ಭಾನುವಾರ, ನವೆಂಬರ್ 1, 2020
20 °C

ನಿರ್ಭಯಾ ನಿಧಿ: ರಾಜ್ಯಗಳಿಗೆ ₹3,024 ಕೋಟಿ ಬಿಡುಗಡೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ನಿರ್ಭಯಾ ನಿಧಿಯಡಿ ರಾಜ್ಯ ಸರ್ಕಾರ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ಕೇಂದ್ರ ಸರ್ಕಾರ ₹3,024 ಕೋಟಿ ಬಿಡುಗಡೆ ಮಾಡಿದ್ದು, ಈ ಪೈಕಿ ರಾಜ್ಯಗಳು ₹1,919 ಕೋಟಿ ಅನುದಾನವನ್ನು ಬಳಕೆ ಮಾಡಿಕೊಂಡಿವೆ ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ಶುಕ್ರವಾರ ತಿಳಿಸಿದೆ.

ದೆಹಲಿಯಲ್ಲಿ 2012ರಲ್ಲಿ ನಡೆದ ನಿರ್ಭಯಾ ಅತ್ಯಾಚಾರ ಪ್ರಕರಣದ ನಂತರ, ಮಹಿಳೆಯರ ಸುರಕ್ಷತೆಯನ್ನು ಮತ್ತಷ್ಟು ಸದೃಢಗೊಳಿಸುವ ಉದ್ದೇಶದಿಂದ ಯುಪಿಎ ಸರ್ಕಾರ ಈ ನಿಧಿ ಸ್ಥಾಪಿಸಿತ್ತು. ನಿರ್ಭಯಾ ನಿಧಿ ಅನುದಾನ ಕುರಿತ ಪ್ರಶ್ನೆಗೆ ಉತ್ತರಿಸಿದ ಸಚಿವೆ ಸ್ಮೃತಿ ಇರಾನಿ, ರಾಜ್ಯವಾರು ಮಾಹಿತಿಯನ್ನು ನೀಡಿದರು. 

14,950 ಎಸ್‌ಎಇಸಿ ಕಿಟ್‌: ಲೈಂಗಿಕ ದೌರ್ಜನ್ಯ ಪ್ರಕರಣಗಳಲ್ಲಿ ಸೂಕ್ತ ತನಿಖೆಗಾಗಿ 14,950 ಸಾಕ್ಷ್ಯ ಸಂಗ್ರಹ ಕಿಟ್‌ಗಳನ್ನು (ಎಸ್‌ಎಇಸಿ) ನಿರ್ಭಯಾ ನಿಧಿಯಡಿ (₹2.97 ಕೋಟಿ) ನೀಡಲಾಗಿದೆ ಎಂದು ಇರಾನಿ ತಿಳಿಸಿದರು. ಉತ್ತರ ಪ್ರದೇಶಕ್ಕೆ 3,056, ರಾಜಸ್ಥಾನಕ್ಕೆ 1,452 ಹಾಗೂ ಮಧ್ಯಪ್ರದೇಶಕ್ಕೆ 1,187 ಕಿಟ್‌ಗಳನ್ನು ನೀಡಲಾಗಿದೆ ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು