ಇಂಧನ ಮಲೀನದಿಂದಾಗಿ ಎಂ.ವಿ. ಕಾಂಚನ್ ಹಡಗಿನ ಎಂಜಿನ್ ಸ್ಥಗಿತಗೊಂಡಿದ್ದು, ಹಡಗು ಸಮುದ್ರದ ಮಧ್ಯೆ ಸಿಲುಕಿರುವ ಬಗ್ಗೆ ನೌಕಾ ಸಂವಹನ ಕೇಂದ್ರದ ಮಹಾನಿರ್ದೇಶಕರಿಂದ ಭಾರತೀಯ ಕರಾವಳಿ ರಕ್ಷಣಾ ಪಡೆಯ ಪಶ್ಚಿಮ ವಿಭಾಗದ ಸಾಗರಯಾನ ರಕ್ಷಣಾ ಸಮನ್ವಯ ಕೇಂದ್ರಕ್ಕೆ (ಎಂಆರ್ಸಿಸಿ) ಬುಧವಾರ ಮಾಹಿತಿ ಬಂದಿತ್ತು. ಆ ಪ್ರದೇಶದಲ್ಲಿ ಹವಾಮಾನ ಕೂಡ ವೈಪರೀತ್ಯದಿಂದ ಕೂಡಿದ್ದು, ಗಂಟೆಗೆ 50 ನಾಟಿಕಲ್ ಮೈಲು ವೇಗದ ಗಾಳಿ ಬೀಸುವ ಜತೆಗೆ ಸಾಗರದಲ್ಲಿ ಅಲೆಗಳು 3 ರಿಂದ 2.5 ಮೀಟರ್ ಎತ್ತರಕ್ಕೆ ಏಳುತ್ತಿದ್ದವು.