ತಂಬಾಕು ಬಿಟ್ಟರೆ ಭಾರತದ 2 ಕೋಟಿ ಬಡ ಕುಟುಂಬಗಳು ಉದ್ದಾರ ಆಗುತ್ವೆ: ವರದಿ

ತಂಬಾಕು ತ್ಯಜಿಸುವುದರಿಂದ ಭಾರತದ ಒಟ್ಟು ಕುಟುಂಬಗಳ ಪೈಕಿ ಶೇ 11.5 ರಷ್ಟು ಅಥವಾ 2.05 ಕೋಟಿ ಕುಟುಂಬಗಳ ಆರ್ಥಿಕ ಸ್ಥಿತಿ ಗಮನಾರ್ಹವಾಗಿ ಸುಧಾರಿಸುತ್ತದೆ.

ಈ ಬದಲಾವಣೆಯು ವಿಶೇಷವಾಗಿ ಗ್ರಾಮೀಣ ಭಾಗದ ಬಡ ಕುಟುಂಬಗಳಿಗೆ ಹೆಚ್ಚು ಅನುಕೂಲಕರವಾಗಿದ್ದು, ಮೂಲಭೂತ ಅಗತ್ಯಗಳಿಗಾಗಿ ಖರ್ಚು ಮಾಡಲು ಹೆಚ್ಚಿನ ಹಣ ದೊರೆಯುತ್ತದೆ.

ತಂಬಾಕು ಸಂಬಂಧಿತ ಕಾಯಿಲೆಗಳು ಮತ್ತು ಅದರಿಂದಾಗುವ ಅಕಾಲಿಕ ಮರಣವು ಜಾಗತಿಕವಾಗಿ ಪ್ರತಿ ವರ್ಷ ಒಂದು ಟ್ರಿಲಿಯನ್ ಅಮೆರಿಕನ್ ಡಾಲರ್‌ಗಿಂತ ಹೆಚ್ಚಿನ ನಷ್ಟವನ್ನು ಉಂಟುಮಾಡುತ್ತಿದೆ.

ತಂಬಾಕು ಬಳಕೆದಾರರು ತಮ್ಮ ಆದಾಯದ ಹೆಚ್ಚಿನ ಭಾಗವನ್ನು ವ್ಯಸನಕ್ಕೆ ಖರ್ಚು ಮಾಡುವುದರಿಂದ ಶಿಕ್ಷಣ ಮತ್ತು ಆಹಾರದಂತಹ ಮೂಲಭೂತ ಅಗತ್ಯಗಳ ಮೇಲೆ ದುಷ್ಪರಿಣಾಮ ಬೀರುತ್ತಿದೆ.

ತಂಬಾಕು ತ್ಯಜಿಸಲು ಪ್ರೋತ್ಸಾಹಿಸುವ ಕಾರ್ಯಕ್ರಮಗಳು, ತೆರಿಗೆ ಹೆಚ್ಚಳ ಮತ್ತು ಜಾಗೃತಿ ಅಭಿಯಾನಗಳ ಮೂಲಕ ಬಡತನ ನಿರ್ಮೂಲನೆಯನ್ನು ಸಾಧಿಸಬಹುದೆಂದು ವರದಿ ತಿಳಿಸಿದೆ.