‘ತಮ್ಮನ್ನು ವಂಚಿಸಬೇಕೆಂದು ತೀರ್ಮಾನಿಸಿದ್ದ ಆರೋಪಿಯು ಮೊದಲು ಸಿಬ್ಬಂದಿಯ ನಂಬಿಕೆ ಗಳಿಸಲು ಮುಂದಾಗಿದ್ದ. ಇದಕ್ಕಾಗಿ ಉದ್ದೇಶಪೂರ್ವಕವಾಗಿಯೇ ನಕಲಿ ಬ್ಯುಸಿನೆಸ್ ಕಾರ್ಡ್ ಹಾಗೂ ಯುಎಇ ನಿವಾಸಿ ಪ್ರಮಾಣ ಪತ್ರ ಒದಗಿಸಿದ್ದ. ಆಗಸ್ಟ್ ಮತ್ತು ಸೆಪ್ಟೆಂಬರ್ನಲ್ಲಿ ಆತ ಕೆಲ ಕಂತುಗಳಲ್ಲಿ ₹11.5 ಲಕ್ಷ ಪಾವತಿಸಿದ್ದ. ₹23,48,413 ಮೊತ್ತ ಬಾಕಿ ಇತ್ತು. ಇದಕ್ಕಾಗಿ ₹20 ಲಕ್ಷದ ಚೆಕ್ ನೀಡಿದ್ದ. ಸೆಪ್ಟೆಂಬರ್ 22ರಂದು ಅದನ್ನು ಬ್ಯಾಂಕ್ಗೆ ನೀಡಲಾಗಿತ್ತು. ಆತನ ಖಾತೆಯಲ್ಲಿ ಹಣ ಇಲ್ಲದಿದ್ದರಿಂದ ಅದು ‘ಬೌನ್ಸ್’ ಆಗಿತ್ತು. ಆತ ನವೆಂಬರ್ 20ರಂದು ಮಧ್ಯಾಹ್ನ 1 ಗಂಟೆ ಸುಮಾರಿಗೆ ಹೋಟೆಲ್ನಿಂದ ಪರಾರಿಯಾಗಿದ್ದ ಎಂದು ಹೋಟೆಲ್ ಆಡಳಿತ ನೀಡಿರುವ ದೂರಿನಲ್ಲಿ ಉಲ್ಲೇಖಿಸಲಾಗಿದೆ’ ಎಂದು ವಿವರಿಸಿದ್ದಾರೆ.