ನವದೆಹಲಿ: ದೇಶದಲ್ಲಿ ಕಳೆದ 24 ತಾಸಿನಲ್ಲಿ 3,62,727 ಕೋವಿಡ್ ಸೋಂಕು ಪ್ರಕರಣಗಳು ವರದಿಯಾಗಿದ್ದು, 4,120 ಮಂದಿ ಮೃತಪಟ್ಟಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಗುರುವಾರ ಬೆಳಗ್ಗೆ ಪ್ರಕಟಣೆಯಲ್ಲಿ ತಿಳಿಸಿದೆ.
ದೇಶದಲ್ಲಿ ಒಟ್ಟು 2,37,03,665 ಕೋವಿಡ್ ಸೋಂಕು ಪ್ರಕರಣಗಳು ದೃಢಗೊಂಡಿದೆ. ಹಾಗೆಯೇ ಇದುವರೆಗೆ 1,97,34,823 ಮಂದಿ ರೋಗಮುಕ್ತಿ ಹೊಂದಿದ್ದಾರೆ.
ಸದ್ಯ ದೇಶದಲ್ಲೀಗ 37,10,525 ಸಕ್ರಿಯ ಪ್ರಕರಣಗಳಿವೆ. 2,58,317 ಮಂದಿ ಮೃತಪಟ್ಟಿದ್ದಾರೆ.
— #IndiaFightsCorona (@COVIDNewsByMIB) May 13, 2021
ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ವರದಿ ಪ್ರಕಾರ, ಮೇ 12ರ ವರೆಗೆ 30,94,48,585 ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ಇದರಲ್ಲಿ ಬುಧವಾರದಂದು 18,64,594 ಮಾದರಿಗಳು ಸೇರಿವೆ.
ದೇಶದಾದ್ಯಂತ ಈ ವರೆಗೆ 17,72,14,256 ಕೋವಿಡ್ ಲಸಿಕೆಯ ಡೋಸ್ ವಿತರಿಸಲಾಗಿದೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.