ಫ್ಯಾಕ್ಟ್‌ಚೆಕ್ | ಚಿತ್ರಕ್ಕೆ ನಮಿಸುತ್ತಿರುವ ಬಾಲಕಿ ಹುತಾತ್ಮ ಯೋಧನ ಮಗಳಲ್ಲ

ಚಿತ್ರವನ್ನು ಹಂಚಿಕೊಂಡಿರುವ ಸಾಕಷ್ಟು ಸೆಲೆಬ್ರಿಟಿಗಳು, ರಾಜಕಾರಣಿಗಳು, ಆಕೆಯ ತಂದೆಯ ಆತ್ಮಕ್ಕೆ ಶಾಂತಿ ಸಿಗಲಿ ಎಂದೆಲ್ಲಾ ಬರೆದುಕೊಂಡಿದ್ದರು. ಆದರೆ, ಆ ಬಾಲಕಿ ಸಂತೋಷ್ ಬಾಬು ಅವರ ಮಗಳಲ್ಲ. ಆಕೆ ಬೆಂಗಳೂರಿನ ನೆಲಮಂಗಲದವಳು. ಅಖಿಲ ಭಾರತ ವಿದ್ಯಾರ್ಥಿ ಪರಿಷತ್‌ನ (ಎಬಿವಿಪಿ) ಕಾರ್ಯಕರ್ತನೊಬ್ಬ ತನ್ನ ತಂಗಿ, ಸಂತೋಷ್‌ ಅವರ ಭಾವಚಿತ್ರಕ್ಕೆ ನಮಿಸುತ್ತಿರುವ ಚಿತ್ರವನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದರು.

ಇದೇ ಚಿತ್ರವನ್ನು ಎಬಿವಿಪಿ ಪುಟದಲ್ಲೂ ಹಂಚಿಕೊಳ್ಳಲಾಗಿದೆ.

ಚಿತ್ರದ ಜೊತೆಗೆ, ‘ಕರ್ನಾಟಕದ ನೆಲಮಂಗಲ ತಾಲ್ಲೂಕಿನ ಎಬಿವಿಪಿ ಕಾರ್ಯಕರ್ತ ತನ್ನ ಪುಟ್ಟ ತಂಗಿಯೊಂದಿಗೆ ಲಡಾಖ್‌ನ ಗಾಲ್ವನ್‌ ಕಣಿವೆಯಲ್ಲಿ ಹುತಾತ್ಮರಾದ ಸಂತೋಷ್‌ ಬಾಬು ಅವರಿಗೆ ನಮನ ಸಲ್ಲಿಸಿದರು’ ಎಂದು ಸ್ಪಷ್ಟವಾಗಿ ಬರೆಯಲಾಗಿದೆ. ಆದಾಗ್ಯೂ ತಪ್ಪು ಮಾಹಿತಿ ಹರಿದಾಡುತ್ತಿದೆ.

ಈ ಕುರಿತುಎಬಿವಿಪಿ ಮತ್ತೊಂದು ಪೋಸ್ಟ್‌ನಲ್ಲಿ ಸ್ಪಷ್ಟನೆ ನೀಡಿದೆ.