ಫ್ಯಾಕ್ಟ್‌ಚೆಕ್: ಇಂಡೊನೇಷ್ಯಾದ ನೋಟುಗಳಲ್ಲಿ ಗಣೇಶನ ಚಿತ್ರ ಇದೆಯೇ?

ಇಂಡೊನೇಷ್ಯಾದ 20 ಸಾವಿರ ರೂಪಾಯಿ ಮುಖಬೆಲೆಯ ನೋಟಿನಲ್ಲಿ ಗಣೇಶನ ಚಿತ್ರವಿತ್ತು. ಆದರೆ, ಈ ಮುಖಬೆಲೆಯ ನೋಟುಗಳನ್ನು 2008ರಲ್ಲೇ ಅಲ್ಲಿನ ಸರ್ಕಾರವು ಚಲಾವಣೆಯಿಂದ ಹಿಂದಕ್ಕೆ ಪಡೆದಿದೆ. ಈ ನೋಟುಗಳನ್ನು ಜನರು ಬದಲಾಯಿಸಿಕೊಳ್ಳಲು 2018ರವರೆಗೂ ಸರ್ಕಾರ ಕಾಲಾವಕಾಶ ನೀಡಿತ್ತು ಎಂದು ಲಾಜಿಕಲ್ ಇಂಡಿಯನ್ ವೆಬ್‌ಸೈಟ್ ತಿಳಿಸಿದೆ. ಕೇಜ್ರಿವಾಲ್ ಹೇಳಿದಂತೆ ಇಂಡೊನೇಷ್ಯಾ ಬರೀ ಮುಸ್ಲಿಂ ದೇಶವಲ್ಲ. ಮುಸ್ಲಿಮರು ದೇಶದ ಬಹುಸಂಖ್ಯಾತರು. ಎಲ್ಲ ಧರ್ಮಗಳೂ ಸಮಾನ ಎಂಬುದಾಗಿ ಇಂಡೊನೇಷ್ಯಾ ಸಂವಿಧಾನದಲ್ಲಿ ಉಲ್ಲೇಖಿಸಲಾಗಿದೆ. ಶೇ 1.7ರಷ್ಟು ಹಿಂದೂಗಳೂ ಇಲ್ಲಿದ್ದಾರೆ.