ಗುರುವಾರ , ಏಪ್ರಿಲ್ 15, 2021
24 °C

ದೈಹಿಕ ಕ್ಷಮತೆ ಹೆಚ್ಚಳಕ್ಕೆ ದೊಣ್ಣೆ ಮೆಣಸು, ಸಿಂಪಿ

ಮನಸ್ವಿ Updated:

ಅಕ್ಷರ ಗಾತ್ರ : | |

Prajavani

ಕೋವಿಡ್–19 ಬಂದಾಗಿನಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವ ಬಗ್ಗೆ ಜನರು ಹೆಚ್ಚು ತಲೆ ಕೆಡಿಸಿಕೊಂಡಿದ್ದಾರೆ. ಯೋಗ, ವ್ಯಾಯಾಮದಿಂದ ದೇಹವನ್ನ ಕಾಪಾಡಿಕೊಳ್ಳುವ ಜೊತೆಗೆ ಆಹಾರದಲ್ಲೂ ಕಟ್ಟುನಿಟ್ಟು ಪಥ್ಯವನ್ನು ಪಾಲಿಸುತ್ತಿದ್ದಾರೆ. ದೇಹದಲ್ಲಿ ರೋಗ ನಿರೋಧಕಶಕ್ತಿಯನ್ನು ಹೆಚ್ಚಿಸುವ ಆಹಾರ ಪದಾರ್ಥಗಳ ಸೇವನೆ ಹೆಚ್ಚಿದೆ. ಅಂತಹ ಆಹಾರ ಪದಾರ್ಥಗಳು ದೇಹವನ್ನು ಕಾಯಿಲೆಗಳಿಂದ ರಕ್ಷಿಸುತ್ತವೆ. ಎಲ್ಲ ಕಾಲಕ್ಕೂ ಸಲ್ಲುವ, ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚಿಸುವ ಕೆಲವು ಆಹಾರ ಪದಾರ್ಥಗಳು ಇಲ್ಲಿವೆ.

ಕೆಂಪು ದೊಣ್ಣೆ ಮೆಣಸು: ಪಲ್ಯ, ಬೋಂಡಾ–ಬಜ್ಜಿಯಂತಹ ಖಾದ್ಯ ತಯಾರಿಸಲು ದೊಣ್ಣೆಮೆಣಸು ಬಳಸುವುದು ಸಾಮಾನ್ಯ. ಆದರೆ ಆದಷ್ಟು ಹೆಚ್ಚು ಕೆಂಪುದೊಣ್ಣೆ ಮೆಣಸನ್ನು ಬಳಸಬೇಕು. ಇದರಿಂದ ಆರೋಗ್ಯ ಸಮಸ್ಯೆಗಳಿಂದ ದೂರ ಇರಬಹುದು. ಇದರಲ್ಲಿರುವ ವಿಟಮಿನ್ ಸಿ ಅಂಶ ದೇಹದಲ್ಲಿ ಪ್ರತಿರಕ್ಷಣಾ ವ್ಯವಸ್ಥೆ ಹೆಚ್ಚುವಂತೆ ಮಾಡುತ್ತದೆ. ಅಲ್ಲದೇ ಶೀತ, ಜ್ವರದಂತಹ ಸಾಮಾನ್ಯ ರೋಗ ಬಾರದಂತೆ ತಡೆಯುತ್ತದೆ.

