ಭಾನುವಾರ, ಜುಲೈ 3, 2022
23 °C

ದಿನವೂ ಪುಷಪ್ಸ್‌ ಮಾಡಿ ನೋಡ್ರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪುಷಪ್ಸ್‌ನಿಂದ ದೇಹ ಹಾಗೂ ಮನಸ್ಸು ಎರಡರ ಆರೋಗ್ಯಕ್ಕೂ ಉತ್ತಮ. ದಿನಾ ಇದನ್ನು ಮಾಡುವುದರಿಂದ ಸ್ನಾಯುಗಳು ಬಲಿಷ್ಠಗೊಳ್ಳುವುದಲ್ಲದೇ, ಆಕರ್ಷಕ ದೇಹ ಪಡೆಯಬಹುದು. ನಿಯಮಿತವಾಗಿ ಈ ವ್ಯಾಯಾಮ ಮಾಡುವುದರಿಂದ ಮನಸ್ಸು ಉಲ್ಲಾಸಿತವಾಗುತ್ತದೆ. ದೇಹದ ಎಲ್ಲಾ ಭಾಗಕ್ಕೆ ಅಗತ್ಯ ವ್ಯಾಯಾಮವನ್ನು ಇದು ಒದಗಿಸುತ್ತದೆ. ಈ ವ್ಯಾಯಾಮವನ್ನು ಅಭ್ಯಾಸಬಲದಿಂದ ಕಲಿತುಕೊಳ್ಳಬಹುದು. ಈ ಪುಷಪ್ಸ್‌ನಿಂದ ಏನೇನು ಲಾಭಗಳಿವೆ ಗೊತ್ತಾ?

ಬಳುಕುವ ದೇಹಸಿರಿ
ಪುಷಪ್ ಮಾಡುವಾಗ ದೇಹ ಬಗ್ಗಿಸಿದಾಗ ಬೆನ್ನಿನ ಸ್ನಾಯುಗಳು ಹಿಗ್ಗುತ್ತವೆ. ದೇಹ ಮೇಲಕ್ಕೆ ಏರಿದಾಗ ರಟ್ಟೆಯ ಸ್ನಾಯುಗಳು ಹಿಗ್ಗುತ್ತವೆ. ಹೀಗೆ ದಿನಾ ಅಭ್ಯಾಸ ಮಾಡುವುದರಿಂದ ಸ್ನಾಯುಗಳು ಗಟ್ಟಿಯಾಗಿ ದೇಹ ಬಳುಕುವಂತಾಗುತ್ತದೆ. ಇದರಿಂದ ಸ್ನಾಯುಸೆಳೆತ, ನೋವು ಕಾಣಿಸಿಕೊಳ್ಳುವುದು ಕಡಿಮೆಯಾಗುತ್ತದೆ. 

ರಕ್ತ ಪರಿಚಲನೆ ಸರಾಗ
ಪುಷಪ್ ಮಾಡುವಾಗ ಒಂದೇ ಬಾರಿಗೆ ದೇಹದಲ್ಲಿ ಹಲವು ಸ್ನಾಯುಗಳು ಕೆಲಸ ಪಡೆಯುತ್ತವೆ. ಸ್ನಾಯುಗಳ ಮೇಲೆ ಬಲ ಬೀಳುವುದರಿಂದ ಹೃದಯ ಹೆಚ್ಚು ರಕ್ತವನ್ನು ಪೂರೈಕೆ ಮಾಡುತ್ತದೆ. ಇದರಿಂದ ಹೃದಯದಲ್ಲಿ ರಕ್ತ ಪರಿಚಲನೆ ಸರಾಗವಾಗುತ್ತದೆ. ಹೃದಯದ ನಾಳಗಳಲ್ಲಿ ಕೊಬ್ಬುಗಳು ಶೇಖರವಾಗುವುದಿಲ್ಲ. 

ಸುಂದರ ಅಂಗಸೌಷ್ಠವ
ಕಚೇರಿಯಲ್ಲಿ ಕುಳಿತೇ ಅಥವಾ ಕಂಪ್ಯೂಟರ್‌ ಮುಂದೆ ಹೆಚ್ಚು ಕುಳಿತುಕೊಳ್ಳುವುದರಿಂದ ದೇಹ ತೂಕ ಹೆಚ್ಚಾಗುತ್ತದೆ. ಆದರೆ ಪುಷಪ್‌ನಿಂದ ದೇಹ ಬೇಗ ತೂಕ ಕಳೆದುಕೊಳ್ಳುತ್ತದೆ. ಇದರಿಂದ ಸುಂದರ ಅಂಗಸೌಷ್ಠವ ಸಿಗುತ್ತದೆ. 

ಕ್ಯಾಲೊರಿಯನ್ನು ಕಳೆದುಕೊಳ್ಳಬಹುದು
ಪುಷಪ್‌ ಮಾಡಲು ಹೆಚ್ಚು ಶಕ್ತಿ ಬೇಡುತ್ತದೆ. ಆಗ ತನ್ನಿಂತಾನೇ ದೇಹದಲ್ಲಿ ಹೆಚ್ಚಿಗೆ ಸಂಗ್ರಹವಾಗಿರುವ  ಕ್ಯಾಲೋರಿ ಕರಗುತ್ತದೆ. ಬೇರೆ ಯಾವುದೇ ವ್ಯಾಯಾಮಕ್ಕೆ ಹೋಲಿಸಿದರೆ, ಪುಶ್‌ಅಪ್‌ ಮಾಡುವುದರಿಂದ ಕ್ಯಾಲೊರಿ ಕರಗಿ ದೇಹದ ತೂಕ ಬೇಗ ಕಡಿಮೆಯಾಗುತ್ತದೆ

ಮೂಳೆಗಡಸು ರೋಗದ ಅಪಾಯ ಕಡಿಮೆ
ಮೂಳೆಗಡಸುರೋಗ ವಯಸ್ಸಾದಾಗ ಕಾಣಿಸಿಕೊಳ್ಳುತ್ತದೆ. ಆದರೆ ಆರೋಗ್ಯಕರ ಡಯೆಟ್‌ ಹಾಗೂ  ಪುಷಪ್‌ನಂತಹ ವ್ಯಾಯಾಮಗಳಿಂದ  ಇದನ್ನು ತಪ್ಪಿಸಬಹುದು. ವ್ಯಾಯಾಮ ಮೂಳೆಗಳ ಶಕ್ತಿಯನ್ನು ಹೆಚ್ಚು ಮಾಡಿ, ಇಂತಹ ಕೆಲ ರೋಗಗಳನ್ನು ದೂರ ಇಡಬಲ್ಲದು.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು