ಡಾ. ತಸುಕು ಅವರು ಕೋವಿಡ್–19ಗೆ ಸಂಬಂಧಿಸಿದಂತೆ ‘ನಿಕ್ಕಾಯ್ ಏಷ್ಯನ್ ರಿವ್ಯೂ’ಗೆ ಸಂದರ್ಶನವೊಂದನ್ನು ನೀಡಿದ್ದರು. ಆದರೆ, ಆ ಸಂದರ್ಶನದಲ್ಲಿ ಸೋಂಕು ಮಾನವನಿರ್ಮಿತ ಎಂಬ ಹೇಳಿಕೆಯನ್ನು ಅವರು ನೀಡಿರಲಿಲ್ಲ. ಪ್ರಕರಣಗಳ ಸಂಖ್ಯೆಯಲ್ಲಿ ಸ್ಥಿರತೆ ಕಾಯ್ದುಕೊಳ್ಳುವಲ್ಲಿ ದೇಶಗಳು ಹೇಗೆ ವಿಫಲವಾಗುತ್ತಿವೆ ಎಂಬ ವಿಷಯವಾಗಿಯಷ್ಟೆ ಅವರು ಚರ್ಚಿಸಿದ್ದರು. ಅಲ್ಲದೆ, ವುಹಾನ್ ಪ್ರಯೋಗಾಲಯದ ಜತೆಗೆ ಅವರಿಗೆ ಯಾವುದೇ ಸಂಬಂಧವನ್ನೂ ಹೊಂದಿಲ್ಲ. ನ್ಯೂಸ್ ಮೀಟರ್ ಸುದ್ದಿಸಂಸ್ಥೆ ಕೇಳಿದ ಸ್ಪಷ್ಟನೆಗೆ ಡಾ.ತಸುಕು ಅವರ ಸಹಾಯಕ ವಿವರವಾದ ಉತ್ತರ ನೀಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾದ ಎಲ್ಲ ವಿಷಯಗಳು ಸುಳ್ಳು ಎಂದು ಸ್ಪಷ್ಟಪಡಿಸಿದ್ದಾರೆ.