ನವದೆಹಲಿ: ಹಿಮಾಚಲ ಪ್ರದೇಶದಲ್ಲಿ 1,032 ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆಯಲಾಗಿದ್ದ ಅಕ್ರಮ ಗಾಂಜಾವನ್ನು ಕೇಂದ್ರ ಮಾದಕ ದ್ರವ್ಯ ದಳ (ಸಿಬಿಎನ್‌)ದ ಅಧಿಕಾರಿಗಳು ಇತ್ತೀಚೆಗೆ ನಾಶಪಡಿಸಿದ್ದಾರೆ.
ನಿಖರ ಮಾಹಿತಿ ಮೇರೆಗೆ, ತಂತ್ರಗಾರಿಕೆ ರೂಪಿಸಿ, ಸಾಕಷ್ಟು ಅಧ್ಯಯನ ನಡೆಸಿ ಎರಡು ವಾರಗಳ ಕಾಲ ಈ ಕಾರ್ಯಾಚರಣೆ ನಡೆಸಲಾಗಿದೆ. ಹೀಗಾಗಿ ಇದು ಮಾದಕ ದ್ರವ್ಯದ ವಿರುದ್ಧದ ಅತಿದೊಡ್ಡ ಕಾರ್ಯಾಚರಣೆ ಎಂದು ಸ್ವತಃ ಸಿಬಿಎನ್‌ ಹೇಳಿದೆ.
In one of the biggest destruction operations conducted over 2 weeks in Himachal Pradesh, officers of Central Bureau of Narcotics (CBN) destroyed 1032 hectares (12,900 bighas) of illicit cannabis (ganja) cultivation
ಎರಡು ವಾರಗಳ ಕಾಲ ನಡೆದ ಕಾರ್ಯಾಚರಣೆಯ ವೇಳೆ, ಅಧಿಕಾರಿಗಳು ಸಮುದ್ರ ಮಟ್ಟದಿಂದ ಮೇಲೆ 11,000 ಅಡಿಗಳವರೆಗೆ ಪ್ರತಿದಿನ ಘಟ್ಟ ಪ್ರದೇಶ, ಸೂಕ್ಷ್ಮ ಪ್ರದೇಶಗಳಲ್ಲಿ ಕ್ಯಾಂಪ್ ಹಾಕುತ್ತಿದ್ದರು ಎಂದು ‘ಪ್ರೆಸ್‌ ಇನ್ಫರ್ಮೇಷನ್‌ ಬ್ಯೂರೋ’ ಹೇಳಿದೆ.
ಗಾಂಜಾ ಪತ್ತೆ ಮತ್ತು ಕಣ್ಗಾವಲಿಗಾಗಿ ಡ್ರೋನ್‌ಗಳನ್ನು ಬಳಸಲಾಗಿದೆ ಎಂದು ವರದಿಯಾಗಿದೆ. ಗಾಂಜಾ ಬೆಳೆ ನಾಶ ಮಾಡಲು ಸಿಎನ್‌ಬಿ ಮೊದಲಿಗೆ ಸ್ಥಳೀಯ ಗ್ರಾಮಗಳಲ್ಲಿ ಜಾಗೃತಿ ಕೈಗೊಂಡಿದ್ದರು. ಬೆಳೆ ನಾಶದ ವೇಳೆ ಗ್ರಾಮಸ್ಥರೂ ಅಧಿಕಾರಿಗಳೊಂದಿಗೆ ಸಹರಿಸಿದ್ದಾರೆ.
