3

ಆದಿತ್ಯಗೆ ಗೂಗಲ್‌ನಲ್ಲಿ ₹1.2 ಕೋಟಿ ಸಂಬಳ!

Published:
Updated:
ಆದಿತ್ಯ

ಬೆಂಗಳೂರು: ಬೆಂಗಳೂರಿನ ಅಂತರರಾಷ್ಟ್ರೀಯ ಮಾಹಿತಿ ತಂತ್ರಜ್ಞಾನ ಸಂಸ್ಥೆಯ (ಐಐಐಟಿ- ಬಿ) ವಿದ್ಯಾರ್ಥಿ ಆದಿತ್ಯ ಪಳಿವಾಲ್‌ ಗೂಗಲ್‌ನಲ್ಲಿ ಕೆಲಸ ಗಿಟ್ಟಿಸಿಕೊಂಡಿದ್ದು, ತಿಂಗಳಿಗೆ ₹10 ಲಕ್ಷ ಸಂಬಳ ಪಡೆಯಲಿದ್ದಾರೆ!

ಸಂಯೋಜಿತ ಎಂ.ಟೆಕ್‌ ವಿದ್ಯಾರ್ಥಿಯಾಗಿರುವ ಆದಿತ್ಯ, ಗೂಗಲ್‌ನ ನ್ಯೂಯಾರ್ಕ್‌ ಕಚೇರಿಯಲ್ಲಿರುವ ಕೃತಕ ಬುದ್ಧಿಮತ್ತೆ ಸಂಶೋಧನಾ ವಿಭಾಗದಲ್ಲಿ ಉದ್ಯೋಗಕ್ಕೆ ಆಯ್ಕೆಯಾಗಿದ್ದಾರೆ. ಜುಲೈ 16ರಂದು ಕೆಲಸ ಪ್ರಾರಂಭಿಸಲಿದ್ದಾರೆ. 

ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನ ಸಂಶೋಧನಾ ವಿಭಾಗಕ್ಕೆ ವಿದ್ಯಾರ್ಥಿಯ ಹುಡುಕಾಟ ನಡೆಸಿದ್ದ ಗೂಗಲ್ ಕಂಪನಿ ಅದಕ್ಕಾಗಿ ಪರೀಕ್ಷೆ
ನಡೆಸಿತ್ತು. ಇದಕ್ಕೆ ವಿಶ್ವದಾದ್ಯಂತ 6,000 ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಇದರಲ್ಲಿ 50 ಮಂದಿ ಆಯ್ಕೆಯಾಗಿದ್ದು, ಅದರಲ್ಲಿ ಆದಿತ್ಯ ಕೂಡ ಒಬ್ಬರಾಗಿದ್ದಾರೆ. ‘ಪರೀಕ್ಷೆ ಬರೆದ ನಂತರ ಗೂಗಲ್‌ನ ಕರೆಗಾಗಿ ಕಾಯುತ್ತಿದ್ದೆ. ಮಾರ್ಚ್‌ನಲ್ಲಿ ಆಯ್ಕೆಯ ಬಗ್ಗೆ ಮಾಹಿತಿ ಬಂತು’ ಎಂದು ಆದಿತ್ಯ ಐಐಐಟಿ–ಬಿ ಘಟಿಕೋತ್ಸವದಲ್ಲಿ ಸಂತಸ ಹಂಚಿಕೊಂಡರು.

ಮುಂಬೈನವರಾದ ಆದಿತ್ಯ, ಐದು ವರ್ಷಗಳಿಂದ ನಗರದಲ್ಲಿ ಶಿಕ್ಷಣ ಪಡೆಯುತ್ತಿದ್ದಾರೆ. 2017-18ನೇ ಸಾಲಿನಲ್ಲಿ ಅಂತರರಾಷ್ಟ್ರೀಯ ಕೊಲಿಜಿಯೇಟ್ ಪ್ರೋಗ್ರಾಮಿಂಗ್ ಸ್ಪರ್ಧೆಯ (ಐಸಿಪಿಸಿ) ಅಂತಿಮ ಹಂತದ ಸ್ಪರ್ಧೆಯಲ್ಲಿ ಆದಿತ್ಯ ಸಹ ಒಬ್ಬರಾಗಿದ್ದರು.

Tags: 

ಬರಹ ಇಷ್ಟವಾಯಿತೆ?

  • 38

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !