‘ರಂಗಭೂಮಿ ಬೇರು ಪೌರಾಣಿಕ’

ಮೈಸೂರು: ‘ಪೌರಾಣಿಕವು ರಂಗಭೂಮಿಯ ಬೇರಾಗಿದ್ದು, ಅದನ್ನು ಉಳಿಸಿಕೊಳ್ಳಬೇಕು. ರಂಗೋತ್ಸವಗಳಲ್ಲಿ ಒಂದಾದರೂ ನಾಟಕ ಪ್ರದರ್ಶನ ಆಗಬೇಕು’ ಎಂದು ರಂಗ ಸಂಗೀತ ನಿರ್ದೇಶಕ ವಿದ್ವಾನ್ ವೈ.ಎಂ.ಪುಟ್ಟಣ್ಣಯ್ಯ ಒತ್ತಾಯಿಸಿದರು.

. ನಗರದ ಕಿರು ರಂಗಮಂದಿರದಲ್ಲಿ ಮಂಗಳವಾರ ಮುಕ್ತಾಯಗೊಂಡ ‘ಶ್ರೀ ರಾಜೇಶ್ವರಿ ವಸ್ತ್ರಾಲಂಕಾರ ರಂಗತಂಡ’ವು ಆಯೋಜಿಸಿದ್ದ ಮೂರು ದಿನಗಳ ಪೌರಾಣಿಕ ರಂಗ ಸಂಭ್ರಮ’ದ ಸಮಾರೋಪದಲ್ಲಿ‘ರಂಗ ಗೌರವ’ ಸ್ವೀಕರಿಸಿ ಮಾತನಾಡಿದರು.

. ‘ರಂಗಾಯಣದಲ್ಲಿ ಮೂರು ದಶಕ ಕೆಲಸ ಮಾಡಿರುವೆ. ಮೊದಲು ಪೌರಾಣಿಕ ಮಾದರಿ ರಂಗ ಪ್ರಯೋಗಗಳು ನಡೆಯುತ್ತಿದ್ದವು. ಈಗ ಅಲ್ಲಿ ಇಲ್ಲವೇ ಇಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು.

. ‘ವೃತ್ತಿ ರಂಗಭೂಮಿಯ ವಿಕಾಸವು ಆಗಿದ್ದೇ ಪೌರಾಣಿಕದಿಂದ. ಈ ಪ್ರಕಾರವನ್ನು ದಯಮಾಡಿ ಉಳಿಸಿದರೆ ರಂಗಭೂಮಿಯ ಕಲಾ ಇತಿಹಾಸ, ಸಂಸ್ಕೃತಿ ಹಾಗೂ ಸಂಗೀತವನ್ನು ಮುಂದಿನ ಪೀಳಿಗೆಗೆ ನೀಡಿದಂತಾಗುತ್ತದೆ. ಈ ಬಗ್ಗೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯು ಹೆಚ್ಚು ಆಸಕ್ತಿವಹಿಸಬೇಕು’ ಎಂದರು.

. ‘ಮೊದಲೆಲ್ಲ 7 ಗಂಟೆ ನಾಟಕ ಪ್ರಯೋಗಗಳು ಆಗುತ್ತಿದ್ದವು. ಕಾಳಿದಾಸನ ‘ವಿಕ್ರಮೋರ್ವಶೀಯಂ’ ನಾಟಕವನ್ನು 2 ಗಂಟೆಗೆ ಸೀಮಿತಗೊಳಿಸಿ ಪ್ರಯೋಗ ಮಾಡಿದ್ದರು. ಸಮಯಾಭಾವ ಇರುವುದರಿಂದ ಇಂಥ ಪ್ರಯೋಗಗಳು ಪೌರಾಣಿಕ ಪರಂಪರೆಯನ್ನು ಉಳಿಸಲಿವೆ’ ಎಂದು ಅಭಿಪ್ರಾಯಪಟ್ಟರು.

. ಸಮಾರೋಪ ಭಾಷಣ ಮಾಡಿದ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಜಂಟಿ ನಿರ್ದೇಶಕ ವಿ.ಎನ್.ಮಲ್ಲಿಕಾರ್ಜುನ ಸ್ವಾಮಿ, ‘ರಂಗಾಯಣದಲ್ಲಿ ಪೌರಾಣಿಕ ರಂಗಪ್ರಯೋಗಗಳನ್ನು ನಡೆಸಲು ಶೀಘ್ರ ಕ್ರಮವಹಿಸಲಾಗುವುದು’ ಎಂದು ಭರವಸೆ ನೀಡಿದರು.

