ಕೋಹಿಮಾ:ಕೇಂದ್ರ ಸರ್ಕಾರವು ಇತ್ತೀಚೆಗೆ ಪ್ರಕಟಿಸಿರುವ 'ಅಗ್ನಿಪಥ' ಯೋಜನೆ ಅಡಿಯಲ್ಲಿ ಸೇನಾ ನೇಮಕಾತಿ ರ್ಯಾಲಿಯು ನಾಗಾಲ್ಯಾಂಡ್ನದಿಮಾಪುರ ಜಿಲ್ಲೆಯಲ್ಲಿರುವ ರಂಗಪಹರ್ ಸೇನಾ ನೆಲೆಯಲ್ಲಿಸೆ.7ರಿಂದ 23ರ ವರೆಗೆ ನಡೆಯಲಿದೆ.
www.joinindianarmy.nic.in ವೆಬ್ಸೈಟ್ನಲ್ಲಿ ನೇಮಕಾತಿಗೆ ಸಂಬಂಧಿಸಿದ ವಿವರವಾದ ಮಾಹಿತಿ ಇದೆ ಎಂದು ರಕ್ಷಣಾ ಇಲಾಖೆಯ (ಕೋಹಿಮಾ) ಸಾರ್ವಜನಿಕ ಸಂಪರ್ಕಾಧಿಕಾರಿ ಲೆಫ್ಟಿನೆಂಟ್ ಕರ್ನಲ್ ಸುಮಿತ್ ಕೆ.ಶರ್ಮಾ ಶುಕ್ರವಾರ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.
ನೇಮಕಾತಿ ರ್ಯಾಲಿಯಲ್ಲಿ ಭಾಗವಹಿಸಲು ಅಭ್ಯರ್ಥಿಗಳುಕಡ್ಡಾಯವಾಗಿ ನೋಂದಣಿ ಮಾಡಿಕೊಳ್ಳಬೇಕಿದೆ. ನೋಂದಣಿ ಪ್ರಕ್ರಿಯೆ ಇನ್ನು ಐದು ದಿನಗಳಲ್ಲಿ ಆರಂಭವಾಗಲಿದೆ ಎಂದುಹೇಳಿಕೆಯಲ್ಲಿ ಉಲ್ಲೇಖಿಸಲಾಗಿದೆ.
ಅಭ್ಯರ್ಥಿಗಳು ಯಾವ ದಿನದಂದು ಹಾಜರಾಗಬೇಕು ಎಂಬುದನ್ನು ರ್ಯಾಲಿ ಆರಂಭಕ್ಕೂ 10 ದಿನಗಳ ಮೊದಲು ಪ್ರವೇಶ ಪತ್ರಗಳ ಮೂಲಕ ತಿಳಿಸಲಾಗುವುದು. ಹಾಗೆಯೇ, ಈ ಸಾಲಿನ ನೇಮಕಾತಿ ವರ್ಷದಲ್ಲಿ ಎರಡು ವರ್ಷ ವಯೋಮಿತಿ ಸಡಿಲಿಕೆ ನೀಡಲಾಗುವುದು ಎಂದೂಶರ್ಮಾ ಮಾಹಿತಿ ನೀಡಿದ್ದಾರೆ.