ಬುಧವಾರ, ನವೆಂಬರ್ 13, 2019
22 °C
ಲೇಡಿಸ್ ಸ್ಪೆಷಲ್

ಐಟಿಸಿ ಗಾರ್ಡೇನಿಯಾದಲ್ಲಿ4ರಂದು ‘ಫಿಕ್ಕಿ ಫ್ಲೋ’ ಮಾರ್ಕೆಟ್‌

Published:
Updated:
Prajavani

ಅಖಿಲ ಭಾರತ ವಾಣಿಜ್ಯ ಮತ್ತು ಕೈಗಾರಿಕಾ ಒಕ್ಕೂಟ (ಎಫ್‌ಕೆಸಿಸಿಐ–ಫಿಕ್ಕಿ) ಸೆಪ್ಟೆಂಬರ್‌ 4ರಂದು ಐಟಿಸಿ ಗಾರ್ಡೇನಿಯಾದಲ್ಲಿ ಫ್ಲೋ ಮಾರ್ಕೆಟ್‌ ಆಯೋಜಿಸಿದೆ. 

ದೇಶದ ಎಲ್ಲ ಭಾಗಗಳ ಮಹಿಳಾ ಉದ್ಯಮಿಗಳು ಫ್ಲೋ ಮಾರ್ಕೆಟ್‌ನಲ್ಲಿ ತಮ್ಮ ಸಂಸ್ಥೆಯ ಉತ್ಪನ್ನಗಳನ್ನು ಪ್ರದರ್ಶನಕ್ಕೆ ಇಡಲಿದ್ದಾರೆ. ಫಿಕ್ಕಿ ಆಯೋಜಿಸುತ್ತಿರುವ ಐದನೇ ವಸ್ತು ಪ್ರದರ್ಶನ ಮತ್ತು ಮಾರಾಟ ಮೇಳ ಇದಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿಯ ಬಜಾರದ ವಿಸ್ತೀರ್ಣ ದೊಡ್ಡದಾಗಿದೆ. 65 ಮಳಿಗೆಗಳನ್ನು ತೆರೆಯಲಾಗಿದ್ದು,  ವೈವಿಧ್ಯಮಯ ಉತ್ಪನ್ನಗಳನ್ನು ಪ್ರದರ್ಶಿಸಲಾಗುವುದು.

ದೇಶದ ಫಿಕ್ಕಿ ಫ್ಲೋ 15 ಶಾಖೆಗಳು ಮೇಳದಲ್ಲಿ ಭಾಗವಹಿಸಲಿವೆ. ‘ಮಹಿಳಾ ಉದ್ಯಮಿಗಳ ಸಬಲೀಕರಣ ಇದರ ಉದ್ದೇಶ’ ಎಂದು ಫಿಕ್ಕಿ ಫ್ಲೋ ಅಧ್ಯಕ್ಷೆ ಶ್ರುತಿ ಮಿತ್ತಲ್‌ ಹೇಳುತ್ತಾರೆ. 

ಮಹಿಳೆಯರ ಸ್ವಸಹಾಯ ಸಂಘಗಳು ಮತ್ತು ಎನ್‌ಜಿಒಗಳ ಉತ್ಪನ್ನ ಪ್ರದರ್ಶನಕ್ಕೆ ಈ ಬಜಾರ ವೇದಿಕೆಯಾಗಲಿದೆ. ಇಲ್ಲಿ ಮಾರಾಟಕ್ಕೂ ಅವಕಾಶ ಇರುವುರಿಂದ ಮಾರಾಟದಿಂದ ಬಂದ ಹಣವನ್ನು ಮಹಿಳೆಯರ ಏಳಿಗೆ, ಸ್ವಾವಲಂಬನೆ, ಸಬಲೀಕರಣ ಮತ್ತು ಕೌಶಲವೃದ್ಧಿ ತರಬೇತಿ ಕಾರ್ಯಕ್ರಮಗಳಿಗೆ ವಿನಿಯೋಗಿಸಲಾಗುವುದು ಎಂದು ಹೇಳಿದ್ದಾರೆ.

 ಸ್ಥಳ: ಐಟಿಸಿ ಗಾರ್ಡೇನಿಯಾ, ರಿಚ್ಮಂಡ್‌ ರಸ್ತೆ

ದಿನಾಂಕ: ಬುಧವಾರ, 4ನೇ ಸೆಪ್ಟೆಂಬರ್‌

ಸಮಯ: ಬೆಳಿಗ್ಗೆ 10ರಿಂದ ಸಂಜೆ 7

ಪ್ರತಿಕ್ರಿಯಿಸಿ (+)