ಸಾದಾ ಪ್ಯಾಂಟ್, ಬನಿಯನ್ ಹಾಗೂ ಕೇಸರಿ ಶಾಲು ಧರಿಸಿರುವ ಈ ವ್ಯಕ್ತಿ ಟೀ ಅಂಗಡಿಯೊಂದರ ಮುಂದೆ ನಿಂತಿರುವ ಫೊಟೊ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚಾಗಿ ಷೇರ್ ಆಗುತ್ತದೆ. ಮೇಲ್ನೋಟಕ್ಕೆ ಇವರು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ರೀತಿ ಕಾಣಿಸುತ್ತಾರೆ. ‘ಇವರು ಯೋಗಿ ಅವರನ್ನು ಹೋಲುತ್ತಿರುವ ಅವರ ಸಹೋದರ. ಟೀ ಅಂಗಡಿ ನಡೆಸುತ್ತಿದ್ದಾರೆ. ಅವರುಎಷ್ಟೊಂದು ಸರಳ’ ಎಂದು ಟ್ವಿಟರಿಗರು ಉಲ್ಲೇಖಿಸಿದ್ದಾರೆ. ಮಾಯಾವತಿ, ಮಮತಾ, ಅಖಿಲೇಶ್ ಅವರ ಕುಟುಂಬ ಸದಸ್ಯರು ಇವರನ್ನು ನೋಡಿ ಕಲಿಯಬೇಕು ಎಂದು ಕೆಲವರು ಸಲಹೆ ನೀಡಿದ್ದಾರೆ.