ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಬಾರಾಮತಿ ಕ್ಷೇತ್ರಕ್ಕೆ ಭೇಟಿ ನೀಡುತ್ತಿರುವ ಹಿನ್ನೆಲೆಯಲ್ಲಿ ಪಕ್ಷದ ಪದಾಧಿಕಾರಿಗಳ ಜೊತೆ ಸಂವಹನ ನಡೆಸುವ ಸಲುವಾಗಿ ಅವರು ಇಲ್ಲಿಗೆ ಆಗಮಿಸಿದ್ದರು. ಆ ವೇಳೆ ಮರಾಠಿ ಸುದ್ದಿವಾಹಿನಿಯೊಂದರ ಎದುರು ಮಾತನಾಡಿದ ಅವರು, ಬಾರಾಮತಿ ಮತ್ತು ರಾಜ್ಯದ ಇತರ 15 ಲೋಕಸಭೆ ಕ್ಷೇತ್ರಗಳು ಸೇರಿ ದೇಶದಾದ್ಯಂತ 140 ಲೋಕಸಭಾ ಕ್ಷೇತ್ರಗಳಲ್ಲಿ ಬಿಜೆಪಿ ನೆಲೆಯನ್ನು ಗಟ್ಟಿಗೊಳಿಸಲು ಅಭಿಯಾನವೊಂದಕ್ಕೆ ಪಕ್ಷ ಚಾಲನೆ ನೀಡಿದೆ ಎಂದರು.
