ಚುನಾವಣೆಗಾಗಿ ಬಿಜೆಪಿಯಿಂದ ಹಿಂದೂ–ಮುಸ್ಲಿಂ ವಿಭಜನೆ: ಮೆಹಬೂಬ

ನಗರದ ಪಿಡಿಪಿ ಕಚೇರಿಯಲ್ಲಿ ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ದೇಶದಲ್ಲಿ ಹಿಂದೂ–ಮುಸ್ಲಿಂ ಸಮುದಾಯದ ನಡುವೆ ಗಲಭೆ ಹಬ್ಬಿಸುವುದೇ ಬಿಜೆ‍ಪಿಯ ಕಾರ್ಯಾಸೂಚಿಯಾಗಿದೆ. ಈ ಎರಡೂ ಸಮುದಾಯಗಳ ಸಾಮರಸ್ಯವನ್ನು ಹಾಳು ಮಾಡಲು ಬಿಜೆಪಿ ಬಯಸಿದೆ. ಚುನಾವಣೆಗಳನ್ನು ಗೆಲ್ಲುವ ಸಲುವಾಗಿ ರಾಷ್ಟ್ರೀದ ಪ್ರಾಚೀನ ಕೋಮು ಸೌಹಾರ್ದತೆಯ ಮೇಲೆ ದಾಳಿ ನಡೆಸುತ್ತಿದೆ’ ಎಂದು ದೂರಿದರು.

‘ಪಿಡಿಪಿಯು ಯಾವಾಗಲೂ ಸತ್ಯದ ಜತೆ ನಿಲ್ಲುವುದರಿಂದ ಹಾಗೂ ಅದು ನಡೆಸುವ ಹೋರಾಟಕ್ಕೆ ಸರ್ಕಾರವು ಹೆದರಿದಂತಿದೆ. ಪಿಡಿಪಿ ನಾಯಕರು ಹಾಗೂ ಕಾರ್ಯಕರ್ತರು ತಮ್ಮ ಅಗಲಿದ ನೆಚ್ಚಿನ ನಾಯಕನಿಗೆ ಶ್ರದ್ದಾಂಜಲಿ ಸಲ್ಲಿಸುವ ಸಂದರ್ಭದಲ್ಲಿ ಮಾತ್ರ ಕೋವಿಡ್‌ ನಿಯಮಾವಳಿಗಳು ನೆನಪಿಗೆ ಬರುತ್ತವೆ’ ಎಂದು ವ್ಯಂಗ್ಯವಾಡಿದರು.