. ₹ 20 ಸಾವಿರ ನೆರವು: ‘ರಂಗ ಸಂಗೀತ ನಿರ್ದೇಶಕ ದಿವಂಗತ ಶ್ರೀನಿವಾಸ್ ಭಟ್ (ಚೀನಿ) ಅವರ ಪತ್ನಿ ಚಿಕಿತ್ಸೆಗೆ ರಂಗ ತಂಡದಿಂದ ₹ 20 ಸಾವಿರ ನೀಡಲಾಗುವುದು. ರಂಗ ಸಂಗೀತದ ಮೇರು ಪ್ರತಿಭೆಯ ಕುಟುಂಬಕ್ಕೆ ಸಹಾಯಹಸ್ತವನ್ನು ಚಾಚಬೇಕು. ನೆರವನ್ನು ನೀಡಬೇಕು’ ಎಂದು ‘ಶ್ರೀ ರಾಜೇಶ್ವರಿ ವಸ್ತ್ರಾಲಂಕಾರ ರಂಗತಂಡ’ದ ಬಿ.ಎಂ.ರಾಮಚಂದ್ರ ಕೋರಿದರು.

. ರಂಗಕರ್ಮಿ ಮೈಮ್ ರಮೇಶ್ ಅವರಿಗೂ ‘ರಂಗ ಗೌರವ’ ನೀಡಲಾಯಿತು. ಎಚ್.ಬಿ.ಯಶೋಧಾ, ದಿನೇಶ್ ಚಮ್ಮಾಳಿಗೆ, ವಿಕಾಸ್ ಚಂದ್ರ ಪಾಲ್ಗೊಂಡಿದ್ದರು. ನಂತರ ಟಿ.ನಾಗರಾಜ ಹಿರೇಕುಂಬಳಗುಂಟೆ ನಿರ್ದೇಶನದ ‘ರಕ್ತರಾತ್ರಿ’ ನಾಟಕ ಪ್ರದರ್ಶನಗೊಂಡಿತು.

. ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ 260401-39-1083824009

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ರಂಗಭೂಮಿ ಬೇರು ಪೌರಾಣಿಕ’

ಚಿನಕುರುಳಿ ಕಾರ್ಟೂನ್: ಮೇ 16 ಶನಿವಾರ 2026

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 16, ಶನಿವಾರ

ಚುರುಮುರಿ: ಸ್ವದೇಶಿ ವಿನಿಮಯ!

ದೇವೇಗೌಡ ಮತ್ತೆ ರಾಜ್ಯಸಭೆಗೆ? ನಿತಿನ್ ನವಿನ್ ಭೇಟಿಯಾದ ಕುಮಾರಸ್ವಾಮಿ

ಬೌಲರ್‌ಗಳ ಮೇಲೆ ಅಲೆನ್, ರಘುವಂಶಿ, ಗ್ರೀನ್ ಸವಾರಿ: ಗುಜರಾತ್ ಎದುರು ಬೃಹತ್ ಗುರಿ

RCB vs PBKS: Sorry ಅಯ್ಯರ್‌, Bye Bye ಪಂಜಾಬ್‌ – RCB ಅಭಿಮಾನಿಗಳ ಜೋಶ್‌

IPL 2026: ಅಗ್ರಸ್ಥಾನದತ್ತ ಗಿಲ್ ಪಡೆ ಚಿತ್ತ

ಸ್ವದೇಶಕ್ಕೆ ಮರಳಿದ ರಚಿನ್ ರವೀಂದ್ರ

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಚಿನಕುರುಳಿ ಕಾರ್ಟೂನ್: ಮೇ 16 ಶನಿವಾರ 2026

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 16, ಶನಿವಾರ

ಚುರುಮುರಿ: ಸ್ವದೇಶಿ ವಿನಿಮಯ!

ದೇವೇಗೌಡ ಮತ್ತೆ ರಾಜ್ಯಸಭೆಗೆ? ನಿತಿನ್ ನವಿನ್ ಭೇಟಿಯಾದ ಕುಮಾರಸ್ವಾಮಿ