ಗ್ರೀನ್ ಟೀ ಸೇವನೆ: ಈ ಕಾಲದಲ್ಲಿ ಕಾಫಿ, ಟೀ ಸೇವನೆಗಿಂತ ಗ್ರೀನ್ ಟೀ ಸೇವನೆ ಬಹಳ ಉತ್ತಮ. ಇದು ದೇಹವು ಕಾಯಿಲೆಗಳ ವಿರುದ್ಧ ಹೋರಾಡಲು ನೆರವಾಗುತ್ತದೆ. ಇದರಲ್ಲಿ ಆ್ಯಂಟಿ ಆಕ್ಸಿಡೆಂಟ್ ಅಂಶ ಹೆಚ್ಚಿದ್ದು ದೇಹದಲ್ಲಿನ ಕೆಟ್ಟ ಕೊಬ್ಬಿನಂಶದ ಸಂಗ್ರಹಣೆಯನ್ನು ನಿಯಂತ್ರಿಸುತ್ತದೆ. ಇದರಲ್ಲಿ ಸ್ವಲ್ಪ ಪ್ರಮಾಣದ ಕೆಫಿನ್ ಅಂಶವಿದ್ದು ಇದು ದೇಹವನ್ನು ಆವರಿಸುವ ಆಲಸ್ಯವನ್ನು ದೂರ ಮಾಡುತ್ತದೆ.

ಸೋಂಪು ಸೇವಿಸಿ: ಸೋಂಪಿ (ಫೆನೆಲ್)ನಲ್ಲಿ ವಿಟಮಿನ್ ಸಿ ಅಂಶ ಅಧಿಕವಾಗಿದೆ. ಅಲ್ಲದೇ ದೇಹಕ್ಕೆ ಅವಶ್ಯಕವಾಗುವ ಖನಿಜಾಂಶಗಳಾದ ಪೊಟ್ಯಾಷಿಯಂ, ಕಬ್ಬಿಣಾಂಶ, ಕ್ಯಾಲ್ಸಿಯಂ, ಜಿಂಕ್‌, ಸತು, ಸಿಲೆನಿಯಂ ಅಂಶಗಳು ಹೆಚ್ಚಿರುತ್ತವೆ. ಇದರ ಸೇವನೆಯಿಂದ ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚುವುದಲ್ಲದೇ ಸೋಂಕು ಉಂಟಾಗುವುದನ್ನು ತಪ್ಪಿಸಬಹುದು.

ಚಿಪ್ಪಿನೊಳಗಿನ ಆಹಾರ: ಸಿಂಪಿ ಅಥವಾ ಕಪ್ಪೆಚಿಪ್ಪು ಸೇವನೆ ತುಂಬಾ ಉತ್ತಮ. ಇದರಲ್ಲಿರುವ ವಿಟಮಿನ್ ಸಿ ಹಾಗೂ ಇ ಅಂಶ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚುವಂತೆ ಮಾಡಿ ಕಾಯಿಲೆಗಳಿಂದ ದೇಹವನ್ನು ರಕ್ಷಿಸುತ್ತದೆ.

ಸಾಮನ್‌ ಮೀನು: ಮಾಂಸಾಹಾರಿಗಳು ಹೆಚ್ಚು ಇಷ್ಟಪಡುವ ಸಾಮನ್ ಮೀನನ್ನು ಸೇವಿಸುವುದು ಸೂಕ್ತ. ಇದು ದೇಹದಲ್ಲಿ ಟಿ–ಜೀವಕೋಶಗಳ ಸಂಖ್ಯೆಯನ್ನು ಹೆಚ್ಚಿಸಿ ರೋಗ ನಿರೋಧಕ ಶಕ್ತಿ ಹೆಚ್ಚುವಂತೆ ಮಾಡುತ್ತದೆ. ದೇಹದಲ್ಲಿ ಟಿ–ಜೀವಕೋಶಗಳ ಸಂಖ್ಯೆ ಅಧಿಕ ಇರುವವರಲ್ಲಿ ಕಾಯಿಲೆ ಕಡಿಮೆ ಎಂಬ ಮಾತಿದೆ. ಅಷ್ಟೇ ಅಲ್ಲದೇ ಇದರಲ್ಲಿ ವಿಟಮಿನ್ ಡಿ ಅಂಶ ಅಧಿಕವಿದೆ. ಅದರೊಂದಿಗೆ ಒಮೆಗಾ–3 ಕೊಬ್ಬಿನಂಶವು ಇದರಲ್ಲಿ ಹೆಚ್ಚಿರುತ್ತದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು