ಎರಡು ನಿಮಿಷಗಳ ವಿಡಿಯೊ ಇದಾಗಿದ್ದು, ಶೋಲೆ ಚಿತ್ರದಲ್ಲಿ ನಟ ಗೋವರ್ಧನ್ ಅಸ್ರಾನಿ ಅವರು ನಿರ್ವಹಿಸಿದ್ದ ಪಾತ್ರದಂತೆ ರಾಹುಲ್ ಗಾಂಧಿ ಅವರನ್ನು ಬಿಂಬಿಸಲಾಗಿದೆ. ಗೋವಾದಲ್ಲಿ ಹಲವು ಶಾಸಕರು ಕಾಂಗ್ರೆಸ್ ತೊರೆದಿದ್ದು, ಹಲವು ಮುಖಂಡರು ಪಕ್ಷ ತೊರೆದು ಹಿರಿಯ ನಾಯಕ ಗುಲಾಂ ನಬಿ ಆಜಾದ್ ಅವರು ಸ್ಥಾಪಿಸಿರುವ ಪಕ್ಷಕ್ಕೆ ಸೇರ್ಪಡೆ ಆಗುತ್ತಿರುವುದು ಮತ್ತು ರಾಜಸ್ಥಾನ ಕಾಂಗ್ರೆಸ್ನಲ್ಲಿ ನಡೆಯುತ್ತಿರುವ ಒಳಜಗಳಗಳ ಕುರಿತ ವ್ಯಂಗ್ಯವೂ ಈ ವಿಡಿಯೊದಲ್ಲಿದೆ.