ಮಂಗಳವಾರ, ಏಪ್ರಿಲ್ 13, 2021
23 °C

ಏನಿದು ಕೋವಿಡ್ ನಾಲಿಗೆ?

ಡಾ. ಸ್ಮಿತಾ ಜೆ ಡಿ Updated:

ಅಕ್ಷರ ಗಾತ್ರ : | |

DH File

ಕೋವಿಡ್-19 ಮಹಾಮಾರಿ, ಪ್ರಪಂಚಕ್ಕೆ ಲಗ್ಗೆ ಇಟ್ಟು ಒಂದು ವರ್ಷ ಕಳೆದರೂ ಈ ವೈರಾಣುವಿನ ಬಗ್ಗೆ ಅದರ ಗುಣಲಕ್ಷಣಗಳ ಬಗ್ಗೆ ಅನೇಕ ಅಧ್ಯಯನಗಳು ನಡೆಯುತ್ತಿದ್ದರೂ ಸಂಪೂರ್ಣ ಮಾಹಿತಿ ಲಭ್ಯವಿಲ್ಲ.

ದಿನದಿಂದ ದಿನಕ್ಕೆ ಹೊಸ ತಿರುವುಗಳೊಂದಿಗೆ ಮಾರ್ಪಾಡುಗಳೊಂದಿಗೆ ಹೊರಹೊಮ್ಮುತ್ತಿದೆ. ಕಿಂಗ್ಸ್ ಕಾಲೇಜ್ ಲಂಡನ್‌ನ ಅಧ್ಯಯನದ ಪ್ರಕಾರ ಕೋವಿಡ್-19ರ ಮುನ್ಸೂಚನೆಯ ಚಿಹ್ನೆಗಳಲ್ಲಿ ಒಂದು ಕೋವಿಡ್- ನಾಲಿಗೆ (COVID TONGUE) ಐದು ಜನ ಕೋವಿಡ್ ಸೋಂಕಿತ ವ್ಯಕ್ತಿಗಳಲ್ಲಿ ಒಬ್ಬರಿಗೆ ಈ ಚಿಹ್ನೆಯನ್ನು ಅಂದರೆ ಕೋವಿಡ್ ನಾಲಿಗೆಯನ್ನು ನೋಡಬಹುದಾಗಿದೆ.

ಏನಿದು ಕೋವಿಡ್ ನಾಲಿಗೆ?:

ನಾಲಿಗೆ  ಮೇಲೆಲ್ಲ ಲೇಪನ ಅಥವಾ ಪ್ಯಾಚ್‌ಗಳು ಕಾಣಿಸಿಕೊಳ್ಳುವುದು.

ಬೇರೆ ಗುಣಲಕ್ಷಣಗಳಾದ ಶೀತ, ಕೆಮ್ಮು, ಜ್ವರ ಅಥವಾ ಫ್ಲೂನಂತಹ ಲಕ್ಷಣಗಳೊಟ್ಟಿಗೆ ನಾಲಿಗೆಯ ಮೇಲೆ ಪ್ಯಾಚ್ ಕಂಡುಬಂದಲ್ಲಿ ಕೋವಿಡ್-19 ಪರೀಕ್ಷೆಗೆ ಒಳಪಡುವುದು ಅವಶ್ಯಕ.

ಕೆಲವರಲ್ಲಿ ಕೆಲವು ದಿನಗಳಲ್ಲಿ ಈ ಪ್ಯಾಚ್ ತನ್ನಿಂದ ತಾನೇ ಮಾಯವಾಗಬಹುದಾಗಿದ್ದು ಇನ್ನು ಕೆಲವರಲ್ಲಿ ತೀವ್ರತೆಗೆ ಹೋಗಬಹುದಾಗಿದೆ.

ಇದಲ್ಲದೆ ಕೆಲವರಲ್ಲಿ ಬಾಯಿಯ ಹುಣ್ಣುಗಳೂ ಸಹ ಕಾಣಿಸಿಕೊಳ್ಳಬಹುದಾಗಿದೆ.

ಈ ಸಮಯದಲ್ಲಿ ವ್ಯಕ್ತಿಗೆ ಆಹಾರದ ಪರಿಮಳ ಹಾಗೂ ರುಚಿಯನ್ನು ಸವಿಯಲು ಸಾಧ್ಯವಾಗುವುದಿಲ್ಲ.

ಕೋವಿಡ್ –19 ಗುಣಲಕ್ಷಣಗಳಾದ ಶೀತ, ಕೆಮ್ಮು, ಜ್ವರ, ಚರ್ಮದ ತುರಿಕೆ ಮುಂತಾದ ಗುಣಲಕ್ಷಣಗಳೊಂದಿಗೆ ನಾಲಿಗೆಯ ಮೇಲೆ ಲೇಪನ, ಹುಣ್ಣು, ಪ್ಯಾಚ್ ಕಂಡುಬಂದಲ್ಲಿ ಪರೀಕ್ಷೆಗೆ ಒಳಪಡುವುದು ಅವಶ್ಯಕ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು, ಮುಖಗವಸು ಧರಿಸುವುದು, ಕೈಗಳ ಸ್ವಚ್ಛತೆ ಕಾಪಾಡಿಕೊಳ್ಳುವುದು ಅತ್ಯವಶ್ಯಕ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು