<p><strong>ನ್ಯೂಯಾರ್ಕ್:</strong> ಜಗತ್ತಿನ ಪ್ರತಿಷ್ಟಿತ ಫ್ಯಾಷನ್ ಶೋ ಮೆಟ್ ಗಾಲಾದಲ್ಲಿ (Met Gala) ಭಾಗಿಯಾಗಿದ್ದ ಇಶಾ ಅಂಬಾನಿ ವಿಶಿಷ್ಟವಾದ ಉಡುಪು ಧರಿಸಿ ಮಿಂಚಿದ್ದಾರೆ.</p><p>ನ್ಯೂಯಾರ್ಕ್ ನಗರದ ಮೆಟ್ರೋಪಾಲಿಟನ್ ಮ್ಯೂಸಿಯಂ ಆಫ್ ಆರ್ಟ್ನಲ್ಲಿ ಪ್ರತಿ ವರ್ಷ ಮೇ ಮೊದಲ ಸೋಮವಾರದಿಂದ ಈ ಮೆಟ್ ಗಾಲಾ ಫ್ಯಾಶನ್ ಶೋ ಆರಂಭವಾಗುತ್ತದೆ.</p><p>ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಪುತ್ರಿ ಇಶಾ ಉಡುಪನ್ನು ಭಾರತದ ಖ್ಯಾತ ಫ್ಯಾಷನ್ ಡಿಸೈನರ್ ಗೌರವ್ ಗುಪ್ತಾ ವಿನ್ಯಾಸಗೊಳಿಸಿದ್ದಾರೆ.</p><p>ಉಡುಪಿನಲ್ಲಿ 1,800 ಕ್ಯಾರೆಟ್ಗಳಿಗೂ ಹೆಚ್ಚು ವಜ್ರಗಳ ಜೊತೆಗೆ ಪಚ್ಚೆ ಹರಳು, ಪೋಲ್ಕಿ ಮತ್ತು ಕುಂದನ್ ಅನ್ನು ಬಳಸಲಾಗಿದೆ. ಇವುಗಳನ್ನು ಕೈಯಿಂದ ನೇಯ್ದ ಚಿನ್ನದ ನೂಲಿನ ಟಿಶ್ಯೂ ಸೀರೆಗೆ ಜೋಡಿಸುವ ಮೂಲಕ ವಿನ್ಯಾಸಗೊಳಿಸಲಾಗಿದೆ. </p><p>ಸೀರೆಯ ಬಾರ್ಡರ್ನಲ್ಲಿ ಪಿಚ್ವಾಯಿ ಪೇಂಟಿಂಗ್ ಮಾಡಲಾಗಿದ್ದು, ಅಜಂತಾ ಗುಹೆಗಳ ಕಲಾಕೃತಿಗಳು ಮತ್ತು ಭಾರತೀಯ ನಿಸರ್ಗದ ಚಿತ್ರಣವನ್ನು ನೀಡಲಾಗಿದೆ. ಉಡುಪಿಗೆ ಬಳಸಿರುವ ಸಾವಿರಕ್ಕೂ ಹೆಚ್ಚು ವಜ್ರಗಳು ನೀತಾ ಅಂಬಾನಿ ಅವರ ಸಂಗ್ರಹದ್ದೇ ಎನ್ನುತ್ತಿವೆ ವರದಿಗಳು. </p><p>ಕೈಯಲ್ಲಿ ಮಾವು, ತಲೆಗೆ ಮಲ್ಲಿಗೆ ಹೂವು, ಚಿನ್ನದ ಸೀರೆ, ವಜ್ರದ ರವಿಕೆ ಇಶಾ ಅಂಬಾನಿ ಅವರ ಸೌಂದರ್ಯವನ್ನು ಇಮ್ಮಡಿಗೊಳಿಸಿತ್ತು.</p>.<p>ಮೂಲಗಳ ಪ್ರಕಾರ ಈ ಉಡುಪು ತಯಾರಿಸಲು 50ಕ್ಕೂ ಹೆಚ್ಚು ವಿನ್ಯಾಸಕಾರರು 1,200 ಗಂಟೆಗೂ ಹೆಚ್ಚು ಸಮಯ ವ್ಯಯಿಸಿದ್ದಾರೆ. </p><p>ಸೋಮವಾರ (ಮೇ 4) ಮೆಟ್ ಗಾಲಾ ಕಾರ್ಯಕ್ರಮವಾಗಿದೆ. 'ವೋಗ್' ನಿಯತಕಾಲಿಕೆಯ ಸಂಪಾದಕಿ ಅನ್ನಾ ವಿಂಟರ್ ಇದರ ನೇತೃತ್ವವಹಿಸಿದ್ದಾರೆ. 2026ರ ಮೆಟ್ ಗಾಲಾ ಕೇವಲ ಫ್ಯಾಷನ್ ಮಾತ್ರವಲ್ಲದೆ, ಕಲೆ ಮತ್ತು ತಂತ್ರಜ್ಞಾನದ ಸಂಗಮವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್:</strong> ಜಗತ್ತಿನ ಪ್ರತಿಷ್ಟಿತ ಫ್ಯಾಷನ್ ಶೋ ಮೆಟ್ ಗಾಲಾದಲ್ಲಿ (Met Gala) ಭಾಗಿಯಾಗಿದ್ದ ಇಶಾ ಅಂಬಾನಿ ವಿಶಿಷ್ಟವಾದ ಉಡುಪು ಧರಿಸಿ ಮಿಂಚಿದ್ದಾರೆ.</p><p>ನ್ಯೂಯಾರ್ಕ್ ನಗರದ ಮೆಟ್ರೋಪಾಲಿಟನ್ ಮ್ಯೂಸಿಯಂ ಆಫ್ ಆರ್ಟ್ನಲ್ಲಿ ಪ್ರತಿ ವರ್ಷ ಮೇ ಮೊದಲ ಸೋಮವಾರದಿಂದ ಈ ಮೆಟ್ ಗಾಲಾ ಫ್ಯಾಶನ್ ಶೋ ಆರಂಭವಾಗುತ್ತದೆ.</p><p>ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಪುತ್ರಿ ಇಶಾ ಉಡುಪನ್ನು ಭಾರತದ ಖ್ಯಾತ ಫ್ಯಾಷನ್ ಡಿಸೈನರ್ ಗೌರವ್ ಗುಪ್ತಾ ವಿನ್ಯಾಸಗೊಳಿಸಿದ್ದಾರೆ.</p><p>ಉಡುಪಿನಲ್ಲಿ 1,800 ಕ್ಯಾರೆಟ್ಗಳಿಗೂ ಹೆಚ್ಚು ವಜ್ರಗಳ ಜೊತೆಗೆ ಪಚ್ಚೆ ಹರಳು, ಪೋಲ್ಕಿ ಮತ್ತು ಕುಂದನ್ ಅನ್ನು ಬಳಸಲಾಗಿದೆ. ಇವುಗಳನ್ನು ಕೈಯಿಂದ ನೇಯ್ದ ಚಿನ್ನದ ನೂಲಿನ ಟಿಶ್ಯೂ ಸೀರೆಗೆ ಜೋಡಿಸುವ ಮೂಲಕ ವಿನ್ಯಾಸಗೊಳಿಸಲಾಗಿದೆ. </p><p>ಸೀರೆಯ ಬಾರ್ಡರ್ನಲ್ಲಿ ಪಿಚ್ವಾಯಿ ಪೇಂಟಿಂಗ್ ಮಾಡಲಾಗಿದ್ದು, ಅಜಂತಾ ಗುಹೆಗಳ ಕಲಾಕೃತಿಗಳು ಮತ್ತು ಭಾರತೀಯ ನಿಸರ್ಗದ ಚಿತ್ರಣವನ್ನು ನೀಡಲಾಗಿದೆ. ಉಡುಪಿಗೆ ಬಳಸಿರುವ ಸಾವಿರಕ್ಕೂ ಹೆಚ್ಚು ವಜ್ರಗಳು ನೀತಾ ಅಂಬಾನಿ ಅವರ ಸಂಗ್ರಹದ್ದೇ ಎನ್ನುತ್ತಿವೆ ವರದಿಗಳು. </p><p>ಕೈಯಲ್ಲಿ ಮಾವು, ತಲೆಗೆ ಮಲ್ಲಿಗೆ ಹೂವು, ಚಿನ್ನದ ಸೀರೆ, ವಜ್ರದ ರವಿಕೆ ಇಶಾ ಅಂಬಾನಿ ಅವರ ಸೌಂದರ್ಯವನ್ನು ಇಮ್ಮಡಿಗೊಳಿಸಿತ್ತು.</p>.<p>ಮೂಲಗಳ ಪ್ರಕಾರ ಈ ಉಡುಪು ತಯಾರಿಸಲು 50ಕ್ಕೂ ಹೆಚ್ಚು ವಿನ್ಯಾಸಕಾರರು 1,200 ಗಂಟೆಗೂ ಹೆಚ್ಚು ಸಮಯ ವ್ಯಯಿಸಿದ್ದಾರೆ. </p><p>ಸೋಮವಾರ (ಮೇ 4) ಮೆಟ್ ಗಾಲಾ ಕಾರ್ಯಕ್ರಮವಾಗಿದೆ. 'ವೋಗ್' ನಿಯತಕಾಲಿಕೆಯ ಸಂಪಾದಕಿ ಅನ್ನಾ ವಿಂಟರ್ ಇದರ ನೇತೃತ್ವವಹಿಸಿದ್ದಾರೆ. 2026ರ ಮೆಟ್ ಗಾಲಾ ಕೇವಲ ಫ್ಯಾಷನ್ ಮಾತ್ರವಲ್ಲದೆ, ಕಲೆ ಮತ್ತು ತಂತ್ರಜ್ಞಾನದ ಸಂಗಮವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
