ಭಾನುವಾರ, ಜನವರಿ 17, 2021
26 °C

ದೆಹಲಿಯ ಪಾಲಿಕೆಗಳಲ್ಲಿ ₹2,500 ಕೋಟಿ ಹಗರಣ: ಸಿಬಿಐ ತನಿಖೆಗೆ ನಿರ್ಣಯ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಬಿಜೆಪಿಯ ಆಡಳಿತವಿರುವ ದೆಹಲಿಯ ಮಹಾನಗರ ಪಾಲಿಕೆಗಳಲ್ಲಿ ನಡೆದಿದೆ ಎನ್ನಲಾದ ₹2,500 ಕೋಟಿ ಹಗರಣವನ್ನು ಸಿಬಿಐ ತನಿಖೆಗೆ ವಹಿಸ‌ಲು ದೆಹಲಿ ವಿಧಾನಸಭೆ ಶುಕ್ರವಾರ ಧ್ವನಿಮತದ ಮೂಲಕ ನಿರ್ಣಯವನ್ನು ಅಂಗೀಕರಿಸಿತು.

ವಿಧಾನಸಭೆ ಅಧಿವೇಷನದಲ್ಲಿ ಎಎಪಿ ಶಾಸಕ ಸೌರಭ್ ಭರದ್ವಾಜ್ ಅವರು ಈ ವಿಷಯವನ್ನು ಮೊದಲು ಪ್ರಸ್ತಾಪಿಸಿದರು.

‘ಬಿಜೆಪಿ ಆಡಳಿತದ ದೆಹಲಿಯ ಪಾಲಿಕೆಗಳಲ್ಲಿ ಆಗಾಗ ಹಗರಣಗಳು ನಡೆಯುತ್ತಲೇ ಇರುತ್ತವೆ. ಆದರೆ ಈಗೀನ ಕೌನ್ಸಿಲರ್‌ಗಳು ಮುಂಚಿನ ಭ್ರಷ್ಟಾಚಾರದ ದಾಖಲೆಗಳನ್ನು ಮುರಿದಿದ್ದಾರೆ‘ ಎಂದು ಅವರು ಹೇಳಿದರು.

‘ಇಲ್ಲಿನ ಪಾಲಿಕೆಗಳು ದೆಹಲಿಯ ಮಗಳಿದ್ದಂತೆ. ಅದನ್ನು ಬಿಜೆಪಿಗೆ ನೀಡಲಾಗಿದೆ. ಆದರೆ ಬಿಜೆಪಿಯು ಮಗಳೊಂದಿಗೆ ಅತ್ತೆಯಂತೆ ವರ್ತಿಸುತ್ತಿದೆ’ ಎಂದು ಭರದ್ವಾಜ್ ಅವರು ಆರೋಪಿಸಿದರು.

‘ಇಲ್ಲಿ ಕೋಟಿಗಟ್ಟಲೆ ಹಣವನ್ನು ಲಂಚ ರೂಪದಲ್ಲಿ ಸ್ವೀಕರಿಸಲಾಗುತ್ತಿದೆ. ಪಾಲಿಕೆ ಕಟ್ಟಡ ನಿರ್ಮಾಣ ವಿಭಾಗವು ಭ್ರಷ್ಟಚಾರ ಮತ್ತು ಲಂಚ ಪಡೆಯುವುದಕ್ಕೆ ಗುರುತಿಸಲ್ಪಡುತ್ತದೆ. ಬಿಜೆಪಿ ಕೌನ್ಸಿಲರೊಬ್ಬರು ಕಟ್ಟಡ ನಿರ್ಮಾಣ ಕಾರ್ಯದಲ್ಲಿ ಲಂಚ ಸ್ವೀಕರಿಸುತ್ತಿರುವಾಗ ಸಿಬಿಐಗೆ ಸಿಕ್ಕಿ ಬಿದ್ದಿದ್ದರು’ ಎಂದು ಅವರು ದೂರಿದರು.

ದೆಹಲಿ ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ರಾಮ್‌ವೀರ್ ಸಿಂಗ್ ಬಿಧುರಿ ಅವರು ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದು, ₹2,500 ಕೋಟಿ ಹಗರಣದ ಆರೋಪವು ಆಧಾರರಹಿತವಾಗಿದೆ ಎಂದು ಪ್ರತಿಪಾದಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು