಗ್ಯದಿಂದ ದಾಖಲಾದ ಕಾರ್ಮಿಕರಿಗೆ ಹಣಕಾಸಿನ ನೆರವು ಮಂಜೂರು ಮಾಡಲಾಗುತ್ತದೆ. ದಿನಕ್ಕೆ ಗರಿಷ್ಠ ₹20 ಸಾವಿರಗಳವರೆಗೆ ನೀಡಲಾಗುತ್ತದೆ. ಆಸ್ಪತ್ರೆಗೆ ದಾಖಲಾದ ದಿನಾಂಕದಿಂದ 6 ತಿಂಗಳೊಳಗೆ ಅರ್ಜಿಯನ್ನು ಸಲ್ಲಿಸಬಹುದು

ನೋಂದಾಯಿತ ಮಹಿಳಾ ನಿರ್ಮಾಣ ಕಾರ್ಮಿಕರ ಮಗುವಿನ ಪ್ರಿ-ಸ್ಕೂಲ್ ಶಿಕ್ಷಣ ಮತ್ತು ಪೌಷ್ಠಿಕಾಂಶದ ಬೆಂಬಲಕ್ಕಾಗಿ ಸಹಾಯ ಮಾಡುವ ಉದ್ದೇಶದಿಂದ ತಾಯಿ–ಮಗು ಸಹಾಯ ಹಸ್ತ ಯೋಜನೆ ಇದೆ. ಮಗುವಿನ ಜನ್ಮ ದಿನಾಂಕದಿಂದ 3 ವರ್ಷಗಳ ಅವಧಿಗೆ ಪ್ರಿ-ಸ್ಕೂಲ್ ಶಿಕ್ಷಣ ಮತ್ತು ಮಗುವಿನ ಪೌಷ್ಠಿಕಾಂಶ ಬೆಂಬಲವಾಗಿ ಈ ಸಹಾಯ ಪಡೆಯಲು ಅರ್ಹರಾಗಿರುತ್ತಾರೆ.  ನೋಂದಾಯಿತ ಮಹಿಳಾ ನಿರ್ಮಾಣ ಕಾರ್ಯಕರ್ತೆಗೆ ₹6 ಸಾವಿರವನ್ನು ತಿಂಗಳಿಗೆ ₹500 ರಂತೆ ಮಂಜೂರು ಮಾಡಲಾಗುತ್ತದೆ. ಮೊದಲ ಎರಡು ಮಕ್ಕಳ ಜನನಕ್ಕೆ ಮಾತ್ರ ಸೌಲಭ್ಯವಿರುತ್ತದೆ. ಹೆರಿಗೆಯಾದ 6 ತಿಂಗಳೊಳಗೆ ಅರ್ಜಿಯನ್ನು ಸಲ್ಲಿಸಬಹುದು.

ಮಹಿಳಾ ನಿರ್ಮಾಣ ಕೆಲಸಗಾರರ ಅರ್ಜಿಯ ಮೇರೆಗೆ, ಅವರಿಗೆ ಮಗುವಿನ ಹೆರಿಗೆಯ ಪುರಾವೆಯನ್ನು ಒದಗಿಸಿದರೆ, ಮೊದಲ ಎರಡು ಹೆರಿಗೆಗಳಿಗೆ ಮಾತ್ರ ₹50 ಸಾವಿರ ಮಂಜೂರು ಮಾಡಲಾಗುತ್ತದೆ. ಎರಡು ಬಾರಿ ಮಾತ್ರ ಪಡೆಯಬಹುದು. ಈಗಾಗಲೇ ಇಬ್ಬರು ಜೀವಂತ ಮಕ್ಕಳಿದ್ದರೆ ಈ ಸಹಾಯಧನಕ್ಕೆ ಅರ್ಹರಾಗಿರುವುದಿಲ್ಲ.

ವಿವಾಹ ಸಹಾಯಧನ ನೋಂದಾಯಿತ ನಿರ್ಮಾಣ ಕಾರ್ಮಿಕರ ಅರ್ಜಿಯ ಮೇರೆಗೆ, ಕೆಲಸಗಾರ ಅಥವಾ ಅವರ ಇಬ್ಬರು ಅವಲಂಬಿತ ಮಕ್ಕಳ ವಿವಾಹ ವೆಚ್ಚವನ್ನು ಪೂರೈಸಲು ₹60 ಸಾವಿರ ಮಂಜೂರು ಮಾಡಲಾಗುತ್ತದೆ. ಒಂದು ಕುಟುಂಬವು 2 ಬಾರಿ ಮಾತ್ರ ಸೌಲಭ್ಯಕ್ಕೆ ಅರ್ಹರಾಗಿರುತ್ತಾರೆ. ಕಾನೂನಿ ಪ್ರಕಾರ ವಿವಾಹದ ವಯೋಮಿತಿ  ಹೊಂದಿರಬೇಕು. ಮದುವೆಯಾದ 6 ತಿಂಗಳೊಳಗೆ ಅರ್ಜಿ ಸಲ್ಲಿಸಬೇಕು.

ನೋಂದಾಯಿತ ನಿರ್ಮಾಣ ಕಾರ್ಮಿಕರ ಮಗ ಅಥವಾ ಮಗಳ ಶಿಕ್ಷಣಕ್ಕೆ ಸಹಾಯಧನವನ್ನು ನೀಡುವ ಸೌಲಭ್ಯವಿದೆ. ಕರ್ನಾಟಕ ದೂರ ಶಿಕ್ಷಣ ಕೋರ್ಸ್‌ಗಳು, ಹೋಂ ಸ್ಟಡಿ ಕೋರ್ಸ್‌ಗಳು, ಆನ್‌ಲೈನ್ ಕೋರ್ಸ್‌ಗಳಿಗೆ ದಾಖಲಾದ ವಿದ್ಯಾರ್ಥಿಗಳಿಗೆ ಮಾತ್ರ ಈ ಪ್ರಯೋಜನಗಳನ್ನು ಪಡೆಯಲು ಅರ್ಹರಿರುವುದಿಲ್ಲ.

ನೋಂದಾಯಿತ ನಿರ್ಮಾಣ ಕಾರ್ಮಿಕ ಮರಣ ಹೊಂದಿದಲ್ಲಿ ಹಠಾತ್ ಮರಣದಿಂದ ಉಂಟಾಗುವ ಆರ್ಥಿಕ ತೊಂದರೆಯನ್ನು ತಗ್ಗಿಸಲು ₹1.46 ಲಕ್ಷದ ವರೆಗೂ ಸೌಲಭ್ಯ ಸಿಗಲಿದೆ. ಈ ಹಣ ನಾಮನಿರ್ದೇಶಿತರಿಗೆ ಸಿಗುತ್ತದೆ. ಮರಣ ಹೊಂದಿದ ಒಂದು ವರ್ಷದೊಳಗೆ ಅರ್ಜಿ ಸಲ್ಲಿಸಬೇಕು.

ಬೆಂಗಳೂರು ಮಹಾನಗರ ಸಾರಿಗೆ ನಿಗಮ ಬಸ್‌ಗಳಲ್ಲಿ ನೋಂದಾಯಿತ ನಿರ್ಮಾಣ ಕಾರ್ಮಿಕರಿಗೆ ರಿಯಾಯಿತಿ ದರದಲ್ಲಿ ಬಸ್ ಪಾಸ್‌ ವ್ಯವಸ್ಥೆ ಇದೆ. ಕಾರ್ಮಿಕ ಕಾರ್ಡ್,  ಆಧಾರ್ ಕಾರ್ಡ್ ದಾಖಲೆ ಸಲ್ಲಿಸಿ ಯೋಜನೆ ಪಡೆಯಬಹುದು.