Covid-19 India Update: ಮಹಾರಾಷ್ಟ್ರದಲ್ಲಿ ಒಂದೇ ದಿನ 18,056 ಕೊರೊನಾ ಪ್ರಕರಣ

ಭಾನುವಾರ ಒಂದೇ ದಿನ ಮಹಾರಾಷ್ಟ್ರದಲ್ಲಿ 18,056 ಮಂದಿಗೆ ಸೋಂಕು ತಗುಲಿದ್ದು, 380 ಮಂದಿ ಅಸುನೀಗಿದ್ದಾರೆ. ಇದರೊಂದಿಗೆ ರಾಜ್ಯದ ಸೋಂಕಿತರ ಸಂಖ್ಯೆ 13,39,232 ತಲುಪಿದೆ. ಈವರೆಗೆ 35,571 ಸಾವು ಸಂಭವಿಸಿದೆ. 2,73,228 ಸಕ್ರಿಯ ಪ್ರಕರಣಗಳಿವೆ.

ಮುಂಬೈ ನಗರವೊಂದರಲ್ಲೇ 2,261 ಪ್ರಕರಣ, 44 ಸಾವು ವರದಿಯಾಗಿದೆ. ಅಲ್ಲಿ ಸದ್ಯ 26,593 ಸಕ್ರಿಯ ಪ್ರಕರಣಗಳಿವೆ.

ಪಶ್ಚಿಮ ಬಂಗಾಳದಲ್ಲಿ 3,185 ಮಂದಿಗೆ ಸೋಂಕು ತಗುಲಿದ್ದು, 60 ಮಂದಿ ಅಸುನೀಗಿದ್ದಾರೆ. 2,946 ಮಂದಿ ಗುಣಮುಖರಾಗಿದ್ದಾರೆ ಎಂದು ಅಲ್ಲಿನ ಆರೋಗ್ಯ ಇಲಾಖೆ ತಿಳಿಸಿದೆ.

ಇದನ್ನೂ ಓದಿ:Covid-19 Karnataka Update: ರಾಜ್ಯದಲ್ಲಿ 9,543 ಹೊಸ ಕೊರೊನಾ ಪ್ರಕರಣ

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 3,292 ಪ್ರಕರಣ ದೃಢಪಟ್ಟಿದ್ದು, 42 ಮಂದಿ ಮೃತಪಟ್ಟಿದ್ದಾರೆ. 3,739 ಸೋಂಕಿತರು ಇಂದು ಗುಣಮುಖರಾಗಿದ್ದಾರೆ.

ತಮಿಳುನಾಡಿನಲ್ಲಿ 5,791 ಮಂದಿಗೆ ಸೋಂಕು ತಗುಲಿರುವುದು ಪತ್ತೆಯಾಗಿದ್ದು, 80 ಮಂದಿ ಸಾವಿಗೀಡಾಗಿದ್ದಾರೆ. 5,706 ಮಂದಿ ಚೇತರಿಸಿಕೊಂಡಿದ್ದಾರೆ.

ಉಳಿದಂತೆ ಉತ್ತರ ಪ್ರದೇಶದಲ್ಲಿ 4,403, ಆಂಧ್ರಪ್ರದೇಶದಲ್ಲಿ 6,923, ಕರ್ನಾಟಕದಲ್ಲಿ 9,543, ಜಮ್ಮು–ಕಾಶ್ಮೀರದಲ್ಲಿ 1,141, ಪಂಜಾಬ್‌ನಲ್ಲಿ 1,458, ಹರಿಯಾಣದಲ್ಲಿ 1,515 ಪ್ರಕರಣಗಳು ದೃಢಪಟ್ಟಿವೆ.

ಇದನ್ನೂ ಓದಿ:Covid-19 India Update | 60 ಲಕ್ಷ ಸನಿಹಕ್ಕೆ ಸೋಂಕಿತರ ಸಂಖ್ಯೆ

ಭಾನುವಾರ ಬೆಳಿಗ್ಗೆ ವೇಳೆಗೆ ಕೊನೆಗೊಂಡ 24 ಗಂಟೆಗಳಲ್ಲಿ ದೇಶದಾದ್ಯಂತ 88,600 ಜನರಿಗೆ ಸೋಂಕು ತಗುಲಿರುವುದು ದೃಢಪಟ್ಟಿತ್ತು. ಇದರೊಂದಿಗೆ ಸೋಂಕಿತರ ಸಂಖ್ಯೆ 60 ಲಕ್ಷ ಸನಿಹ ತಲುಪಿದೆ.