ಸಿರಿಧಾನ್ಯ ಪ್ರಿಯೆ ಮಿಲನಾ

7

ಸಿರಿಧಾನ್ಯ ಪ್ರಿಯೆ ಮಿಲನಾ

Published:
Updated:

ಅಡುಗೆ ಮಾಡುವುದೆಂದರೆ ಇಷ್ಟ. ಸಿನಿಮಾ ಕ್ಷೇತ್ರದಲ್ಲಿ ತೊಡಗಿಸಿಕೊಂಡ ಮೇಲೆ ಅಡುಗೆ ಮಾಡಲು ಸಮಯ ಸಿಗುತ್ತಿಲ್ಲ. ಅಮ್ಮ ಅಡುಗೆ ಮಾಡುತ್ತಾರೆ. ಆದರೆ ಮನೆಯಲ್ಲಿ ಇದ್ದ ದಿನ ನನ್ನ ದಿನನಿತ್ಯದ ಅಡುಗೆಯನ್ನು ನಾನೇ ಮಾಡಿಕೊಳ್ಳುತ್ತೇನೆ. ಪ್ರತಿದಿನದ ಆಹಾರ ಪದ್ದತಿಯಲ್ಲಿ ಸಿರಿಧಾನ್ಯ, ಹಣ್ಣುಗಳು ಹಾಗೂ ಚಿಕನ್‌ ಇದ್ದೇ ಇರುತ್ತದೆ. 

ನಾನು ಮಾಡಿದ ಮೊದಲ ಅಡುಗೆ ನನಗೆ ಈಗಲೂ ನೆನಪಿದೆ. ನನ್ನ ಕಾಲೇಜು ದಿನಗಳಲ್ಲಿ ಹಾಸ್ಟೆಲ್‌ನಲ್ಲಿ ಇದ್ದ ನಾನು ಅನಂತರ ಸ್ನೇಹಿತೆಯರೊಟ್ಟಿಗೆ ಸೇರಿ ಒಂದು ಮನೆ ಮಾಡಿದ್ದೇವು. ಅಲ್ಲಿ ಮೊಟ್ಟ ಮೊದಲ ಬಾರಿಗೆ ನನ್ನ ಅಡುಗೆ ಪ್ರಯೋಗವಾಯಿತು. ಅಡುಗೆ ಮನೆ ಅಷ್ಟಾಗಿ ಪರಿಚಯವಿಲ್ಲದ ನಾನು ಬೇಳೆ ಸಾಂಬರ್‌ ಮಾಡಲು ಹೊರಟೆ. ಬೇಳೆ ಸಾಂಬರ್‌ ಅಂದ್ರೆ ಏನಿರತ್ತೆ ಬೇಳೆ ಹಾಕಿ ಸಾಂಬರ್ ಮಾಡುವುದಷ್ಟೆ ಎಂದು ಕೊಂಡಿದ್ದ ನಾನು ತೊಗರಿ ಬೇಳೆಯ ಬದಲು ಕಡಲೆಬೇಳೆಯನ್ನು ಬೇಯಿಸಲು ಇಟ್ಟೆ. ಒಂದೆರಡು ಗಂಟೆಯಾದರೂ ಬೇಳೆ ಬೆಂದೇ ಇಲ್ಲ. ಆನಂತರವೇ ತಿಳಿದಿದ್ದು ನನಗೆ ತೊಗರಿಬೇಳೆಯ ಬದಲು ಕಡಲೇಬೇಳೆ ಬಳಸಿದ್ದೇನೆ ಎಂದು. ಅಯ್ಯೊ ಆಮೇಲೆ ಹೇಗೋ ಮಾಡಿ ಅರ್ಧಂಬರ್ಧ ಬೆಂದ ಕಡಲೇಬೇಳೆಯ ಸಾಂಬರ್ ಅನ್ನು ಊಟ ಮಾಡಿದೆವು. ಹೀಗೆ ಮೊದಲ ಅಡುಗೆಯ ಪಜೀತಿ ನೆನಪು ಮರೆಯಲು ಸಾಧ್ಯವೇ ಇಲ್ಲ.

ನಾನು ಮನೆ ಊಟ ಪ್ರಿಯಳು. ಚಿತ್ರೀಕರಣ ಸಮಯದಲ್ಲಿ ಮನೆ ಊಟ ಸಿಗಲ್ಲ. ಆದರೆ ಮನೆಯಲ್ಲಿದ್ದಾಗ ಮನೆ ಊಟವನ್ನು ಕಳೆದುಕೊಳ್ಳುವುದಿಲ್ಲ. ಅಮ್ಮ ಮಾಡಿದ ಕೈರುಚಿ ತಿಂದು ಬೆಳೆದ ನನಗೆ ಅವರು ತಯಾರಿಸುವ ಎಲ್ಲಾ ಖಾದ್ಯಗಳನ್ನು ಆಸ್ವಾದಿಸುತ್ತೇನೆ. ಅವರು ಮಾಡುವ ತರಹೇವಾರಿ ಚಿಕನ್‌ ಖಾದ್ಯ ಬಲು ಇಷ್ಟ. ನಾನು ಆಗಾಗ ಇಷ್ಟಪಟ್ಟು ಮಾಡುವ ಅಡುಗೆಯಲ್ಲಿ  ಮೊದಲ ಆದ್ಯತೆ ಘೀ ರೈಸ್‌ ಮತ್ತು ಚಿಕನ್‌ ಗ್ರೇವಿ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !