ನವದೆಹಲಿ: ‘ಕೋವಿಡ್–19ರಿಂದ ಉದ್ಭವಿಸಿರುವ ಅಗತ್ಯಗಳಿಗೆ ಭರಿಸಲು ಸಂಸದರ ವೇತನದಲ್ಲಿ ಶೇ 30ರಷ್ಟು ಕಡಿತಕ್ಕೆ ಅವಕಾಶ ಕಲ್ಪಿಸುವ ಮಸೂದೆಯನ್ನು ಲೋಕಸಭೆಯಲ್ಲಿ ಸೋಮವಾರ ಮಂಡಿಸಲಾಯಿತು. ಸಂಸದೀಯ ವ್ಯವಹಾರಗಳ ಸಚಿವ ಪ್ರಲ್ಹಾದ್‌ ಜೋಶಿ ಮಂಡಿಸಿದರು.
ಇದು ಈಗಾಗಲೇ ಸುಗ್ರೀವಾಜ್ಞೆಯಾಗಿ ಜಾರಿಯಲ್ಲಿದೆ. ಸಂಪುಟ ಅನುಮೋದನೆಯ ಬಳಿಕ ಏಪ್ರಿಲ್ 6ರಂದು ಸುಗ್ರೀವಾಜ್ಞೆ ಹೊರಡಿಸಲಾಗಿತ್ತು. ಕೋವಿಡ್ ಹರಡುವುದನ್ನು ತಡೆಯಲು ಆಗಬೇಕಿರುವ ಕೆಲ ವೆಚ್ಚಗಳನ್ನು ಭರಿಸಲು ಈ ಕ್ರಮ ಅಗತ್ಯವಾಗಿದೆ ಎಂದು ಸಚಿವರು ತಿಳಿಸಿದರು.
