ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹೊಸ ವರ್ಷಕ್ಕೆ ಬರ್ಫಿ, ಅನಾನಸ್‌ ಬಾತ್‌

Last Updated 1 ಜನವರಿ 2021, 19:30 IST
ಅಕ್ಷರ ಗಾತ್ರ

ಜಾಮೂನ್ ಬರ್ಫಿ

ಬೇಕಾಗುವ ಸಾಮಗ್ರಿಗಳು: ಜಾಮೂನ್‌ ಹಿಟ್ಟು – 1 ಕಪ್, ಹಾಲು – 1 ಕಪ್, ತುಪ್ಪ – 1 ಕಪ್, ತೆಂಗಿನಕಾಯಿ ತುರಿ – 1 ಕಪ್, ಸಕ್ಕರೆ – 3 ಕಪ್.

ತಯಾರಿಸುವ ವಿಧಾನ: ಮೇಲೆ ತಿಳಿಸಿರುವ ಎಲ್ಲಾ ಪದಾರ್ಥಗಳನ್ನು ದಪ್ಪ ತಳದ ಬಾಣಲೆಯಲ್ಲಿ ಹಾಕಿ ಗಂಟಿಲ್ಲದಂತೆ ಕರಗಿಸಿ. ಗ್ಯಾಸ್ ಅನ್ನು ಮಧ್ಯಮ ಉರಿಯಲ್ಲಿ ಇಟ್ಟು ತಳ ಬಿಡುವವರೆಗೆ ಕಾಯಿಸುತ್ತಾ ಕೈಯಾಡಿಸಬೇಕು. ತುಪ್ಪ ಸವರಿದ ತಟ್ಟೆಗೆ ಸುರಿದು ಚೌಕಾಕಾರದಲ್ಲಿ ಕತ್ತರಿಸಿದರೆ 15 ನಿಮಿಷದಲ್ಲಿ ಬರ್ಫಿ ರೆಡಿ.

***

ಜಾಮೂನ್ ಪಕೋಡ

ಬೇಕಾಗುವ ಸಾಮಗ್ರಿಗಳು: ಜಾಮೂನ್‌ ಹಿಟ್ಟು – 1 ಕಪ್, ಈರುಳ್ಳಿ – 1 ದೊಡ್ಡದು, ಕೊತ್ತಂಬರಿಸೊಪ್ಪು – ಸ್ವಲ್ಪ, ಹಸಿಮೆಣಸಿನಕಾಯಿ–2 ಕತ್ತರಿಸಿದ್ದು, ಉಪ್ಪು – 1/4 ಚಮಚ, ಕರಿಯಲು ಎಣ್ಣೆ

ಜಾಮೂನ್ ಪಕೋಡ
ಜಾಮೂನ್ ಪಕೋಡ

ತಯಾರಿಸುವ ವಿಧಾನ: ಜಾಮೂನ್‌ ಹಿಟ್ಟಿಗೆ ಎಲ್ಲಾ ಪದಾರ್ಥಗಳನ್ನು ಸೇರಿಸಿ ಸ್ವಲ್ಪ ಸ್ವಲ್ಪ ನೀರು ಸೇರಿಸಿ ಹದವಾಗಿ ಕಲೆಸಿ. ಚಿಕ್ಕ ಉಂಡೆಗಳನ್ನು ಎಣ್ಣೆಯಲ್ಲಿ ಬಿಟ್ಟು ಸಣ್ಣ ಉರಿಯಲ್ಲಿ ಕರಿದರೆ ರುಚಿಯಾದ ಪಕೋಡ ಕ್ಷಣಮಾತ್ರದಲ್ಲಿ ಸಿದ್ಧವಾಗುತ್ತದೆ.

***

ಸಾಮೆ ಅಕ್ಕಿ ಅನಾನಸ್ ಸಿಹಿ ಬಾತ್

ಬೇಕಾಗುವ ಸಾಮಗ್ರಿಗಳು: ಸಾಮೆ ಅಕ್ಕಿ – 1/2 ಕಪ್, ಸಕ್ಕರೆ – ಒಂದು ಕಾಲು ಕಪ್, ಅನಾನಸ್ ಹಣ್ಣಿನ ತಿರುಳು – 1/4 ಕಪ್, ತುಪ್ಪ – 4 ಚಮಚ, ಗೋಡಂಬಿ, ದ್ರಾಕ್ಷಿ ಸ್ವಲ್ಪ

ಸಾಮೆ ಅಕ್ಕಿ ಅನಾನಸ್ ಸಿಹಿ ಬಾತ್
ಸಾಮೆ ಅಕ್ಕಿ ಅನಾನಸ್ ಸಿಹಿ ಬಾತ್

ತಯಾರಿಸುವ ವಿಧಾನ: ಸಾಮೆ ಅಕ್ಕಿಗೆ ಒಂದು ಅಳತೆಗೆ ಎರಡು ಪಟ್ಟು ನೀರು ಸೇರಿಸಿ ಅನ್ನ ಮಾಡಿಕೊಳ್ಳಬೇಕು. ಸಕ್ಕರೆಗೆ ಸ್ವಲ್ಪ ನೀರು ಸೇರಿಸಿ, ಒಂದು ಕುದಿ ಬಂದು ನೊರೆ ಉಂಟಾದಾಗ ಸಾಮೆ ಅನ್ನ, ತುಪ್ಪ ಹಾಕಿ ಸರಿಯಾಗಿ ಕಲೆಸುತ್ತಾ ಇರಬೇಕು. ಮಿಶ್ರಣದಪ್ಪವಾಗುತ್ತಿದ್ದಂತೆ, ಅನಾನಸ್ ತಿರುಳು ಸೇರಿಸಿ ಸಣ್ಣ ಉರಿ ಇಟ್ಟು ಚೆನ್ನಾಗಿ ಕೈಯಾಡಿಸಿ, ಹುರಿದ ಗೋಡಂಬಿ, ದ್ರಾಕ್ಷಿ ಹಾಕಿದರೆ ಸಿಹಿ ಸಾಮೆ ಬಾತ್ ರೆಡಿ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT