ಶನಿವಾರ, ಜನವರಿ 16, 2021
27 °C

ಚೆನ್ನೈ-ಲಂಡನ್ ನಡುವೆ ತಡೆರಹಿತ ವಿಮಾನಯಾನಕ್ಕೆ ಏರ್‌ ಇಂಡಿಯಾ ಯೋಜನೆ

ಪಿಟಿಐ Updated:

ಅಕ್ಷರ ಗಾತ್ರ : | |

Air India

ನವದೆಹಲಿ: ಮುಂದಿನ ವರ್ಷ ಜನವರಿಯಿಂದ ಚೆನ್ನೈ-ಲಂಡನ್ ಮಾರ್ಗದಲ್ಲಿ ತಡೆರಹಿತ ವಿಮಾನಗಳ ಕಾರ್ಯಾಚರಣೆ ನಡೆಸಲು ಏರ್ ಇಂಡಿಯಾ ಯೋಜಿಸುತ್ತಿದ್ದು, ತಮಿಳುನಾಡಿನ ರಾಜಧಾನಿ ಬ್ರಿಟಿಷ್ ರಾಜಧಾನಿಯೊಂದಿಗೆ ಸಂಪರ್ಕ ಹೊಂದಿದ ಒಂಭತ್ತನೇ ನಗರವಾಗಲಿದೆ.

ಏರ್‌ ಇಂಡಿಯಾ ಸದ್ಯ ದೆಹಲಿಯಿಂದ ಲಂಡನ್‌ಗೆ ತಡೆರಹಿತ ವಿಮಾನಗಳನ್ನು (ವಾರಕ್ಕೆ ಏಳು ವಿಮಾನಗಳು), ಮುಂಬೈ (ವಾರಕ್ಕೆ ನಾಲ್ಕು ವಿಮಾನಗಳು), ಕೊಚ್ಚಿ (ವಾರಕ್ಕೆ ಮೂರು ವಿಮಾನಗಳು), ಅಹಮದಾಬಾದ್ (ವಾರಕ್ಕೆ ಎರಡು ವಿಮಾನಗಳು), ಬೆಂಗಳೂರು (ವಾರಕ್ಕೆ ಎರಡು ವಿಮಾನಗಳು), ಗೋವಾ (ವಾರಕ್ಕೆ ಎರಡು ವಿಮಾನಗಳು), ಕೋಲ್ಕತ್ತ (ವಾರಕ್ಕೆ ಒಂದು ವಿಮಾನ) ಮತ್ತು ಅಮೃತಸರದಿಂದ (ವಾರಕ್ಕೆ ಒಂದು ವಿಮಾನ) ಹಾರಾಟ ನಡೆಸುತ್ತಿವೆ ಎಂದು ವಿಮಾನಯಾನ ವಕ್ತಾರರು ಪಿಟಿಐಗೆ ತಿಳಿಸಿದ್ದಾರೆ.

ಕೋವಿಡ್‌–19 ನಿಯಂತ್ರಿಸುವ ನಿಟ್ಟಿನಲ್ಲಿ ಜಾರಿಯಾದ ಲಾಕ್‌ಡೌನ್‌ ನಂತರ ಅದರ ಲಂಡನ್ ವಿಮಾನಗಳಲ್ಲಿ ಸೀಟು ಭರ್ತಿ ಕುರಿತು ಕೇಳಿದ ಉತ್ತರಿಸಿದ ವಕ್ತಾರರು 'ಪ್ರಯಾಣಿಕರ ಸಂಖ್ಯೆಯು ಉತ್ತಮವಾಗಿದೆ' ಎಂದು ಹೇಳಿದರು.

ದೆಹಲಿ, ಕೊಚ್ಚಿ, ಗೋವಾ ಮತ್ತು ಅಹಮದಾಬಾದ್‌ನಂತಹ ಕೆಲವು ನಿಲ್ದಾಣಗಳಲ್ಲಿ (ಲಂಡನ್ ವಿಮಾನಗಳಿಗೆ) ಭಾರಿ ಬೇಡಿಕೆ ಕಂಡುಬಂದಿದೆ. '2021ರ ಜನವರಿಯಿಂದ ಚೆನ್ನೈ ಮತ್ತು ಲಂಡನ್ ನಡುವೆ ನೇರ ಕಾರ್ಯಾಚರಣೆಯನ್ನು ಪ್ರಾರಂಭಿಸುವ ಯೋಜನೆಯು ನಮ್ಮಲ್ಲಿದೆ' ಎಂದು ವಕ್ತಾರರು ತಿಳಿಸಿದ್ದಾರೆ.

ಕೋವಿಡ್-19 ಸಾಂಕ್ರಾಮಿಕ ರೋಗದಿಂದಾಗಿ ಮಾರ್ಚ್ 23ರಿಂದ ಭಾರತದಲ್ಲಿ ಪ್ರಯಾಣಿಕರ ಅಂತರರಾಷ್ಟ್ರೀಯ ವಿಮಾನಗಳನ್ನು ಸ್ಥಗಿತಗೊಳಿಸಲಾಗಿತ್ತು. ಮೇ ತಿಂಗಳಿನಿಂದ ವಂದೇ ಭಾರತ್ ಮಿಷನ್ ಅಡಿಯಲ್ಲಿ ಮತ್ತು ಜುಲೈನಿಂದ ದ್ವಿಪಕ್ಷೀಯ ಒಪ್ಪಂದಗಳ ಅಡಿಯಲ್ಲಿ ವಿಶೇಷ ಅಂತರರಾಷ್ಟ್ರೀಯ ವಿಮಾನಯಾನ ಸೇವೆಗಳ ಕಾರ್ಯಾಚರಣೆ ನಡೆಸಲು ವಿಮಾನಯಾನ ಸಂಸ್ಥೆಗಳಿಗೆ ಅನುಮತಿ ನೀಡಲಾಗಿದೆ.

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ವಿಮಾನಗಳು ದ್ವಿಪಕ್ಷೀಯ ಒಪ್ಪಂದದಡಿಯಲ್ಲಿ ಕಾರ್ಯನಿರ್ವಹಿಸುತ್ತಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು