<p><strong>ನವದೆಹಲಿ:</strong> ಭಾರತ ಮೂಲದ ಬೋಧನ ಶಿವಾನಂದನ್, ಕೇವಲ 11 ವರ್ಷಕ್ಕೆ ಇಂಗ್ಲೆಂಡ್ನ ನಂ.1 ಮಹಿಳಾ ಚೆಸ್ ಆಟಗಾರ್ತಿಯಾಗಿದ್ದಾರೆ. </p><p>ಅಂತರರಾಷ್ಟ್ರೀಯ ಚೆಸ್ ಫೆಡರೇಷನ್(ಫಿಡೆ) ಇತ್ತೀಚೆಗೆ ಬಿಡುಗಡೆ ಮಾಡಿದ ಪಟ್ಟಿಯಲ್ಲಿ ಅವರು 2366 ರೇಟಿಂಗ್ ಪಾಯಿಂಟ್ ಹೊಂದಿದ್ದಾರೆ. </p><p>ತಮಿಳುನಾಡಿನ ತಿರುಚಿರಾಪಳ್ಳಿ ಮೂಲದ ಅವರ ಪೋಷಕರು, 2007ರಲ್ಲಿ ಇಂಗ್ಲೆಂಡ್ಗೆ ತೆರಳಿದ್ದರು. ಉತ್ತರ ಲಂಡನ್ನ ಹ್ಯಾರೋ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿರುವ ಬೋಧನ ಶಿವಾನಂದನ್, 11ನೇ ವರ್ಷದಲ್ಲೇ 4 ಬಾರಿಯ ಬ್ರಿಟಿಷ್ ಮಹಿಳಾ ಚಾಂಪಿಯನ್ ಆಗಿರುವ 25 ವರ್ಷದ ಲ್ಯಾನ್ ಯಾವೋ ಅವರನ್ನು ಫಿಡೆ ರ್ಯಾಂಕಿಂಗ್ನಲ್ಲಿ ಹಿಂದಿಕ್ಕಿದ್ದಾರೆ. </p><p>ಈ ಮೂಲಕ ಇದೇ ಮೊದಲ ಬಾರಿಗೆ ವಿಶ್ವದ ಟಾಪ್–100 ಮಹಿಳಾ ಆಟಗಾರ್ತಿಯರ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದು, 72ನೇ ಸ್ಥಾನದಲ್ಲಿದ್ದಾರೆ. </p><p>ಕೋವಿಡ್ ಲಾಕ್ಡೌನ್ ಸಂದರ್ಭದಲ್ಲಿ ತಂದೆಯು ಚೆಸ್ ಬೋರ್ಡ್ ಬಿಸಾಡುವಾಗ, ಅದನ್ನು ತಡೆದು ಚೆಸ್ ಆಡಲು ಶುರು ಮಾಡಿದ್ದಾಗಿ ಬೋಧನ ಶಿವಾನಂದನ್ ಹೇಳಿಕೊಂಡಿದ್ದಾರೆ. ಅವರು ಕಳೆದ ವರ್ಷ ಮಹಿಳಾ ಅಂತರರಾಷ್ಟ್ರೀಯ ಮಾಸ್ಟರ್ ಆಗಿದ್ದರು. </p><p>ಬೋಧನ ಶಿವಾನಂದನ್ ಅವರ ಸಾಧನೆಗೆ ಬ್ರಿಟನ್ ಮಾಜಿ ಪ್ರಧಾನಿ ರಿಷಿ ಸುನಕ್ ಸೇರಿದಂತೆ ಹಲವರು ಅಭಿನಂದನೆ ತಿಳಿಸಿದ್ದಾರೆ. </p><p>‘ಇಂಗ್ಲೆಂಡ್ನ ನಂ.1 ಚೆಸ್ ಆಟಗಾರ್ತಿಯಾಗಿರುವ 11 ವರ್ಷದ ಬೋಧನ ಶಿವಾನಂದನ್ ಅವರಿಗೆ ಅಭಿನಂದನೆಗಳು. ಡೌನಿಂಗ್ ಸ್ಟ್ರೀಟ್ ಗಾರ್ಡನ್ನಲ್ಲಿರುವ ನಿವಾಸದಲ್ಲಿ ನಾವಿಬ್ಬರೂ ಒಂದು ಬಾರಿ ಚೆಸ್ ಆಡಿದ್ದೆವು’ ಎಂದು ರಿಷಿ ಸುನಕ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತ ಮೂಲದ ಬೋಧನ ಶಿವಾನಂದನ್, ಕೇವಲ 11 ವರ್ಷಕ್ಕೆ ಇಂಗ್ಲೆಂಡ್ನ ನಂ.1 ಮಹಿಳಾ ಚೆಸ್ ಆಟಗಾರ್ತಿಯಾಗಿದ್ದಾರೆ. </p><p>ಅಂತರರಾಷ್ಟ್ರೀಯ ಚೆಸ್ ಫೆಡರೇಷನ್(ಫಿಡೆ) ಇತ್ತೀಚೆಗೆ ಬಿಡುಗಡೆ ಮಾಡಿದ ಪಟ್ಟಿಯಲ್ಲಿ ಅವರು 2366 ರೇಟಿಂಗ್ ಪಾಯಿಂಟ್ ಹೊಂದಿದ್ದಾರೆ. </p><p>ತಮಿಳುನಾಡಿನ ತಿರುಚಿರಾಪಳ್ಳಿ ಮೂಲದ ಅವರ ಪೋಷಕರು, 2007ರಲ್ಲಿ ಇಂಗ್ಲೆಂಡ್ಗೆ ತೆರಳಿದ್ದರು. ಉತ್ತರ ಲಂಡನ್ನ ಹ್ಯಾರೋ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿರುವ ಬೋಧನ ಶಿವಾನಂದನ್, 11ನೇ ವರ್ಷದಲ್ಲೇ 4 ಬಾರಿಯ ಬ್ರಿಟಿಷ್ ಮಹಿಳಾ ಚಾಂಪಿಯನ್ ಆಗಿರುವ 25 ವರ್ಷದ ಲ್ಯಾನ್ ಯಾವೋ ಅವರನ್ನು ಫಿಡೆ ರ್ಯಾಂಕಿಂಗ್ನಲ್ಲಿ ಹಿಂದಿಕ್ಕಿದ್ದಾರೆ. </p><p>ಈ ಮೂಲಕ ಇದೇ ಮೊದಲ ಬಾರಿಗೆ ವಿಶ್ವದ ಟಾಪ್–100 ಮಹಿಳಾ ಆಟಗಾರ್ತಿಯರ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದು, 72ನೇ ಸ್ಥಾನದಲ್ಲಿದ್ದಾರೆ. </p><p>ಕೋವಿಡ್ ಲಾಕ್ಡೌನ್ ಸಂದರ್ಭದಲ್ಲಿ ತಂದೆಯು ಚೆಸ್ ಬೋರ್ಡ್ ಬಿಸಾಡುವಾಗ, ಅದನ್ನು ತಡೆದು ಚೆಸ್ ಆಡಲು ಶುರು ಮಾಡಿದ್ದಾಗಿ ಬೋಧನ ಶಿವಾನಂದನ್ ಹೇಳಿಕೊಂಡಿದ್ದಾರೆ. ಅವರು ಕಳೆದ ವರ್ಷ ಮಹಿಳಾ ಅಂತರರಾಷ್ಟ್ರೀಯ ಮಾಸ್ಟರ್ ಆಗಿದ್ದರು. </p><p>ಬೋಧನ ಶಿವಾನಂದನ್ ಅವರ ಸಾಧನೆಗೆ ಬ್ರಿಟನ್ ಮಾಜಿ ಪ್ರಧಾನಿ ರಿಷಿ ಸುನಕ್ ಸೇರಿದಂತೆ ಹಲವರು ಅಭಿನಂದನೆ ತಿಳಿಸಿದ್ದಾರೆ. </p><p>‘ಇಂಗ್ಲೆಂಡ್ನ ನಂ.1 ಚೆಸ್ ಆಟಗಾರ್ತಿಯಾಗಿರುವ 11 ವರ್ಷದ ಬೋಧನ ಶಿವಾನಂದನ್ ಅವರಿಗೆ ಅಭಿನಂದನೆಗಳು. ಡೌನಿಂಗ್ ಸ್ಟ್ರೀಟ್ ಗಾರ್ಡನ್ನಲ್ಲಿರುವ ನಿವಾಸದಲ್ಲಿ ನಾವಿಬ್ಬರೂ ಒಂದು ಬಾರಿ ಚೆಸ್ ಆಡಿದ್ದೆವು’ ಎಂದು ರಿಷಿ ಸುನಕ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
