ಅಯೋಧ್ಯೆ: ದೇವಸ್ಥಾನದ ಆವರಣದಲ್ಲಿ ರಕ್ತಮಯ ಮೃತದೇಹ ಪತ್ತೆ

ಕುಮಾರ್‌ ಗಂಜ್‌ ಪೊಲೀಸ್‌ ಠಾಣೆಯ ವ್ಯಾಪ್ತಿಯ ಭೌವಪುರ್‌ ಗ್ರಾಮದಲ್ಲಿ ಶನಿವಾರ ರಾತ್ರಿ ಕೃತ್ಯ ನಡೆದಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಕೊಲೆಯಾದ ಪಂಕಜ್‌ ಶುಕ್ಲಾ ಅವರು ರಾತ್ರಿ ಊಟದ ಬಳಿಕ ಮಲಗಲು ದೇವಸ್ಥಾನಕ್ಕೆ ಹೋಗುತ್ತಿದ್ದರು. ಮರುದಿನ ವಾಪಸ್‌ ಮನೆಗೆ ಬಾರದಿದ್ದಾಗ ಅವರ ಕುಟುಂಬ ಸದಸ್ಯರು ಹುಡುಕಾಟ ನಡೆಸಿದ್ದರು. ದೇವಸ್ಥಾನದ ಆವರಣದಲ್ಲೇ ರಕ್ತಮಯಗೊಂಡುಬಿದ್ದಿರುವುದು ಪತ್ತೆಯಾಗಿದೆ. ಕುತ್ತಿಗೆ ಭಾಗಕ್ಕೆ ಹರಿತವಾದ ಆಯುಧದಿಂದ ಇರಿದು ಕೊಲೆ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕೆಲವೇ ಗಂಟೆಗಳಲ್ಲಿ ಹಂತಕನನ್ನು ಬಂಧಿಸಲಾಗಿದೆ. ಕೊಲೆಯಾದ ವ್ಯಕ್ತಿಯ ಸಂಬಂಧಿ ಗುಲ್ಲು ಮಿಶ್ರಾನೆ ಕೊಲೆಗಾರ ಎಂಬುದು ಪತ್ತೆಯಾಗಿದೆ. ಮಾತಿನ ಬರದಲ್ಲಿ ಪರಸ್ಪರ ನಡೆದ ವಾಗ್ವಾದವೇ ಕೊಲೆಗೆ ಕಾರಣ ಎಂದು ತಿಳಿದುಬಂದಿದೆ.