ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

‘ಸೆಹಮತ್‌’ ಹೆಣೆದ ಸೌಂದರ್ಯ ಸೂತ್ರ

Last Updated 16 ಮೇ 2018, 19:30 IST
ಅಕ್ಷರ ಗಾತ್ರ

ಆಲಿಯಾ ಭಟ್‌ ತಮ್ಮ ಇತ್ತೀಚಿನ ಚಿತ್ರ ‘ರಾಝಿ’ಯ (ಸೆಹಮತ್‌) ಮೂಲಕ ಹೆಚ್ಚು ಸದ್ದು ಮಾಡುತ್ತಿದ್ದಾರೆ. ತಮ್ಮ ಪ್ರೌಢ ಅಭಿನಯದಿಂದ ಮಿಂಚುತ್ತಿದ್ದಾರೆ. ಬಬ್ಲಿ ಹುಡುಗಿಯಾಗಿ ‘ಸ್ಟೂಡೆಂಟ್‌ ಆಫ್‌ ದಿ ಇಯರ್‌’ನಲ್ಲಿ ಕಾಣಿಸಿಕೊಂಡಿದ್ದ ಅವರ ಪ್ರೌಢ ಅಭಿನಯಕ್ಕೆ ಸಿನಿ ಪ್ರಿಯರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಆಲಿಯಾ ಬರುಬರುತ್ತಾ ತಮ್ಮ ಸಿನಿಮಾಗಳಲ್ಲಿ ಕನಿಷ್ಠ ಮೇಕಪ್‌ನೊಂದಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಪಾತ್ರಗಳ ಆಯ್ಕೆಯಲ್ಲಿ ತುಂಬಾ ಚ್ಯೂಸಿ ಆಗುತ್ತಿರುವ ಅವರು, ಬ್ಯೂಟಿ ವಿಚಾರದಲ್ಲೂ ತಮ್ಮ ಅಭಿಪ್ರಾಯವನ್ನು ಬದಲಾಯಿಸಿಕೊಳ್ಳುತ್ತಿದ್ದಾರೆ. ಇದಕ್ಕೆ ಅವರ ಡಿಯರ್‌ ಜಿಂದಗಿ, ಹೈವೇ ಸಿನಿಮಾಗಳೇ ಸಾಕ್ಷಿ. ಅಭಿನಯದ ಜತೆ ಜತೆಗೆ ಈ ನಟಿಯ ಬದಲಾದ ಲುಕ್‌ ಕೂಡ ಸದ್ದು ಮಾಡುತ್ತಿದೆ. ಹುಡುಗಿಯರಿಗೆ ಅವರು ನೀಡುವ ಟಿಪ್ಸ್‌ ಹೀಗಿವೆ: 

ತುಟಿಗೆ ಗಾಢ ಬಣ್ಣ ಹಚ್ಚಿಕೊಂಡಾಗ (ಲಿಪ್‌ಸ್ಟಿಕ್‌) ಮುಖಕ್ಕೆ ಹೆಚ್ಚಿನ ಮೇಕಪ್‌ ಮಾಡಬಾರದು ಎನ್ನುವುದು ಅವರ ಸಲಹೆ. ತುಟಿಗೆ ಬಣ್ಣ ಹಚ್ಚಿಕೊಂಡಾಗ ಕೆನ್ನೆಗೂ ಗಾಢ ಬಣ್ಣ ಬಳಿದುಕೊಂಡರೆ ನೋಡಲು ಅಷ್ಟೊಂದು ಸೊಗಸಾಗಿ ಕಾಣುವುದಿಲ್ಲ ಎನ್ನುವುದು ಅವರ ತರ್ಕ. 

ಇನ್ನು ಎರಡನೆಯದು, ಕೂದಲಿನ ಅಲಂಕಾರ. ಇದೂ ಮುಖದ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಸೀರೆ ಉಟ್ಟಾಗ ತುರುಬು ಕಟ್ಟಬೇಕು. ಎತ್ತರದ ತುರುಬು ಮತ್ತು ತುಟಿಗೆ ಗಾಢ ಬಣ್ಣ ಅವರ ಸೊಬಗನ್ನು ಹೆಚ್ಚಿಸುತ್ತಿವೆಯಂತೆ. ಮೂರನೆಯದು, ತೀರ ಇತ್ತೀಚಿನ ಆಲಿಯಾ ಅವರ ಫೋಟೊಗಳ್ನು ಗಮನಿಸಿದರೆ, ಅವರು ಕೆನ್ನೆ, ಕಣ್ಣು ಹಾಗೂ ತುಟಿಗಳಿಗೆ ಒಂದೇ ಬಣ್ಣದ ಶೇಡ್‌ಗಳನ್ನು ಬಳಸುತ್ತಿದ್ದಾರೆ. ಕೆನ್ನೆಯ ಅಲಂಕಾರಕ್ಕೆ ವಿವಿಧ ಶೇಡ್‌ಗಳನ್ನು ಬಳಕೆ ಮಾಡುವುದಕ್ಕಿಂತ, ಹೀಗೆ ಒಂದೇ ಬಣ್ಣದ ಶೇಡ್‌ ಬಳಕೆ ಉತ್ತಮ ಎನ್ನುತ್ತಾರೆ ಅವರು. ನಾಲ್ಕನೆಯದು, ಅವರ ಹಣೆಯ ಬೊಟ್ಟು. ಅದರ ಗಾತ್ರ ಕೂಡ ಸೌಂದರ್ಯದ ಮೇಲೆ ಪ್ರಭಾವ ಬೀರುತ್ತದೆ ಎನ್ನುತ್ತಾರೆ.

ಕಾಟನ್‌ ಸಲ್ವಾರ್‌ ಕಮೀಜ್‌, ಸೀರೆ ಇವುಗಳ ಜತೆಗೆ ಬೆಳ್ಳಿ ಬಣ್ಣದ ಝುಮುಕಿಗಳನ್ನು ಅವರು ತೊಡುತ್ತಿದ್ದಾರೆ. ಗಾಢ ಬಣ್ಣಗಳ ತೊಡುಗೆಗಳಿಗೆ ಸಣ್ಣ ಗಾತ್ರದ ಬೊಟ್ಟುಗಳು ಒಪ್ಪುತ್ತವೆ ಎನ್ನುವುದು ಅವರ ಸಲಹೆ. 

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT